GÉNESIS 21:6 - Dios Rimashca Shimicunami

⁶ Sara huarmica cashnami nirirca: “Taita Diosmari ñucataca asichin. Ñuca huahuayuj tucushcata pipish uyajcunaca cushicushpami ñucahuan asingacuna.

GÉNESIS 21:6 Iomraidhean Croise

GÉNESIS 17:17

Chaimi Abrahamca pambaman tupajta cumurishpa paipaj shungupi asishpa: “Ña patsaj huatayuj yuyaj runaca ¿maitataj huahuayuj tucungari? Sarapish iscun chunga huatayuj huarmica ¿chichungachari?” nirca.

SALMOS 113:9

Paimi mana huachaj huarmitaca familiayujta ruran. Huahuacunayujta rurashpami cushichin. ¡Mandaj Diosta alabaichigari!

SALMOS 126:2

Chaipitajca ñucanchij shimihuanca yallitajmi asircanchij. Ñucanchij c'alluhuanca yallitajmi cantarcanchij. Shujtaj llajtacunaca: “Mandaj Diosca chaicunapajca jatun ruranacunatamari rurashca” nircacunami.

ISAÍAS 49:15

Shuj huarmica pai huachashca huahuataca ¿cungaringachu? Paipaj huijsamanta llujshishca huahuataca ¿manataj llaquingapaj p'iñangachari? Huahuata chai huarmi cungarijpipish ñucaca cantaca manataj cungarishachu.

ISAÍAS 49:21

Chaipica cambaj shungupica: Cai huahuacunataca ¿pitaj ñucapaj huacharcari? Ñucaca mana huachajmari carcani. Huahuacuna illajllamari carcani. Shujtaj llajtaman cachashca puricujllami carcani. Cai huahuacunataca ¿pitaj huiñachircari? Riqui ñucaca ñucallamari saquirishcani. Caicunaca ¿maipitaj carcacunari?

ISAÍAS 54:1

¡Mana chichuj, mana huachaj huarmi, cushicuiyari! ¡Manataj huachaj huarmi, jatun cushicuihuan caparishpa cantayari! “Cusa shitashca cashpapish, canmari cusayuj huarmitapish yalli huahuacunayuj tucungui” ninmi Mandaj Diosca.

JEREMÍAS 20:15

“Cambaj huahuaca c'arimari huacharin” nishpa ñuca yayata cushichij runaca, llaqui tucushca cachun.

Lucas 1:14

Pai huacharijpica yallitajmi cushicungui. Shujtajcunapish cushicungacunami.

Lucas 1:58

Elisabetta Dios llaquishpa jatunta c'uyashcata uyashpaca, c'uchullapi causajcunapish, familiacunapish paita ricunaman rishpaca yallitajmi cushicurcacuna.

Romanos 12:15

Cushicujcunahuanca cushicuichij, huacajcunahuanca huacaichij.

Hebreos 11:11

Crishcamantami Sara huarmica mana huachaj cashpapish chichungapaj fuerzata chasquirca. Diosca pai cusha nishcataca pajtachij cashcata Sara crishcamantami, shuj c'ari huahuata huachashca.

1 SAMUEL 1:26

Chaipimi Ana huarmica: –Ñuca amito, canca causanguillami. Ñucaca caipi cambaj c'uchupi Mandaj Diosta ¿manachu mañacurcani? Chai huarmillatajmari cani.