GÉNESIS 21:12 - Dios Rimashca Shimicunami

¹² Chaimi Taita Diosca, Abrahamtaca: “Chai churimantapish, cambajta ruraj huarmimantapish ama yalli llaquirichu. Cambaj huarmi Sara imallata nishcata rurailla. Isaacmanta mirarishcacunallami, cambaj huahua huahuacuna canga.

GÉNESIS 21:12 Iomraidhean Croise

GÉNESIS 17:19

Chaimi Taita Diosca: Cambaj huarmi Saramari shuj c'ari huahuata huachanga. Paitaca Isaacta shutichingui. Ñuca ari nishcataca paipi sinchita callarichishpami, paipaj huahua huahuacunahuanpish, paicunapaj huahua huahuacunahuanpish huiñaipaj pajtachicushalla.

GÉNESIS 17:21

Ñuca ari nishpa pajtachisha nishcataca shamuj huata cai punllacuna shinallapitajmi, Sara huachashca Isaachuan callarichisha– nircami.

ISAÍAS 46:10

Ñucami q'uipa punlla imalla tucunataca, callarimantapacha tucuita huillani. Ñucaca ñaupa punllamantatajmi q'uipa punllapi ñuca imata ruragrishpaca manaraj chaita rurashpa huillani. Cashnami nini: Ñuca imalla rurana tucushcaca ruraricungallami. Ñuca imallatami rurasha nircani chaitaca rurashatajmi.

Gálatas 4:30

Ashtahuanpish ¿Quillcachishcaca ima nintaj?: “Esclavataca, paipaj churindij llujshichishpa cachai. Esclavapaj churica, quiquin huarmipaj churihuanca, herenciata mana japingachu” ninmi.

Hebreos 11:18

Diosca paitaca: “Isaacmantami huahua huahuacunataca achcata charingui” nishcami.

1 SAMUEL 8:7

Chaimi Mandaj Diosca Samueltaca: “Tucui paicuna ima nishcataca uyailla. Mana cantachu yanganchin. Ashtahuanpish ñuca paicunata ama mandachunmari ñucata yanganchin.

1 SAMUEL 8:9

Cunanca paicuna mañashcata uyailla. Jatun mandaj paicunata mandacushpaca ima shina mandana cashcata ricuchishpa tucuicunaman alli huillangui” nircami.