GÉNESIS 22:6 - Dios Rimashca Shimicunami

⁶ Chaimantaca Abrahamca, Taita Diosman cunata tucui rupachina yantataca paipaj churi Isaacman apachishpa cuchillotapish, ninatapish pai apashpami ishquindij rircacuna.

GÉNESIS 22:6 Iomraidhean Croise

GÉNESIS 22:5

paipajta rurajcunataca cashna nirca: –Cancunaca burrondij caillapi shuyacuichij. Ñucaca ñuca churindij chai urcuman rishpa, Taita Diosta chaipi adorashpa caillamantaj tigramushunllami– nirca.

2 REYES 2:6

Chaipipish Eliasca cutinmi: –Ñucataca Mandaj Diosca Jordanmanmi cacharca. Cunantajca canca caillapi saquiripai– nijpi Eliseoca: –Mandaj Diosca causajmi. Canpish causacunguimi. Canmantaca manataj saquirishachu– nishpaca Jordanmanpish ishquindijllatajmi rircacuna.

ISAÍAS 53:6

Tucui ñucanchijca caita chaita rishca ovejacuna shinamari ch'icanyashcanchij. Cada quiquinmi quiquin ñanta rishcanchij. Ashtahuanpish Mandaj Diosca, tucui ñucanchij juchacunataca paimanmari apachirca.

Mateo 8:17

Profeta Isaías: “Paillatajmi ñucanchij ungüicunata, nanaicunata aparca” nishpa huillashca pajtachunmi chashna rurarca.

Juan 19:17

Jesusca paita chacatana cruzta aparishcami, Uma Tullu shuti urcuman llujshirca. Chai urcuca Hebreopica Gólgota nisha ninmi.

1 Pedro 2:24

Cristollatajmi ñucanchij juchacunataca paipaj aichapi apashpa caspipi chacatashca huañurca. Ñucanchijca juchata ama rurangapajca huañushca shina cashpa, Dios munashca shina causachunmi chashnaca huañurca. Paita chugrichishcamantami cancunaca jambishca canguichij.