GÉNESIS 22:12 - Dios Rimashca Shimicunami

¹² Chaimi angelca: –Cambaj churita llaquichingapajca ama maquita chutaichu. Imata ama ruraichu. Mandaj Diosta manchajtaj cashcataca ñami yachani. Chashna cashpami cambaj churica shujlla cajpipish mana mitsashpa chaitataj ñucaman cushcangui– nirca.

GÉNESIS 22:12 Iomraidhean Croise

GÉNESIS 20:11

Chaimi Abrahamca: –Cai llajtapi causajcunaca, Taita Diostaca manataj manchancunachu. Ñuca huarmitaca paicunapaj cachun japingapaj ñucataca huañuchingacunami yuyashpami chashna nircani– nirca.

GÉNESIS 22:13

Shina nijpi Abraham ricunapajca, paipaj huashanijpi shuj carnero zarza casha yurapi gachucuna churarishpa shayacujtami ricurca. Abrahamca chai carnerota japishpami, paipaj churipaj randi Taita Diosman cushpa tucui rupachirca.

GÉNESIS 22:16

cashnami nirca: –Cambaj churitaca pailla cajpipish ñucaman cunataca mana mitsashpa cushcamantaca ñuca shutillapitajmi cashna nini:

GÉNESIS 22:2

Chaipimi Taita Diosca Abrahamtaca: –Cunanca cambaj c'uyashca shujlla churi Isaacta pushashpa, Moriah llajtaman ri. Chaipi tiyaj urcucunamanta shuj urcutami canman ricuchisha. Chai urcupi Isaactaca ñucaman cushpa tucui rupachingui– nirca.

GÉNESIS 26:5

Cambaj yaya Abraham ñuca rimashcata uyashpa ima shina causana shinataj causashcamanta, ñuca quillcachishcacunata, chaitataj pajtachichun nishcacunata, ñuca mandashcacunata cazushcamantami chashna rurasha” nircami.

GÉNESIS 42:18

Quimsa punlla tucujpimi Joseca: –Ñucaca Taita Diosta manchajmi cani. Cancuna ama huañungapajca caita ruraichij:

NEHEMÍAS 5:15

Ashtahuanpish ñucapaj ñaupa mandajcunaca, chuscu chunga yalli siclo cullquita cobrashca jahuami israelcunataca micunamantapish, vinomantapish mañashpa llaquichijcuna carca. Chai jahuami paipajta rurajcunapish israelcunata yallitaj llaquichishpa mandajcuna carca. Ñucaca Taita Diosta manchaj cashcamanta mana chashna rurarcanichu.

JOB 1:1

Uz llajtapimi Job shuti runa causarca. Paica, ima pandata mana ruraj, allita ruraj, Diostapish manchaj, millaita ruranatapish p'iñajmi carca.

JOB 28:28

Chaimantaca runamanca: Alli yachaica Jatun Diosta manchanami. Alli yuyaica millaimanta anchurinami nishcami nircami.

JOB 5:19

Sujta cutin jatun llaquicunata apacujpipish quishpichingami. Ña canchis cutinpica, ima mana allipish cantaca mana japingachu.

SALMOS 1:6

Cashcata rurajcunapaj causaitaca Mandaj Diosca rijsinmi. Ashtahuanpish millaicunapaj causaica chingaringallami.

SALMOS 111:10

Yachaipaj callarica, Mandaj Diosta manchanami. Pai mandashcacunata rurashpa causajcunaca alli yuyaicunatami charincuna. Mandaj Diosta alabanaca huiñaipajmi.

SALMOS 147:11

Mandaj Diosca paita manchajcunahuanmi cushicun. Pai llaquij cashcata shuyajcunahuanmi cushicun.

SALMOS 2:11

Mandaj Diospajtaca manchaihuan ruraichigari. Chujchushpa cushicuichigari.

SALMOS 25:12

¿Pishi Mandaj Diosta manchaj runaca? Paita manchajtaca maijan ñanta agllanatami yachachin.

SALMOS 25:14

Mandaj Diosca paita manchajcunahuanmi yallitaj apanacun. Paihuan ari ninacushcata pajtachinataca paicunamanmi yachachinga.

ÉXODO 20:20

Shina nijpi Moisesca israelcunamanca: –Ama manchaichijchu, Taita Diosca paita manchashpa ama juchallichun cazujta mana cazujta ricungapajmari shamurca– nircami.

PROVERBIOS 1:7

Alli yachaj cangapaj callarica, Mandaj Diosta manchanami. Chashna cajpipish ch'ahuanyashcacunaca, alli yachaita yachachishcatapish p'iñancunami.

ECLESIASTÉS 12:13

Cai tucuita yachachishca q'uipa, ña tucuchingapajca caitami nini: Diostaca manchashpa cazungui, pai mandashcacunatapish pajtachingui. Cai pachapi causajcunapajca, tucuimanta yalli allica chaimi.

