GÉNESIS 20:7 - Dios Rimashca Shimicunami

⁷ Cunanca chai huarmitaca paipaj cusallamantaj tigrachi. Abrahamca ñuca ima nishcata huillaj cashcamanta can causashpa catichun ñucata mañangami. Chai huarmita mana tigrachishpaca, canpish can mandacun llajtapi causajcunapish huañunataj cashcatami yachana cangui” nirca.

GÉNESIS 20:7 Iomraidhean Croise

GÉNESIS 12:15

Faraón churashca mandajcuna ricushpapish chai huarmica sumaj huarmimari nishpa Faraonman huillashpami, Sarai huarmitaca, faraón mandashpa tiyana huasiman pusharcacuna.

GÉNESIS 12:17

Shina cajpipish Mandaj Diosca, Abrampaj huarmi Saraita faraón chashna apashcaca mana pai munashca cajpimi paica faraontapish, paipaj huasipi causajcunatapish jatun llaquicunahuan llaquichirca.

GÉNESIS 2:17

Ashtahuanpish huerta chaupipi tiyaj yuraca allita mana allita yachaj chayachijmi. Chai yuramantaca ama micungui. Chai yuramanta micushpaca, chai punllallatajmi huañungui” nircami.

GÉNESIS 20:18

Abrahampaj huarmi Sarata Abimelec paipaj huarmi cachun japishcamantami, Mandaj Diosca Abimelecpaj huarmitapish, paipajta ruraj huarmicunatapish mana huachajta rurashca carca.

GÉNESIS 20:3

Ashtahuanpish Taita Diosca chai tutallataj muscuipi ricurishpami Abimelectaca: “Cazarashca cusayuj huarmita cambaj huarmi cachun japishcamanta, cunanca huañugringuimi” nirca.

GÉNESIS 20:8

Abimelecca, cayandij tutamanta jatarishpaca paipajta rurajcunata cayashpami, muscuipi imallata nishcata tucuita paicunaman huillarca. Chaita uyashpaca chai runacunaca achcatami mancharircacuna.

GÉNESIS 23:6

–Ñucanchij amito, caita uyapai. Canca ñucanchijpurapica Taita Dios churashca mandajmi cangui. Huañushca cambaj huarmitaca ñucanchijpurata pambanapaj rurashca jutcucunamantaca ashtahuan alli jutcuta agllashpa pambailla. Paita pambachunca ñucanchijpurapi cajcunaca pi mana mitsangachu. Pambachun saquingallami– nircacuna.

2 SAMUEL 24:17

Gentecunata chingachicuj angelta ricushpami, Davidca Mandaj Diostaca: –¡Ñucamari juchallircani. Ñucamari millaita rurarcani! Cai ovejacunaca ¿imatataj rurarcacunari? ¡Paicunata llaquichinapaj randica ñucata, ñuca yayapaj huasi ucupuracunata llaquichiyari!– nirca.

1 REYES 13:6

Chashna tucujpimi jatun mandajca, Taita Diospaj runataca: –Ñuca maqui alli tucuchun canta Mandaj Taita Diosta ñucamanta rogashpa mañai– nijpi Diospaj runa, Mandaj Diosta mañajpica, jatun mandajpaj maquica ñaupa shinallataj alli saquirircallami.

2 REYES 5:11

Shina nijpi Naaman p'iñarishpaca: –Ñucaca paitaj llujshishpa ñuca ñaupajpi shayarishpa Mandaj paipaj Diosta mañashpa maillapi lepra ungüi canpi paipaj maquita churashpami alliyachinga yuyarcanimari.

1 CRÓNICAS 16:22

Ñuca agllashcacunataca ama tuparichijchu. Ñuca profetacunataca, ama llaquichichijchu nircami.

2 CRÓNICAS 30:18

Efrainpaj, Manasespaj, Isacarpaj, Zabulonpaj aillucunamantami Pascua punllata yuyarishpa, Pascua micuita micungapaj shamurcacuna. Paicunaca quillcashcapi nicushca shina chai micuita micungapajca, mana allichirishcacuna carcachu. Shina cajpipish Ezequiasca paicunamantaca cashnami Diosta mañarca: “Mandaj Dioslla, canca allimi cangui. Tucui caicunaca cambaj cai huasiman shamunapaj allichirishca cana shina mana allichirishca cashpapish, tucui shunguhuanmi paicunapaj ñaupa yayacunata Mandaj Diosta mashcashpa shamushcacuna. Paicunapaj tucui juchacunata perdonapangui” nishpami mañarca.

