GÉNESIS 24:16 - Dios Rimashca Shimicunami

¹⁶ Chai solteraca sumaj ñahui, c'arihuan manaraj chayarinacushcami carca. Paica pugyuman uriyashpa paipaj puñupi yacuta huishishpami ña tigragrirca.

GÉNESIS 24:16 Iomraidhean Croise

GÉNESIS 12:11

Abramca Egiptoman ñalla chayagricushpami, paipaj huarmi Saraitaca: “Canca sumaj ñahui huarmimari cangui.

GÉNESIS 26:7

Chaipi cajpimi, chaipi causaj gentecunaca Rebecaca cambaj huarmichu nishpa tapujpi, paica: “Ñuca panimi” nirca. Paica: “Ñuca huarmimi” nijpica chaipi causaj gentecuna Rebecamanta paita huañuchinata manchashcamantami chashna nirca. Rebecaca sumaj ñahui huarmimi carca.

GÉNESIS 29:17

Leapajca ñahui luluncunallami sumaj carca. Ashtahuanpish Raquelca ñahuipish sumaj, munananqui solterami carca.

GÉNESIS 39:6

Potifarca tucui pai imalla charishcacunata Josepaj maquipi churashpaca, imata mana sustarishpa micunallatami yuyarirca. Joseca sumaj ñahui, munananqui huambrami carca.

GÉNESIS 4:1

Evaca paipaj cusa Adán chayarijpimi, chichushpa shuj huahuata huacharca. “Mandaj Dios munashpa cujpimari shuj c'ari huahuata charini” nishpami, chai huahuataca Cainta shutichirca.

CANTARES 5:2

Ñuca ñahui huichcarijpipish, ñuca yuyaica rijcharishcami carca. Ñuca c'uyashcami cashna caparicushca carca: “Ñuca panilla, ñuca c'uyashcalla, ñuca palomalla, ima pandata mana rurajlla punguta pascapayari. Ñuca umata garhua shutujyachicunca. Ñuca ajchamantapish garhua yacu shutucunca” nishpami caparicushca carca.