GÉNESIS 21:4 - Dios Rimashca Shimicunami

⁴ Abrahamca paipaj churi Isaactaca Taita Dios mandashca shinallatajmi huacharishcamanta pusaj punllapi circuncisionta rurarca.

GÉNESIS 21:4 Iomraidhean Croise

ÉXODO 12:48

Mana israelcuna cancunahuan causacujcuna Mandaj Diospaj Pascua micuita micusha nishpaca, tucui c'aricuna circuncisiontaraj rurachishpa, chai q'uipa chai Pascua micuita rurachun. Chashna rurashpaca, israelpurallatajmi canga. Maijanpish circuncisionta mana rurachishca cashpaca Pascua micuitaca amataj micuchun.

LEVÍTICO 12:3

Chai huahuataca huacharishcamanta pusaj punllapica circuncisionta rurashca cachun.

Lucas 1:59

Ña pusaj punlla tucujpica, huahuata circuncisionta rurachinamanmi apashpami, huahuataca yayapaj shuti Zacariasta shutichishun nircacuna.

Lucas 1:6

Paicunaca ishquindijtajmi Taita Diospaj ñaupajpica, cashcata rurajcuna carca. Jatun Dios tucui mandashcacunata, rurai nishcacunataca chaitataj rurashpa pi mana juchachipajcunami carca.

Lucas 2:21

Ña pusaj punlla tucujpica huahuata circuncisionta rurachinamanmi aparcacuna. Chai punllallatajmi María manaraj chichu cajpi ángel huillashca shinallataj JESÚS shutita shutichircacuna.

Hechos 7:8

Abrahamtaca Taita Diosca pai cusha nishcata chasquij cashcata ricuchingapajca circuncisionta rurachunmi mandarca. Chaimi Abrahamca, paipaj churi Isaactaca huacharishca pusaj punllapi circuncisionta rurachirca. Chashnallatajmi Isaacca Jacobta, Jacobca paipaj chunga ishqui churicunata circuncisionta rurachirca. Paicunaca ñucanchij callari yayacunami.

DEUTERONOMIO 12:32

Ñuca tucui mandashcacunata, chaitataj pajtachina yuyailla pajtachinguichij. Chai mandashcacunataca imata ama mirachinguichijchu, imata ama anchuchinguichijchu.