GÉNESIS 22:1 - Dios Rimashca Shimicunami

¹ Tucui chaicuna q'uipami Taita Diosca Abrahamtaca pai ima shina crij cashcata ricungapaj: –Abraham– nishpa cayajpi paica: –Caipimi cani– nirca.

GÉNESIS 22:1 Iomraidhean Croise

GÉNESIS 15:1

Tucui chaicuna tucushca q'uipami Mandaj Diosca muscuipi shina ricurishpa Abramtaca: –Abram, ama manchaichu. Cambaj escudoca ñucami cani. Can japina cashcaca tucuita yalli jatunmari– nirca.

GÉNESIS 21:11

Sara chashna nishcaca Abrahamtaca Ismaelpish paipaj quiquin churillataj cashcamantami paitaca jatunta llaquichirca.

GÉNESIS 22:11

Mandaj Diospaj angelca jahua pachamanta: –¡Abraham! ¡Abraham!– nijpi paica: –Caipimi cani– nirca.

GÉNESIS 22:7

Chai q'uipami Isaacca paipaj yaya Abrahamtaca: –Ñuca yayito– nijpi, Abrahamca: –Ñuca huahualla ¿imatataj ningui? caipimi cani– nijpi Isaacca: –Yantatapish, ninatapish charinchijmi. Ashtahuanpish Taita Diosman cushpa tucuita rupachina ovejaca ¿maipitagari?– nirca.

GÉNESIS 37:13

Yaya Israelca Josetaca: –Cambaj huauquicunaca Siquempimi ovejacunata michicungacuna. Canca paicunapajman ri– nijpimi Joseca: –Ari, rishallami– nirca.

GÉNESIS 46:2

Chai tutami Taita Diosca yaya Israelman muscuipi shina ricurishpaca: –Jacob, Jacob– nijpi paica: –Caipimi cani– nirca.

2 SAMUEL 24:1

Mandaj Diosca israelcunahuan cutinllataj nina sindirij shina p'iñarishpami, Davidmanca israelcunapish, judacunapish mashna cashcata yupana yuyaita curca.

2 CRÓNICAS 32:31

Ezequiasca, allillachu cangui nichunpish, Judá llajtapi ima shina chashna yuyana allicunata rurashcata tapushpa yachaj chayachunpishmi, Babiloniamantaca maijan huillajcunata cacharca. Taita Diosca Ezequiastaca tucuipi ayudashca cashpapish, ima shina yuyaj cashcata ricungapajmi, chaicuna shamujpica paillata saquirca.

SALMOS 11:5

Mandaj Diosca allita ruraj cajta, mana allita ruraj cajta ricunrajmi. Millaita ruranata c'uyajtaca p'iñanmi.

ÉXODO 16:4

Chaipimi Mandaj Diosca Moisestaca: –Ñucaca jahua pacha tandatami tamyachigrini. Chai micunataca tucuicuna quiquin micuna pajtallata punllanta tandanaman llujshichuncuna. Ñuca imallata rurachun mandashcata cazujta, mana cazujtami ricusha nini.

ÉXODO 3:4

Moisés ricunaman c'uchuyacujpica Mandaj Diosca zarza yura chaupimantami: –¡Moisés, Moisés!– nijpi paica: –Caipimi cani– nirca.

PROVERBIOS 17:3

Curipish, cullquipish pailapi churashpa hornopi rupachijpimi, alli cashcaca ricurin. Ashtahuanpish runacunapaj shungutacarin Mandaj Diosmari ricucun.

ISAÍAS 6:8

Chai q'uipami, Jatun Dios rimashcata uyarcani: “¿Pitataj cachashari? ¿Pitaj ñucanchijpaj randi ringari?” nijpimi ñucaca: “Caipimi cani, ñucata cachahuai” nircani.

1 Corintios 10:13

Shujtajcunata japij millai munaicunallatajmi cancunatapish japirca, ashtahuan yallica mana japircachu. Ashtahuanpish Diosca pajtachij cashcamantami, chai millai munaicunataca cancuna apai tucunallata saquinga. Paillatajmi chai millai munaimanta llujshichun mishachinga.

DEUTERONOMIO 13:3

Diosmanta huillajmi cani nij huillashcatapish mana cashpaca muscuipi ricushcatami huillani nijtaca amataj uyanguichijchu. Cancunapaj tucui shunguhuan, tucui almahuan Mandaj Dios cancunapaj Taita Diosta c'uyaj cashcata mana c'uyaj cashcata yachangapajmi Mandaj Dios cancunapaj Taita Diosca chaicuna chashna rurachunca saquinga.

DEUTERONOMIO 8:16

cancunapaj ñaupa yayacuna mana rijsishca maná shuti micunata carashpa pushamuj Taita Diosta ñataj cungaringuichijman. Paimi cancunataca llaquichishpa, cancuna ima shina cashcata ricushpa q'uipa punllacunapi allicunata cungapaj pushamurca.

DEUTERONOMIO 8:2

Mandaj Dios cancunapaj Taita Dios cai chuscu chunga huatacunata shitashca pambacunata ima shinalla pushamushcata yuyaringuichij. Chaicunataca cancunata ima shina shungu cashcata yachangapaj, cumurij shunguta rurashpa pai mandashcacunata cazuna cashcata mana cazuna cashcata ricungapajmi llaquicunata cushpa pushamurca.

Hebreos 11:17

Crishcamantami Abrahamca, ima shina crij cashcata ricusha nijpi Diosmanca paipaj churi Isaacta curca. Dios cusha nishcacunata chasquij cashpapish, shujlla churitami Diosman cungapaj aparca.

Santiago 2:21

¿Manachu ñucanchij yaya Abrahamca, paipaj churi Isaacta altarpi rupachinapaj cushcamanta justificashca tucushca?

1 Pedro 1:7

Cancunata crijtaj cashcata ricushcaca, sumaj curitapish ashtahuan yallimari. (Chingarijlla curitapish ninapi rupachishpami, alli cashcata mana alli cashcataca ricuna) Llaquita apashpaca, shamuj punllapi Jesucristo ricurijpica alabashca, alli nishca, sumajyachishcami canguichij.

JUECES 2:22

Paicunata chai llajtacunamanta mana llujshichishpa cachashpaca, Mandaj Diosca israelcunataca paicunapaj ñaupa yayacuna shina paita alli cazujta, mana cazujta ricungapajmi manaraj llujshichishpa cacharca.

1 SAMUEL 3:4

Mandaj Diosca: –Samuel– nishpa cayajpi Samuelca: –Caipimi cani– nishpa,