GÉNESIS 24:12 - Dios Rimashca Shimicunami

¹² Chaipimi paica: “Ñuca amo Abrahamta Mandaj Taita Dios, ñuca cunan pihuan tupashcaca alli cashca cachun. Ñuca amo Abrahamta c'uyashcata ricuchihuai nirca.

GÉNESIS 24:12 Iomraidhean Croise

GÉNESIS 15:1

Tucui chaicuna tucushca q'uipami Mandaj Diosca muscuipi shina ricurishpa Abramtaca: –Abram, ama manchaichu. Cambaj escudoca ñucami cani. Can japina cashcaca tucuita yalli jatunmari– nirca.

GÉNESIS 24:21

Chai runaca achcata mancharishpa upalla shayashpami, pai shamushcataca Mandaj Diosca yangallata ruragrishcata, allita ruragrishcata yachasha nishpa shayacurca.

GÉNESIS 24:27

“Ñuca amo Abrahamta Mandaj Taita Diostaca alli nishca cachun. Paica ñuca amota c'uyashpa, pai imata nishcata pajtachishpami, ñucataca tucui ñanta pushashpa ñuca amopaj huauquicunapaj huasiman pushamushca” nishpami adorarca.

GÉNESIS 24:42

Chaimantami ñucaca cai puebloman yaicuna yacu pugyu c'uchuman chayamushpaca cashna mañarcani: “Ñuca amo Abrahamta Mandaj Taita Dios cunan ñuca caiman shamushca ama yanga cachun quiquin allita rurashpaca,

GÉNESIS 24:48

Chai q'uipaca ñuca amopaj churipaj huarmi cachunca paipaj huauquipaj ushushita pushachun tucui ñanpi cuidashpa pushamushcamantami ñuca amo Abrahamta Mandaj Taita Diospaj ñaupajpica cumurishpa allimari cangui nishpa adorarcani.

GÉNESIS 26:24

Chai tutami Mandaj Diosca Isaacman ricurishpaca: “Ñucaca cambaj yaya Abrahampaj Taita Diosmi cani. Ñuca canhuan cashcamanta ama manchaichu. Cantaca alli cashca cachun nishami. Cambaj huahua huahuacunataca achcatami mirachisha. Ñucapajta ruraj Abrahamta c'uyashcamantami chashna rurasha” nircami.

GÉNESIS 27:10

Chaita cambaj yayapajman apajpi, manaraj huañushpa chaita micushpami cantaca alli cashca cachun ninga– nircami.

GÉNESIS 27:20

Chaimi Isaacca paipaj churitaca: –Ñuca huahualla ¿ima shinataj ñapish japimunguiyari?– nijpi Jacobca: –Canta Mandaj Taita Diosmari tupachun ñuca ñaupajman pushamun– nirca.

GÉNESIS 28:13

Mandaj Taita Diosca chai escalera punta jahuallamantatajmi: “Ñucaca cambaj abuelo Abrahampaj, cambaj yaya Isaacpaj Mandaj Taita Diosmi cani. Can siricun llajtataca canmanpish, cambaj huahua huahuacunamanpishmi cusha.

GÉNESIS 31:42

Abrahampaj Taita Dios, ñuca yaya Isaac manchashpa cazuna Taita Dios mana ñucahuan cashca cajpica, ñucataca chushaj maquillatami tigrachishpa cachanguiman carca. Ashtahuanpish ñuca maquicunahuan c'uyaillata cambajta trabajacujta ricuj Taita Diosmi, cunan tuta canman ricurishpa ama imata rurachun jarcashca– nircami.

GÉNESIS 32:10

¡Tucui caicunata quiquin llaquishpa cuna cashcata mana chasquipaj cajpipish cambajta ruraj ñucamanca cai tucuitami cushcangui! Ñucaca cai Jordán jatun yacutaca tauna caspita aisashcallami ch'imbashpa rircani. Ashtahuanpish cunanca ishqui mirgapi ch'icanyachishca animalcunatapish, runacunatapishmi charini.

GÉNESIS 32:9

Chai q'uipami Jacobca: “Ñuca abuelo Abrahampaj, ñuca yaya Isaacpaj Mandaj Taita Dios, quiquinmi ñucataca: Cambaj quiquin llajtaman, cambaj quiquin familiapajman tigrailla. Ñucami cantaca maipipish cuidasha nircangui.

