GÉNESIS 21:2 - Dios Rimashca Shimicunami

² Saraca paipaj cusa Abraham yuyaj cai pachapi chichushpami shuj c'ari huahuata huacharca. Chai huahuaca Taita Dios cusha nishca huata pajtajpimi huacharirca.

GÉNESIS 21:2 Iomraidhean Croise

GÉNESIS 17:19

Chaimi Taita Diosca: Cambaj huarmi Saramari shuj c'ari huahuata huachanga. Paitaca Isaacta shutichingui. Ñuca ari nishcataca paipi sinchita callarichishpami, paipaj huahua huahuacunahuanpish, paicunapaj huahua huahuacunahuanpish huiñaipaj pajtachicushalla.

GÉNESIS 17:21

Ñuca ari nishpa pajtachisha nishcataca shamuj huata cai punllacuna shinallapitajmi, Sara huachashca Isaachuan callarichisha– nircami.

GÉNESIS 18:10

Shina nijpimi paicunapuramanta shujca: –Shamuj huatapish canta ricunaman tigramushami. Chai punllacunapajca cambaj huarmi Saraca, ñami shuj c'ari huahuayuj canga. Chashnatajmi canga– nirca. Chashna parlanacucujtaca Saraca, Abrahampaj carpa huasi huashanijpi caj paipaj carpa huasi pungumantami uyacurca.

GÉNESIS 18:14

Taita Diospajca imapish mana sinchichu. Ña nishca shinallataj shamuj huatami cambajman tigramusha. Chaipajca Saraca ñami shuj c'ari huahuayuj canga– nirca.

Lucas 1:36

Riqui, cambaj familia Elisabetpish mana huachaj nishca cashpapish, yuyaj cashpapish ñamari sujta quillata c'ari huahuata chichu.

Hechos 7:8

Abrahamtaca Taita Diosca pai cusha nishcata chasquij cashcata ricuchingapajca circuncisionta rurachunmi mandarca. Chaimi Abrahamca, paipaj churi Isaactaca huacharishca pusaj punllapi circuncisionta rurachirca. Chashnallatajmi Isaacca Jacobta, Jacobca paipaj chunga ishqui churicunata circuncisionta rurachirca. Paicunaca ñucanchij callari yayacunami.

Romanos 9:9

Cushami nishca shimica cashnami: “Shamuj huata cunan shina punllallapitajmi tigramusha. Chaipajca Saraca, shuj churitami charinga” nishcami carca.

Gálatas 4:22

Abraham ishqui huahuacunata charishcamantaca, cashnami quillcashca tiyacun: Shujtaca, esclava huarmipi caishujtaca quiquin huarmipimi charirca.

Hebreos 11:11

Crishcamantami Sara huarmica mana huachaj cashpapish chichungapaj fuerzata chasquirca. Diosca pai cusha nishcataca pajtachij cashcata Sara crishcamantami, shuj c'ari huahuata huachashca.

JOSUÉ 24:3

Cancunapaj yaya Abrahamtaca, chai jatun yacu ch'imbanijmanta cai Canaanmanca ñucami pushamurcani. Tucui cai llajtapimi, caipi chaipi causarca. Ñucaca achca huahuacunayuj tucuchunmi paimanca Isaac churita curcani.