GÉNESIS 23:2 - Dios Rimashca Shimicunami

² Saraca Canaán llajtapi caj Hebrón nishca Quiriat-arba pueblopimi huañurca. Chaimi Abrahamca Sara huañujpi llaquijlla tucushpa huacangapaj shamurca.

GÉNESIS 23:2 Iomraidhean Croise

GÉNESIS 13:18

Chaimi Abramca, paipaj carpa huasita pascashpa apashpa rishpa Hebrón pueblo c'uchupi caj encina yuracuna tiyan allpapi causarca. Chai allpaca, Mamre runapajmi carca. Abramca Mandaj Diosta mañangapajmi chaipipish shuj altarta rurarca.

GÉNESIS 23:1

Saraca, 127 huatatami causarca. Chai tucui huatacunatami causarca.

GÉNESIS 23:19

Chai q'uipami Abrahamca, pai randishca Macpela shuti allpapi tiyaj jutcupi paipaj huarmi Sarataca pambarca. Chai allpaca Mamre pueblomanta inti llujshinmanmi. Chai Mamre pueblollatatajmi Hebrón nincuna. Chai Hebrón puebloca Canaán llajtapimi.

GÉNESIS 24:67

Isaacca, Rebecataca paipaj mama Sarapaj carpa huasimanmi pusharca. Isaacca, Rebecataca paipaj huarmi cachun japishpaca achcata c'uyashpami causarca. Paipaj mama huañujpi llaquilla cashcamantaca Rebecahuan cazarashpami cushicurca.

GÉNESIS 27:41

Esauca paipaj yaya Isaac Jacobtaraj alli cashca cachun nishcamantami, Jacobtaca yallitaj p'iñashpa paipaj shungupica: “Ñuca yaya huañujpi llaquilla cana punllaca chayamungami. Chaipitajca ñuca huauqui Jacobtaca huañuchishami” nishpa yuyacurca.

GÉNESIS 35:27

Jacobca paipaj yaya Isaacta ricungapajmi paipaj yaya causacun Arba pueblopi caj Mamreman rirca. Chai puebloca Abraham Isaac causashca Hebrón pueblomi.

GÉNESIS 37:14

Yaya Israelca Josetaca: –Cunanca cambaj huauquicunapish, ovejacunapish ima shinalla cashcata ñuca yachangapaj ricushpa tigramugri– nishpami paitaca Hebrón pambamanta cachajpi Joseca Siquemman chayarca.

GÉNESIS 50:1

Joseca paipaj yayata ugllarishpa muchashpami huacarca.

GÉNESIS 50:10

Jordán yacumanta inti llujshin ladoman caj Atad nishca trillana pambaman chayashpaca, llaquijllatami jatunta huacarcacuna. Chaipimi Joseca paipaj yayamantaca canchis punllacunata llaquilla carca.

2 SAMUEL 1:12

Saulpish paipaj churi Jonatanpish, Mandaj Diospaj gentecunapish, Israelpaj aillucunapish espadapi huañushcamantaca, achcata llaquirishpa huacashpami, chishiyangacama ayunarcacuna.

2 SAMUEL 1:17

Saúl paipaj churi Jonatandij huañushcamantami, Davidca tononchishpa huacarca.

2 SAMUEL 2:11

Hebronpi cashpa Judá llajtata David mandashca punllacunaca canchis huata sujta quillacunami carca.

2 SAMUEL 5:3

Israelcunata tucui cunaj yuyajcunapish Hebronmanmi jatun mandajpajman shamurcacuna. Chaipimi jatun mandajca paicunahuanpish Hebronpica Mandaj Diospaj ñaupajpi ari ninacurcacuna. Chaipimi paicunaca tucui israelcunata jatun mandaj cachun Davidtaca aceitehuan churarcacuna.

2 SAMUEL 5:5

Davidca canchis huata sujta quillacunataca Hebronpica judacunallatami mandarca. Quimsa chunga quimsa huatacunataca tucui israelcunata, judacunatapishmi Jerusalenpi mandarca.

1 CRÓNICAS 6:57

Judá llajtapica, Aaronpaj huahua huahuacunamanca, mana huañuchina yuyaihuan cashpapish huañuchishpa miticuna Hebrón pueblotami curca. Shinallataj Libna pueblotapish muyundij michina allpacunandij, Jatir pueblotapish muyundij michina allpacunandij, Estemoa pueblocunatapish muyundij michina allpacunandij,

2 CRÓNICAS 35:25

Jeremiasmi pai huañushcamantaca pai alli cashcata yuyachij shimicunahuan yupashpa yupashpa huacarca. Cantaj c'aricunapish, huarmicunapish cunan punllacamami Josías huañushcata yuyarishpa, yupashpa yupashpa huacancuna. Israelcunaca huahua huahuami maijan huañui punllapica, chai shimicunallatataj rimashpa, yupashpa yupashpa huacancuna. Chai shimicunaca, huañui punllapi huacana shimicunapurallami quillcashca tiyacun.

