GÉNESIS 23:9 - Dios Rimashca Shimicunami

⁹ paipaj allpa uripi tiyaj Macpela shuti pambana jutcuta mashna valishcapi ñucaman c'atuchun nishpa rogapaichij. Chaimi cancunapurapica pambana jutcutaca ñuca quiquinpajtataj charisha– nirca.

GÉNESIS 23:9 Iomraidhean Croise

GÉNESIS 23:10

Heteocunapura caj Efronca Hetpaj huahuacunahuan chaillapitaj cashpami, tucui hititacunapaj ñaupajpipish, chai puebloman tucui yaicujcunapaj llujshijcunapaj ñaupajpipish Abrahamtaca cashna nirca:

GÉNESIS 23:4

–Ñucaca cancunapurapica caru llajtamanta pasacujlla shinami causacuni. Chashna cajpipish cancunapurapi caj pambana jutcuta cuhuaichij. Huañushca ñuca huarmita chaipi pambangapaj– nirca.

GÉNESIS 23:8

paicunataca cashna nirca: –Huañushca ñuca huarmita cancunapurapi cajcunata pambana jutcupi pambachun saquishpatajca Zoharpaj churi Efronpajman ñucapaj randi rishpa,

GÉNESIS 25:10

Chai allpataca Abrahamllatajmi Hetpaj huahuacunapura Efronman randirca. Paipaj huarmi Saratapish, Abrahamtapish chaillapitajmi churarcacuna.

GÉNESIS 49:29

Chai q'uipaca paipaj churicunataca cashna nishpami mandarca: “Ñucaca ñuca ñaupa yayacunahuanmi tandanacugrini. Ñucataca heteo Efronpaj allpapi caj jutcupi, ñuca ñaupa yayacunata maipi churashcallapitaj churanguichij.

GÉNESIS 50:13

Canaanman apashpa Macpela allpapi caj jutcupi churarcacuna. Chaitaca Abrahammi paicunapura pambarinapaj heteo Efronman randishca carca. Chai allpaca Mamre pueblomantaca inti llujshin ladomanmi.

1 CRÓNICAS 21:22

Chaipimi Davidca Ornantaca: –Israelcuna huañucun pararichun Mandaj Diospajlla cachun chaipi shuj altarta rurangapaj cai trillana patiotaca cuilla. Mashna valijpipish chaita cushallami– nirca.

1 CRÓNICAS 21:24

Shina nijpi jatun mandaj Davidca Ornantaca: –Mana, ashtahuanpish mashna valishcata pagashpami randisha nini. Cambaj cashcataca Mandaj Diosmanca mana cusha ninichu. Shujtaj cushcallatapish Mandaj Diosman cushpa mana rupachisha ninichu– nircami.

Romanos 12:17

Cancunata pi llaquichijpipish, ama chashnallataj llaquichinguichijchu. Tucuicunapaj ñaupajpi allita rurana yuyailla caichij.

Romanos 13:8

Piman ama imata debichijchu, ashtahuanpish caishuj chaishuj c'uyanacunallata debinguichij. Shujtajta c'uyajmi Mandashcataca pajtachishca.