GÉNESIS 22:5 - Dios Rimashca Shimicunami

⁵ paipajta rurajcunataca cashna nirca: –Cancunaca burrondij caillapi shuyacuichij. Ñucaca ñuca churindij chai urcuman rishpa, Taita Diosta chaipi adorashpa caillamantaj tigramushunllami– nirca.

GÉNESIS 22:5 Iomraidhean Croise

GÉNESIS 22:19

Chai q'uipaca, Abrahamca paipajta rurajcuna maipi cashcaman tigrashpami paicunahuan tandanacushpa Beersebaman tigrarca. Abrahamca Beersebapimi causarca.

GÉNESIS 22:4

Ña quimsa punllata purishpami Abrahamca carumanta chai urcuta ricushpaca,

GÉNESIS 22:6

Chaimantaca Abrahamca, Taita Diosman cunata tucui rupachina yantataca paipaj churi Isaacman apachishpa cuchillotapish, ninatapish pai apashpami ishquindij rircacuna.

ÉXODO 24:14

Moisesca cunaj yuyajcunataca: –Ñucanchij tigramungacama caipi shuyacuichij. Aaronhuan, Hurhuanmi caipi cancunahuan canga. Ima tiyajpica, paicunapajman shamunguichijlla– nircami.

Hebreos 11:19

Huañushcacunapaj chaupimantapish Diosca causachingapaj poderyujmi nishpami, Abrahamca paipaj churitaca curca. Chaimantami paipaj churitaca cutin causachishca shinatami chasquirca ni tucunchij.

Hebreos 12:1

Chashna cajpica, crijtaj cashcata ricuchijcunataca achca p'uyuta shinami achcacunata ñucanchij muyundijpica charinchij. Chaimanta ñucanchijpish llashacuj shinatapish, urmachisha nij juchatapish tucui saquishpa, chayana cashcamanca mana p'iñarishpa ñaupajman catishunchijlla.