GÉNESIS 20:9 - Dios Rimashca Shimicunami

⁹ Chai q'uipami Abimelecca, Abrahamta cayashpaca: –Canca ¿imatataj rurashcanguichu imamí? Ñucapajmanpish, ñuca mandacun llajtamanpish jatun jucha shamuchunca ñucaca cambajca ¿ima millaitataj rurashcaniyari? Canca ñucahuanca manapish ruraipajtamari rurashcangui.

GÉNESIS 20:9 Iomraidhean Croise

GÉNESIS 12:18

Chaimi faraonca Abramta cayachishpaca: “Canca ñucahuanca ¿imatataj rurashcanguichu imamí? ¿Ima nishpataj cambaj huarmi cashcataca mana huillarcangui?

GÉNESIS 20:10

Abimelecca Abrahamtaca: Chashna rurashpaca ¿imatataj yuyarcanguiyari?– nircapishmi.

GÉNESIS 20:8

Abimelecca, cayandij tutamanta jatarishpaca paipajta rurajcunata cayashpami, muscuipi imallata nishcata tucuita paicunaman huillarca. Chaita uyashpaca chai runacunaca achcatami mancharircacuna.

GÉNESIS 26:10

Abimelecca: –¿Ima nishpataj canca ñucanchijtaca chashna rurarcanguiyari? Can chashna umashcamanta cai pueblopi causajcuna maijanpish cambaj huarmihuan dormishca cajpica, canmari ñucanchijtaca juchallichinguiman carca– nircami.

GÉNESIS 29:25

Cayandij tutamanta Jacob ricushpaca, paihuan dormishpa pacarijca Lealla cashcata ricushpami Labantaca: –Canca ñucataca ¿imatataj rurashcanguichu, imamí? ¿Manachu ñucaca Raquelmanta cambajta rurashpa causarcani? ¿Ima nishpataj chashna umarcanguiyari?– nirca.

GÉNESIS 34:7

Jacobpaj churicunaca michinamanta tigramushpami, paicunapaj pani ima tucushcata yachaj chayarcacuna. Paicunapaj yaya Jacobpaj ushushihuan Siquem moso dormishpaca, manapish rurana cashcata rurashpa israelcunata jatun pingaipi churashcamantami achcata llaquirishpa yallitaj p'iñarircacuna.

GÉNESIS 38:24

Ashtahuanpish ña quimsa quilla shinapimi Judamanca: –Cambaj nuera Tamarca, huainayashcamari. Pai chashna cashcamantaca chichumi– nishpa huillajpi Judaca: –¡Paitaca llujshichishpa rupachichij!– nirca.

GÉNESIS 39:9

Cai huasipica ñucata yalli tucuita ricujca, pi mana tiyanchu. Ñuca amoca tucui paipaj ima charishcacunatapish tucuitami ñuca maquipi churarca. Canllatami mana ñuca maquipi churarca. Chashna cashcamanta ñucaca maitataj jatun millaita rurashpa, Taita Diosta p'iñachishpa juchallishari– nircami.

2 SAMUEL 12:5

Chaimi Davidca nina sindirij shina chai charij runahuan p'iñarishpa Natantaca: –¡Mandaj Diosca causajmi, chashna ruraj runaca huañunatajmi can!

2 SAMUEL 13:12

Shina nijpi Tamarca: –Ñuca turiculla, mana chaitaca rurashachu. Ñucataca ama llaquichichu. Israelpurapica chashnaca manataj ruranachu. Chashna millanayajtaca amataj ruraichu.

ÉXODO 32:21

Chaipimi Moisesca Aarontaca: –Cai gentecunapajman cai jatun juchata apamuchunca paicunaca cantaca ¿imatataj rurarcari?– nirca.

ÉXODO 32:35

Mandaj Diosca israelcunataca Aarón rurashca bizi diosta adorashcamantami chugrichirca.

PROVERBIOS 28:10

Alli runacunata umashpa millai ñanpi churajcunaca paicunallataj allashca jutcupimi urmangacuna. Ashtahuanpish ima pandata mana rurajcunaca, allitami japingacuna.

LEVÍTICO 20:10

Maijanpish shujtajpaj huarmihuan huainayajpica, c'aritapish huarmitapish mana llaquishpalla huañuchichun.

Romanos 2:11

Taita Diospajca pita ñahuita ricushpalla alli ninaca mana tiyanchu.

Tito 1:11

Chaicunataca upallachinatajmi. Paicunaca cullquita japingaraicullami, tucui huasi familiata manapish yachachinacunahuan muspachincuna.

Hebreos 13:4

Cazaranaca tucuicuna alli nishca cachun. Paicuna chayarinacunapish chuya cachun. Ashtahuanpish apanacushpa causajcunata, huainayajcunataca Diosmi paicuna ima shina cashcataca ricuchinga.

JOSUÉ 7:25

Chaipimi Josueca Acantaca: –¿Ima nishpataj ñucanchijta cashna llaquichircanguiyari? Cunan cantapish Mandaj Diosmi llaquichigrin– nijpica, tucui israelcunami Acantapish, tucui paipaj cajcunatapish rumicunahuan shitarcacuna. Rumicunahuan shitashca q'uipaca rupachircacunami.