GÉNESIS 23:13 - Dios Rimashca Shimicunami

¹³ Efrontaca tucui chaipi cajcunapaj ñaupajpi: –Can chashna munashpapish ñuca rimashcata uyachunmi rogapani. Chai allpamantaca mashna valishcatami pagasha nini. Japipailla. Can chai cullquita japijpimi, ñuca huarmitaca pambasha– nirca.

GÉNESIS 23:13 Iomraidhean Croise

GÉNESIS 23:12

Shina nijpipish Abrahamca, chai llajtapi causajcunapaj ñaupajpi cutinllataj cumurishpami,

GÉNESIS 23:14

Chaimi Efronca, Abrahamtaca:

GÉNESIS 33:19

Paipaj carpa huasicunata shayachishca pamba allpataca, Siquempaj yaya Hamorpaj churicunamanmi patsaj cullquipi randirca.

2 SAMUEL 24:24

Shina nijpipish jatun mandajca Arauna runataca: –Mashna valishcahuan mana randishpa shujtaj ñucaman cushcallataca Mandaj Diosman cushpa tucui rupachinataca mana rurasha ninichu. Chaimanta mashna valishcataca pagashataj ninimi– nishpami, Davidca trillana pambatapish huagracunatapish pichca chunga siclo cullquihuan randirca.

Hechos 20:35

Chashna trabajashpa mana charijcunaman cushpa ricuchishpami yachachicurcanilla. “Imatapish cujmi, cushcata japijta yalli cushicun” nishpa Mandaj Jesús nishcatapish yuyaringuichij”– nircami.

Romanos 13:8

Piman ama imata debichijchu, ashtahuanpish caishuj chaishuj c'uyanacunallata debinguichij. Shujtajta c'uyajmi Mandashcataca pajtachishca.

Colosenses 4:5

Yachaj cashcamanta, mana crijcunahuanca alli caichij. Paicunaman huillanalla cajpica huillaichijlla.

Hebreos 13:5

Cancunaca quiquinpajlla ashtahuan charij canataca ama munaichijchu. Cunan imata charishcacunallahuan cushi caichij. Chashnacunatami Diosca: “Cantaca manataj shitashachu, manataj cungarishachu” nin.