GÉNESIS 43:14

Pailla Tucuita Rurai Tucuj Taita Diosca, chai mandajtaca cancunata llaquina yuyaita cushca alli canman. Chai mandaj cancunata llaquishpaca Simeontapish, cai Benjamintapish cacharingapishchari. Mana chashna rurajpi huahuacuna illajlla ñuca saquirina cajpica, chashna cangatajchari– nirca.

1 REYES 18:36

Diosman animalta cushpa tucui rupachina horas tucujpica, profeta Eliasca altarman c'uchuyashpami: “Abrahampaj, Isaacpaj, Israelpaj Mandaj Taita Dioslla, Israel llajtapica canlla Dios cashcata cunantaj ricuchiyari. Ñuca cambajta ruraj cashcatapish, can mandajpi caita ruracushcatapish ricuchiyari.

2 REYES 2:14

Chaipimi, Eliasmanta urmashca churanata japishpa yacupi huajtashpaca: “Eliaspaj Taita Dios, Mandaj Dios ¿maipitaj canguiyari?” nishpa chai churanahuan yacuta cutin huajtajpi, chai yacuca ura ladoman janaj ladoman chaupirijpi, Eliseoca ch'imbarca.

NEHEMÍAS 1:11

Mandaj Dios quiquintami rogani. Cambaj shutita alli nina yuyaihuan cajcunataca cambajta ruraj ñuca mañashcatapish, cambajta ruraj caishujcuna mañashcatapish uyahuai. Cambajta ruraj ñuca jatun mandajpaj ñaupajpi alli ricurichun ayudahuai” nishpami Diosta mañarcani. Chai punllacunaca ñucaca jatun mandajman vinota pasachijmi carcani.

NEHEMÍAS 2:4

Shina nijpi jatun mandajca: ¿Imatataj rurachun ningui?– nijpi, ñucaca jahua pacha Diosta mañashpami,

SALMOS 118:25

Mandaj Dioslla, quishpichihuayari. Mandaj Dioslla, quiquinta rogapanica. Ñucanchijta ñaupajman pushahuayari.

SALMOS 122:6

Jerusalenpica sumaj causai tiyachun cashna mañaichigari: ¡Canta c'uyajcunaca achca allicunayuj tucushca cachun!

SALMOS 127:1

Mandaj Dios mana huasichijpica, huasichijcunaca yangallami trabajancuna. Mandaj Dios pueblota mana cuidacujpica, cuidajcunaca yangallami mana dormishpa cuidancuna.

SALMOS 37:5

Cambaj purinataca Mandaj Diosman mingai. Paillapi shunguta churai. Paica imatapish can munashcata rurangami.

ÉXODO 3:15

Taita Diosca Moisestaca cashnapishmi nirca: –Israelcunamanca: Cancunapaj ñaupa yayacunata Mandaj Taita Dios Abrahampaj, Isaacpaj, Jacobpaj Diosmi cancunapajman cachan ningui. Ñuca shutica, huiñaipaj chaillatajmi. Chai shutipimi, ñucataca huiñaita yuyaringacuna.

ÉXODO 3:6

Taita Diosca cashnapishmi nirca: –Ñucaca cambaj yayapaj Dios, Abrahampaj, Isaacpaj, Jacobpaj Diosmi cani– nijpimi, Moisesca Taita Diosta ricunata manchashpa, paipaj ñahuita taparirca.

PROVERBIOS 3:6

Imata rurangapajpish, Diosta yuyaipi charingui. Paimi cantaca alli ñanta pushanga.

Mateo 22:32

“Ñucaca Abrahampaj Dios, Isaacpaj Dios, Jacobpaj Diosmi cani” nircami. Chaimanta Diosca mana huañushcacunapaj Dioschu, ashtahuanpish causajcunapaj Diosmi– nircami.

Filipenses 4:6

Imamantapish ama llaquilla canguichij. Ashtahuanpish Diosta mañacushpaca paiman tucuita huillaichij. Tucui imamantapish Diosta mañashpaca pagui nichij.