GÉNESIS 21:1 - Dios Rimashca Shimicunami

¹ Mandaj Diosca pai nishca shinallatajmi Sara huarmitaca ricuj shamurca. Mandaj Diosca pai cusha nishpa ari nishca shinallatajmi pajtachirca.

GÉNESIS 21:1 Iomraidhean Croise

GÉNESIS 17:16

Paitaca ñucami ashtahuan alli cashca cachun nisha. Paimantami canmanpish shuj c'ari huahuata cusha. Paica achca llajtacunapaj mamami tucunga. Llajtacunata jatun mandajcunapish paimantami huacharinga– nircami.

GÉNESIS 17:19

Chaimi Taita Diosca: Cambaj huarmi Saramari shuj c'ari huahuata huachanga. Paitaca Isaacta shutichingui. Ñuca ari nishcataca paipi sinchita callarichishpami, paipaj huahua huahuacunahuanpish, paicunapaj huahua huahuacunahuanpish huiñaipaj pajtachicushalla.

GÉNESIS 17:21

Ñuca ari nishpa pajtachisha nishcataca shamuj huata cai punllacuna shinallapitajmi, Sara huachashca Isaachuan callarichisha– nircami.

GÉNESIS 18:10

Shina nijpimi paicunapuramanta shujca: –Shamuj huatapish canta ricunaman tigramushami. Chai punllacunapajca cambaj huarmi Saraca, ñami shuj c'ari huahuayuj canga. Chashnatajmi canga– nirca. Chashna parlanacucujtaca Saraca, Abrahampaj carpa huasi huashanijpi caj paipaj carpa huasi pungumantami uyacurca.

GÉNESIS 18:14

Taita Diospajca imapish mana sinchichu. Ña nishca shinallataj shamuj huatami cambajman tigramusha. Chaipajca Saraca ñami shuj c'ari huahuayuj canga– nirca.

GÉNESIS 24:36

Ñuca amopaj huarmi Saraca yuyaj pachapimi, ñuca amopajtaca shuj c'ari huahuata huacharca. Ñuca amoca pai tucui imalla charishcacunatami chai churiman curca.

GÉNESIS 50:24

Shuj punllaca Joseca paipaj huauquicunataca: “Ñucaca ñami huañugrini. Taita Dios cancunata ricuj shamushpami, cancunataca cai llajtamanta huichiyachishpa Abrahamman, Isaacman, Jacobman cushatajmi nishca llajtaman pushanga” nircami.

2 REYES 4:17

Chai huarmica chichushpa caishuj huatapajca Eliseo nishca punllacuna shinallapitajmi shuj c'ari huahuata huacharca.

SALMOS 106:4

Mandaj Dioslla ñucata yuyarihuayari. Quiquin agllashcacunapaj allita ruracushpaca ñucatapish yuyaripanguiyari. Paicunapaj quishpichinata apamushpaca ñucapajpish apamupanguiyari.

SALMOS 12:6

Mandaj Dios rimashca shimicunaca chuyami. Pai rimashca shimicunaca allpa hornopi canchis cutin rupachishpa, tucui mapata anchuchishca chuya cullqui shinami.

ÉXODO 20:5

Chaicunataca ama cunguringuichijchu, amataj adoranguichijchu. Ñucami Mandaj cambaj Taita Dios cani. Ñucaca tucuita rurai tucuj Dios, ñucapajlla cachun munajmi cani. Yayacuna ñucata p'iñashpa millaita rurajpica paicunapaj quimsa huahua huahuacama, mana cashpacarin chuscu huahua huahuacunacama jatunta llaquichijmi cani.

ÉXODO 3:16

Israelcunata cunaj yuyajcunata tandachishpa cashna nigri: Cancunapaj ñaupa yaya Abrahampaj, Isaacpaj, Jacobpaj Mandaj Diosmi ñucaman ricurishpa cashna nin: Cancunata Egiptopi ima shinalla llaquichicujta ricushpami, cancunata ricuj shamurcani.

ÉXODO 4:31

Chaita ricushpami, israelcunaca Mandaj Diosca paicuna llaquita apacujpi ricunaman shamushcata uyashpa, crishpa Mandaj Diosta cumurishpa adorarcacuna.

Mateo 24:35

Jahua pachapish, cai pachapish tucuringami. Ashtahuanpish ñuca huillashca shimicunaca manataj tucuringachu.

Lucas 1:68

“Israelcunata Mandaj Taita Diosca allimari. Paipaj cajcunataca quishpichishpa llujshichingapajmi shamushca.

Lucas 19:44

Cai pueblotaca urmachishpa tucui caipi causajcunatapish huañuchingami. Huasi pircacunatapish shuj rumillatapish pircashcata mana saquingachu. Taita Dios ricuj shamujpi mana chasquishcamantami chashna tucunguichij– nircami.

Gálatas 4:23

Esclavamantaca aicha munaimantami huacharirca. Ashtahuanpish quiquin huarmimantaca, Dios cusha nishca pajtajpimi huacharirca.

Gálatas 4:28

Chaimanta huauquicuna, ñucanchijca Isaac shinamari, Dios cusha nishcamanta huahuacuna canchij.

Tito 1:2

Ñucanchijca huiñai causaiyuj cashca yuyaillami canchij. Mana llullaj Diosca, chai causaitaca manaraj cai pachapi ima tiyajpimi cusha nirca.

RUT 1:6

Noemica Moabpi causacushpami: “Mandaj Diosca pai agllashcacunataca ñami ricuj shamushca. Granocunaca ñami p'ucucun” nijta uyashpami, Noemica, paipaj llajtallamantaj tigranata yuyarishpa, paipaj ishqui nueracunandij allichirirca.

1 SAMUEL 1:19

Cayandijta utca jatarishpaca, Mandaj Diosta adorashpami, Ramá pueblopi caj paicunapaj huasiman tigrarcacuna. Elcanaca paipaj huarmi Anahuan chayarinacucujpimi, Mandaj Diosca Ana mañashcata yuyarirca.

1 SAMUEL 2:21

Mandaj Dios Anata ricuj shamujpimi, Anaca huahuacunayuj tucurca. Quimsa churicunata, ishqui ushushicunatami charirca. Huahua Samuelca, Mandaj Diospaj ñaupajpimi huiñarca.