NEHEMÍAS 11:25

Judapaj huahua huahuacunamanta maijancunaca Quiriat-arbapi chai muyundij llajtacunapipish, Dibonpi chai muyundij llajtacunapipish, Jecabseelpi chai muyundij llajtacunapipish,

JEREMÍAS 22:10

Huañushca mandajmantaca ama huacaichijchu, ama llaquirichijllapishchu. Ashtahuanpish shujtaj llajtaman prezu rijmanta caparirishpa huacaichij. Paica ña mana tigramungachu. Pai huacharishca cai llajtataca, ña manataj cutinca ricungachu.

JEREMÍAS 22:18

Chaimantami Josiaspaj churi, Judá llajtata jatun mandaj Joacimtaca Mandaj Diosca cashna nin: “Pai huañujpica pi mana: ¡Aij ñucanchij huauquilla, aij ñucanchij panilla! nishpa huacangacunachu. ¡Aij ñucanchij mandajlla, jatun mandajmari carca! nishpallapish mana llaquiringacunachu.

NÚMEROS 13:22

Neguevman huichiyashpaca, Hebroncamami chayarcacuna. Chaipica Ahimán, Sesai, Talmai shuti runacunami causarca. Paicunaca Anacpaj churicunami carca. Hebrón puebloca Egipto llajtapi caj Zoán pueblota callarichinapaj canchis huata ñaupaman callarichishcami carca.

NÚMEROS 20:29

Aarón huañushcata tucui israelcuna yachashpaca, yallitaj llaquilla tucushpami, quimsa chunga punllacunata llaquilla carcacuna.

Juan 11:31

Mariataca huasimanta callpashpa llujshishpa rijta ricushpami, paita cushichinaman shamushpa paipaj huasipi tiyacuj judiocunaca, jutcupimari huacagrin ninacushpa paita catishpa shamurcacuna.

Juan 11:35

Jesuspish huacarcami.

Hechos 8:2

Taita Diosta yuyarij runacunami Estebanta apashpa pambarcacuna. Pai huañushcamantaca achcatami huacarcacuna.

DEUTERONOMIO 34:8

Israelcunaca Moisés huañujpica, quimsa chunga punllacunatami Moab shitashca pambapi huacarcacuna. Chashnami Moisés huañushcamanta huacashpa llaquirina punllacunataca pajtachircacuna.

JOSUÉ 10:39

Chaipi causajcunataca paicunata jatun mandajndij chai jatun mandaj mandacushca caishuj pueblocunapi causajcunandijmi espadacunahuan tucuicunata huañuchircacuna. Paicunatapish causaiyujcunataca shujllatapish mana saquishpami tucuicunata chingachircacuna. Chai Debir pueblopi causajcunatapish paicunapaj jatun mandajtapish Hebronpi, Libnapi causajcunata paicunapaj jatun mandajndij ima shina rurashca shinallatajmi rurarcacuna.

JOSUÉ 15:13

Jefonepaj churi Calebmanca Mandaj Dios mandashca shinallatajmi Josueca Judá aillupura japishca llajtallapitaj allpacunata curca. Anacpaj yaya shayachishca Quiriat-arba pueblotami curca. Chai puebloca Hebronmi.

JOSUÉ 15:54

Humta, cunanca Hebrón nishca Quiriat-arba pueblotapish, Sior shuti pueblotapishmi japircacuna. Chai iscun pueblocunatapish, tucui muyundij llajtacunandijmi japircacuna.

JOSUÉ 20:7

Shina nijpi paicunaca cai pueblocunatami agllarcacuna: Neftalipaj urcupi caj Galileapica, Cedes pueblota, Efrainpaj urcupica, Siquem pueblota, Judapaj urcupica, Quiriat-arba nishca Hebrón pueblotami agllarcacuna.

JOSUÉ 21:11

Judá aillupaj urcucunapica Anacpaj yayapaj cashca Quiriat-arba nishca Hebrón pueblotami, paicunamanca, michinapaj muyundij allpacunandij curcacuna.

JUECES 1:10

Judapaj ailluca, Hebronpi causaj cananeocunahuanpishmi macanacunaman rirca. Chai pueblopi causajcunata mandaj Sesai, Ahimán, Talmai runacunatapishmi huañuchircacuna. Chai puebloca ñaupaca, Quiriat-arba shutimi carca.

1 SAMUEL 20:31

Isaipaj churi cai pachapi causajpica canpish, can mandanapish manataj alli cangachu. Chaimanta cunanca huañuchingapaj mashcashpa pushamuchun cachai– nircami.

1 SAMUEL 25:1

Samuel huañujpica, tucui israelcunami paimanta huacangapaj tandanacurcacuna. Samueltaca Ramá pueblopi caj paipaj huasipimi pambarcacuna. Davidca chaimanta rishpaca Parán shuti shitashca pambamanmi rirca.

1 SAMUEL 28:3

Samuelca ñami huañushca carca. Tucui israelcunami achcata huacashca carca. Samueltaca pai causashca Ramá pueblollapitajmi pambashcacuna carca. Saulca Israel llajtamantaca muspachij yumbucunatapish, adivinocunatapish llujshichishpami cachashca carca.