GÉNESIS 21:8 - Dios Rimashca Shimicunami

⁸ Huahua Isaac huiñajpica, chuchucushcamanta raquircami. Isaacta chuchumanta raqui punllami Abrahamca sumaj micuita rurarca.

GÉNESIS 21:8 Iomraidhean Croise

GÉNESIS 19:3

Shina nijpipish Lotca paicunata jacupaichij nicujllapimi, paicunaca Lotpaj huasiman rircacuna. Chaipica sumaj micuita rurashpa, levadura illajlla tandata cusashpa carajpimi micurcacuna.

GÉNESIS 21:7

Abrahamtaca pitaj Saraca huahuayuj tucushpa huahuata chuchuchingamari ninman carcari. Pai ña yuyaj cajpipish paipaj shuj huahuatamari huachani” nircami.

GÉNESIS 21:9

Egiptomanta caj Agarpi charishca Abrahampaj churi Ismaeltaca, Saraca paipaj churi Isaacta imatapish nishpa p'iñachicujlla cashcatami ricurca.

GÉNESIS 26:30

Chaipimi Isaacca sumaj micuita rurashpa paicunahuan micurca ubyarca.

GÉNESIS 29:22

Chaimi Labanca, paipaj c'uchullapi causajcunata cayashpa shuj sumaj micuita rurarca.

GÉNESIS 40:20

Chashna huillashca quimsa punllapica jatun mandaj faraonca pai huacharishca punlla pajtajpimi, pai churashca mandajcunahuan micungapaj sumaj micuita rurarca. Tucui chaipi cajcuna ricucujpimi, copacunata pasachijcunata mandajtapish, tandata rurajcunata mandajtapish carcelmanta llujshichinaman cacharca.

2 SAMUEL 3:20

Abnerca ishqui chunga runacunandijmi David maipi can Hebronmanca chayarca. Chaipica Davidca Abnerhuanpish, paihuan shamujcunahuanpish shuj jatun micuitami rurarca.

1 REYES 3:15

Salomón rijcharishpaca muscucushcatami entendirca. Chaimi Jerusalenman rishpa Mandaj Dioshuan ari ninacushca quillcata huaquichina arca ñaupajpi Mandaj Diosman cushpa tucui rupachirca. Paihuan alli cangapajpish sacrificiocunatami curca. Paipajta ruraj tucuicunahuanpish jatun micuitami rurarca.

ESTER 1:3

Jatun mandaj Asueroca, quimsa huatata mandacushpami, paita servijcunahuanpish, pai churashca mandajcunahuanpish jatun micuita rurarca. Chai jatun micuimanca Persia shuti, Media shuti llajtacunapi causaj soldadocunata mandajcunatapish, tucui llajtacunapi pai churashca mandajcunatapishmi cayarca.

SALMOS 131:2

Ashtahuanpish ñuca almaca mama huahuata chuchuchijpi shinami upallan. Huahuaca mamata chuchushca huashaca upajlla sirinllami.

OSEAS 1:8

Lo-ruhamata raquishca q'uipami, Gomerca cutin chichushpa c'ari huahuata huacharca.

JUECES 14:10

Chai huarmipaj huasiman paipaj yayahuan chayashpami, Sansonca chai llajtapi causaj mosocuna ruraj cashca shinallataj jatun micuita rurarca.

JUECES 14:12

Paicunatami Sansonca cashna nirca: –Ñucaca cancunataca yuyaricushpalla cutichinatami tapugrini. Cai jatun micui canchis punllacunacama cancuna mana yuyari tucuipaj cajpipish alli yuyarishpa callarishpa huillajpica, cancunamanca linomanta rurashca churanatami shuj shuj tucuicunaman cusha. Jatun micui punllacunapi churarina sumaj churanatapishmi shuj shuj cusha.

1 SAMUEL 1:22

Ashtahuanpish Anaca mana huichiyarcachu, paipaj cusataca: –Ñucaca cai huahuata raquingacama mana huichiyashachu. Huahuata raquishca q'uipami paitaca Mandaj Diosman cungapaj apashpa huichiyasha. Paica paipaj tucui causaipajmi chaipi saquiringa– nirca.

1 SAMUEL 1:24

Ña huahuata raquishca q'uipaca huahua uchillaraj cajpipish, Mandaj Diospaj huasimanmi Silo puebloman aparca. Quimsa malta huagratapish, shuj efa cutatapish, shuj puñu vinotapishmi aparca.

1 SAMUEL 25:36

Abigail Nabalpajman tigranapajca, Nabalca paipaj huasipica jatun mandaj jatun micuita ruraj shinami ruracushca carca. Paica cushicuihuanmi carca. Yallitaj machashcapishmi carca. Chaimi Abigailca cayandij punllacama imata mana huillarca.