GÉNESIS 22:3 - Dios Rimashca Shimicunami

³ Abrahamca, cayandij tutamanta utcata jatarishpami burrota parejashpa paipajta ruraj ishqui runacunatapish, paipaj churi Isaactapish tandachirca. Chai q'uipaca Taita Diosman cunata tucui rupachingapaj yantata p'itishpami Taita Dios mandashca shinallataj chai urcuman rirca.

GÉNESIS 22:3 Iomraidhean Croise

GÉNESIS 17:23

Abrahamca chai punllallatajmi Taita Dios mandashca shinallataj paipaj churi Ismaeltapish, paipaj huasipi huacharishca paipajta rurajcunatapish, paipajta rurachun cullquihuan randishcacunatapish tucui c'aricunata paicuna charishca aicha mirga carata p'itirca.

GÉNESIS 21:14

Abrahamca, cayandij tutamanta utcata jatarishpami Agarmanca tandatapish, capachu yacutapish apachishpa paipaj churi Ismaeltapish cushpaca ripailla caya minchacama nishpa cacharca. Chaimanta rishpaca Agarca Beerseba shuti shitashca pambapimi caiman chaiman puricurcalla.

GÉNESIS 22:18

Ñuca mandashcata can cazushcamantami, cambaj huahua huahuacunamantaca tucui cai pachapi causajcunapish alli nishca cangacuna– nircami.

GÉNESIS 22:2

Chaipimi Taita Diosca Abrahamtaca: –Cunanca cambaj c'uyashca shujlla churi Isaacta pushashpa, Moriah llajtaman ri. Chaipi tiyaj urcucunamanta shuj urcutami canman ricuchisha. Chai urcupi Isaactaca ñucaman cushpa tucui rupachingui– nirca.

GÉNESIS 22:4

Ña quimsa punllata purishpami Abrahamca carumanta chai urcuta ricushpaca,

SALMOS 119:60

Quiquin mandashcacunataca utcami pajtachircani, mana uniyarcanichu.

ECLESIASTÉS 9:10

Imata ruranatapish cambaj maquipi tiyacujtaca fuerza tiyashcahuan rurailla, canpish Seolman ringuillatajmi. Chaipica imata rurana mana tiyanchu. Imata yuyanallapish, imata yachanapish, alli yachaipish mana tiyanchu.

Mateo 10:37

Maijanpish yayata, mamata ñucata yalli c'uyajca, mana ñucapaj cai tucunchu. Churita, ushushita ñucata yalli c'uyajpish mana ñucapaj cai tucunchu.

Lucas 14:26

Pipish ñucata catisha nijca paipaj yayata, mamata, huarmita, huahuacunata, huauquicunata, panicunata, quiquin causaitapish llaquijca, mana ñuca yachacuj cai tucunchu.

Gálatas 1:16

Mana judiocunapurapi huillachunmi, paipaj Churita ñucaman ricuchirca. Chaimi pita mana tapurcani.

Hebreos 11:8

Crishcamantami Abrahampish Dios cayajpica, cazushpa paiman cuna cashca llajtata japinamanca, maiman ricushcata mana yachashpapish, paipaj llajtamanta llujshishpa rircalla.

JOSUÉ 3:1

Cayandij tutamanta utca jatarishpami, Josueca Sitim pambamanta tucui israelcunandij Jordán yacu c'uchuman rircacuna. Chai yacuta manaraj ch'imbashpami chaillapi samarircacuna.

JOSUÉ 8:10

Josueca cayandij tutamanta utcata jatarishpami paihuan pacarijcunata alli allichirishcata ricushpaca, israelcunata cunaj yuyajcunahuan ñaupashpa Hai pueblopi causajcunahuan macanacunaman huichiyarcacuna.