JEREMÍAS 19:5

Baalman paicunapaj huahuacunata cushpa tucui rupachingapajpishmi, altarcunata rurancuna. Chaicunata rurachunca mana mandashcanichu, mana imata nishcanichu, mana yuyarishcanillapishchu.

JEREMÍAS 32:40

Shinallataj paicunahuanca huiñaita paicunapaj allita ruranata manataj saquinatami ari ninacushun. Paicuna ñucamanta amataj anchurichunca, ñucata manchana yuyaitami paicunapaj shungupi churasha.

MALAQUÍAS 4:2

Ashtahuanpish ñucata manchashpa causajcunapajca, cashcata ruraj Intimi llujshinga. Paipaj alascunapimi quishpirinataca apamunga. Canlla malta c'ari bizicuna saltacuj shinami saltarishpa llujshinguichij.

Mateo 16:24

Chaipimi Jesusca, paipaj yachacujcunataca cashna nirca: –Maijanpish ñucata catisha nijca, quiquin causaita ama llaquichun. Chacatashca shina llaquita apana tucushpa ñucata catichun.

Mateo 19:29

Maijanpish paipaj huasita, huauquicunata, panicunata, yaya mamata, huarmita, huahuacunata, allpacunata saquishpa ñucata catishcamantaca, patsaj cutinhuan yallitami japinga. Huiñai causaitami chasquinga.

Mateo 5:16

Cancunapish chai luz shinallatajmi runacunapaj ñaupajpica achijyachina canguichij. Cancunapaj alli rurashcacunata ricushpa, jahua pachapi caj cancunapaj Yayata jatunyachichunmi chashna cana canguichij.

Juan 3:16

Taita Diosca, cai pachapi causajcunataca yallitaj c'uyashpami, paipaj shujlla Churita cacharca. Pipish paita crijca ama chingarishpa, ashtahuanpish huiñai causaita charichunmi cacharca.

Hechos 9:31

Judeapi caj tucui llajtacunapi, Galileapi, Samariapi tandanacushca crijcunaca sumajtami causarcacuna. Paicunaca Mandaj Jesusta manchashpa ashtahuan yachashpami sinchiyarcacuna. Jucha illaj Espíritu yuyachijpimi, Jesusta catijcunaca ashtahuan mirarircacuna.

Romanos 5:8

Ashtahuanpish ñucanchijca juchayujcuna cajpiraj Cristo ñucanchijmanta huañujpimi, Diosca ñucanchijta c'uyaj cashcataca ricuchin.

Romanos 8:32

Diosca paipaj quiquin Churitapish mana mitsashpami, tucui ñucanchijmanta curca. ¿Manachu chashnallataj tucui imatapish paillahuantaj ñucanchijman cunga?

1 Corintios 10:13

Shujtajcunata japij millai munaicunallatajmi cancunatapish japirca, ashtahuan yallica mana japircachu. Ashtahuanpish Diosca pajtachij cashcamantami, chai millai munaicunataca cancuna apai tucunallata saquinga. Paillatajmi chai millai munaimanta llujshichun mishachinga.

2 Corintios 8:12

Maijanpish tucui shunguhuan ima charishcata cujpica, Diosca chasquinllami. Diosca imata mana charishcataca mana mañanchu.

Hebreos 11:19

Huañushcacunapaj chaupimantapish Diosca causachingapaj poderyujmi nishpami, Abrahamca paipaj churitaca curca. Chaimantami paipaj churitaca cutin causachishca shinatami chasquirca ni tucunchij.

Hebreos 12:28

Chashna cajpica Dios maipi Mandacun mana cuyuchipajta ñucanchij japishcamantaca, pagui nishunchij. Pai munashca shina manchaihuan tucui shunguhuan servishunchij.

Santiago 2:18

Ashtahuanpish maijanca: “Canca crijmi cangui. Ñucaca allicunata rurajmi cani. Allicunata mana rurashpa cambaj crishcata ricuchi. Ñuca crishcataca allicunata rurashcahuanmi ricuchisha” ningachari.

Apocalipsis 19:5

Jatun tiyarina chaimanta shuj rimashca uyarishpaca: “Ñucanchij Diospajta ruraj, paita manchajcunaca, uchilla cashpapish, jatun cashpapish allimari cangui nichij” nircami.

1 SAMUEL 15:22

Chaimi Samuelca: –Mandaj Diosca paiman cushpa tucui rupachijpipish, sacrificiocunata cujpipish ¿pai nishcacunata cazushcamanta shinachu cushicunga? Sacrificiota cunapaj randi, carneropaj huirata cushpa rupachicunapajlla randica, pai nishcata uyashpa cazunami ashtahuan alli.