GÉNESIS 24:10 - Dios Rimashca Shimicunami

¹⁰ Chai q'uipaca paipajta ruraj runaca paipaj amo Abraham charishcacunataca tucuimanta yalli alli camaricunata agllashpa, amopaj chunga camellocunata japishpa chaicunaman apachishpa ñanpi yaicushpaca, Mesopotamiapi caj Nacor causacun pueblomanmi chayarca.

GÉNESIS 24:10 Iomraidhean Croise

GÉNESIS 11:26

Tareca canchis chunga huatayuj cashpami, Abram, Nacor, Harán shuti churicunata charirca.

GÉNESIS 11:29

Abramhuan Nacorhuanca paicunapaj huarmicuna cachunca cai huarmicunatami japirca. Abrampaj huarmica Saraimi carca. Nacorpaj huarmica Milcami carca. Haranca Milcapaj, Iscapaj yayami carca.

GÉNESIS 11:31

Tareca paipaj churi Abramtapish, paipaj nuera Saraitapish, paipaj churi Haranpaj churi Lottapish, pushashpami Canaanman ringapaj, caldeocuna causacun Ur pueblomanta llujshishpa rirca. Ashtahuanpish Haranman chayashpaca chaillapimi saquirirca.

GÉNESIS 11:32

Tareca, 205 huatayuj cashpami Haranpi huañurca.

GÉNESIS 22:20

Tucui chaicuna q'uipami Abrahammanca: “Cambaj huauqui Nacorpaj huarmi Milcapish cambaj huauquipajta huahuacunayuj tucushcami” nishpa huillarca.

GÉNESIS 24:2

Abrahamca, paipajta rurajcunamanta ashtahuan yalli yuyaj paipajta rurajcunatapish mandaj, tucui pai imalla charishcacunatapish cuidaj runata cayashpami: –Cunanca cambaj maquita ñuca changapi churashpa,

GÉNESIS 24:22

Camellocuna yacuta ña mana nijta ubyajpica, Abrahampajta ruraj runaca Rebecamanca chaupi siclota pezaj curi shuj argollata, chunga siclota pezaj curi ishqui brazaletecunata cushpami,

GÉNESIS 24:53

Chai q'uipami Abrahampajta ruraj runaca cullquimanta, curimanta rurashca sumajcunatapish, churanacunatapish llujshichishpa Rebecaman curca. Paipaj turi Labanmanpish, paipaj mamamanpish tucui laya sumajcunatami curca.

GÉNESIS 27:43

Ñuca huahualla, cunanca ñuca mandashcata uyashpa, Harán pueblopi causacuj ñuca turi Labanpajman miticushpa ri.

GÉNESIS 29:1

Jacobca pai ricushca ñanta rishpaca, inti llujshin ladoman causajcunapaj llajtamanmi chayarca.

GÉNESIS 29:2

Chai pambapica shuj pugyuta, chai c'uchupica quimsa canlla ovejacuna siricujtami ricurca. Chai pugyumantami canlla ovejacunamanca yacuta ubyachijcuna carca. Chai pugyuca jatun rumihuan tapashcami carca.

1 CRÓNICAS 19:6

Amonitacunapish, jatun mandaj Hanunpish chaimanta David paicunahuan p'iña cashcata yachashpami, Mesopotamiapi causaj, Siriapi causaj, Maacapi causaj, Sobapi causaj, caballocunapi tiyarij gentecunatapish, carrocunatapish, pagashpa pushamuchun 1.000 talento cullquita cacharcacuna.

Hechos 2:9

Ñucanchijca ch'ican ch'ican cai llajtacunamantami canchij. Partomanta, Medomanta, Elammanta, Mesopotamiamanta, Judeamanta, Capadociamanta Pontomanta, Asiamanta,

DEUTERONOMIO 23:4

Egiptomanta llujshishpa cancuna paicunapaj ñanta pasacujpica yacutapish, micunatapish mana curcacunachu. Ashtahuanpish Mesopotamia llajtapi caj Petor pueblopi causaj Beor runapaj churi Balaamman cullquita cushpami, cancunataca ima llaqui tucushpa alli canman nichun cacharcacuna.