GÉNESIS 23:11 - Dios Rimashca Shimicunami

¹¹ –C'atunataca mana c'atunichu. Ashtahuanpish ñuca amitolla, caita uyapai. Tucui ñuca llajtapi causajcunapaj ñaupajpimi chai allpatapish, pambana jutcutapish canmanca convidani. Huañushca cambaj huarmitaca chai pambana jutcupi pambailla– nirca.

GÉNESIS 23:11 Iomraidhean Croise

GÉNESIS 23:12

Shina nijpipish Abrahamca, chai llajtapi causajcunapaj ñaupajpi cutinllataj cumurishpami,

GÉNESIS 23:18

Abrahampaj tucurca. Abrahamca chai allpataca, hititacunapish, chai puebloman yaicujcunapish llujshijcunapish tucuicuna ricucunpimi randirca.

GÉNESIS 23:6

–Ñucanchij amito, caita uyapai. Canca ñucanchijpurapica Taita Dios churashca mandajmi cangui. Huañushca cambaj huarmitaca ñucanchijpurata pambanapaj rurashca jutcucunamantaca ashtahuan alli jutcuta agllashpa pambailla. Paita pambachunca ñucanchijpurapi cajcunaca pi mana mitsangachu. Pambachun saquingallami– nircacuna.

ISAÍAS 32:8

Ashtahuanpish alli yuyaiyuj runaca alli yuyaihuan allicunallatami yuyarin. Paica alli yuyaicunallata yuyarij cashcamantami jatunyachishca canga.

NÚMEROS 35:30

Maijanta huañuchishca cajpica, ima shinalla huañuchishcata huillajcuna tiyajllapi huañuchijtapish huañuchichun. Shujlla huillaj tiyajpica ama huañuchichun.

Lucas 19:24

Chai q'uipami, chaipi cajcunataca: “Mina cullquita quichushpa, chunga minata charijman cuichij” nijpi,

DEUTERONOMIO 17:6

Chaicunataca ishqui cashpa, mana cashpa quimsa cashpa huillajcuna tiyajllapi huañuchinguichij. Shuj huillajlla tiyajpica ama huañuchinguichijchu.

DEUTERONOMIO 19:15

Yallitaj ima jatun llaquita, ima juchata rurajta ricushpa chaita huillajca shujlla tiyajpica ama imata ruranguichijchu. Ishqui cashpa, mana cashpaca quimsa cashpa ricushcata huillajcuna tiyajllapi imatapish ruranguichij.

RUT 4:1

Chai punllallatajmi Boozca, Belenman rishpa, chai puebloman yaicuna pungupi tiyarirca. Booz runa chaipi tiyacujpimi, pai tapusha nicushca familia runa chaita pasacujpi Boozca chai runataca: –Jala tiyito uyai, caillapi tiyaripai– nijpi, chai runaca chaiman rishpa tiyarirca.

RUT 4:11

Chai pueblo pungupi caj cunaj yuyajcunahuan cajcunapish cashnami nircacuna: –Ari, uyajcuna ricujcunami canchij. Diosca Raquelman Leaman achca huahuacunata cujpimi, israelcunaca achcata mirarishcanchij. Chai shinallataj cambaj huarmi Rutmanpish achca huahuacunata cushca alli canman. Efrata nishca Belenpica cantaca tucuicuna alli nishca, achcata charij runami nishca cachun.

RUT 4:4

Chaitami caipi tucui tiyacujcunapaj ñaupajpi, ñuca pueblopaj cunaj yuyajcunapaj ñaupajpi can randichun yachaj chayachini. Can randisha nishpaca randi. Mana randisha nishpapish mana randinichu nishpa ñucaman huillapai. Shujtaj randinapajca pi mana tiyanchu. Canllami randi tucungui. Can mana randijpica ñucami randi tucuni– nijpi chai runaca: –Ari randishami– nirca.

RUT 4:9

Chaipimi Boozca cunaj yuyajcunatapish, chaipi caj tucuicunatapish cashna nirca: –Tucui cancunami ricucunguichij. Elimelecpaj, Mahlonpaj, Quelionpaj tucui imalla tiyashcataca Noemiman randishpami ñucaca japigrini.