JOB 34:19

¿Pitapish mana ñahuita ricushpalla alli nijtacarin imatataj ninguiyari? Mana ashtahuan allicuna cashcata yuyanchu. Mana, charij runallata ashtahuan c'uyanchu. Ashtahuanpish mana charijtapish c'uyanmi. Tucuicuna paipaj maquihuan rurashcacunami.

JOB 42:8

Chashna mana allita rurashcamanta, cunanca canchis c'ari bizicunata, canchis carnerocunata apashpa, cancunamanta ñucaman cushpa tucui rupachichun ñucata servij Jobman cugrichij. Ñucata servij Jobmi cancunamantaca ñucata mañanga. Pai mañashcatami ñucaca uyasha. Pai mañajllapimi cancunataca mana ñucamanta ima allicunata huillashca cajpipish, mana jatunta llaquichisha. Cancunaca manamari ñucata servij Job shina carcanguichijchu” nircami.

SALMOS 25:14

Mandaj Diosca paita manchajcunahuanmi yallitaj apanacun. Paihuan ari ninacushcata pajtachinataca paicunamanmi yachachinga.

ÉXODO 18:17

Shina nijpi Moisespaj suegro Jetroca: –Can ruracushca shinaca mana allichu.

ÉXODO 4:16

Israelcunamanca paimi can rimacushca shinallataj cambaj randi rimanga. Aaronmanca canmi Diospaj randi rimangui.

ÉXODO 7:1

Chaimi Mandaj Diosca Moisestaca: –Riqui, cantaca ñucapaj randimi faraonpaj ñaupajpi churani. Can imalla nishcataca cambaj huauqui Aaronmi huillanga.

JEREMÍAS 14:11

Shinallataj Mandaj Diosca, ñucataca cashnapishmi nirca: “Ñucataca ama cai runacunapaj ima allita rurachun mañaichu.

JEREMÍAS 15:1

Mandaj Diosca ñucataca cashnami nirca: “Moiseshuan, Samuelhuan cunantaj ñuca ñaupajpi paicunamanta shayarijpipish, cai runacunahuanca manataj alli tucushachu. Ñuca ñaupajmanta anchuchun, llujshishpa richij nigri.

JEREMÍAS 27:18

Paicunaca ñucataj huillachun cachajpi huillajcuna cashpaca, ñuca huasipipish, Judá llajtata jatun mandajpaj huasipipish saquirishca charinacunamantaca, ñucata mañachuncunari. Ñuca ima nishcatataj huillajcuna cajpica, paicuna mañashcata uyashpa, chai charinacunataca cai Jerusalén pueblomanta Babiloniaman apachunca mana saquishachu. Ñucaca tucuita Mandajmari cani” nircami.

EZEQUIEL 3:18

Ñucaca, ñucata mana manchaj runataca: Huañunami cangui nimanchari. Chaitaca paimanmi yachaj chayachina cangui. Ñucata mana manchaj runa millaita ruranata saquishpa causaita charichun, can mana huillajpica, millaita rurashcamantami huañunga. Pai huañujpica, cambaj jahuami canga.

EZEQUIEL 33:8

Ñucata mana manchaj runataca: Ñucata mana manchashcamantaca huañunatajmi cangui nishachari. Shina nijpipish canca ñucata mana manchaj runa millaita ruranata saquichun, mana rimanguichari. Chashna mana rimajpica, paipaj juchamantaca huañungatajmi. Shina cajpipish paipaj yahuarca, cambaj jahuami canga.

LEVÍTICO 6:4

Chashna juchallishpa llaquichishcamantaca shuhuashcatapish, pipajta quichushcatapish, mingashcata mana tigrachishcatapish, jichushcata tarishcatapish,

LEVÍTICO 6:7

Chai runapaj juchamantaca Mandaj Diosman cura cuchun. Chashna rurajpimi tucui imallapi juchallishpa amañaricushca juchacunataca perdonanga.

Hechos 8:24

Simonca: –Cancuna nishca shina ama tucungapaj ñucamanta Jatun Diosta rogashpa mañaichij– nirca.

1 Corintios 14:4

Mana rijsishca rimaipi rimajca, paillatajmi sinchiyarin. Ashtahuanpish Dios ima nishcata huillajca, tandanacushca crijcunatami sinchiyachin.

Hebreos 1:1

Ñaupa punllacunapica ñucanchij yayacunamanca, achca cutin tucui layami profetacunata huillachishpa Diosca rimarca.

Hebreos 13:4

Cazaranaca tucuicuna alli nishca cachun. Paicuna chayarinacunapish chuya cachun. Ashtahuanpish apanacushpa causajcunata, huainayajcunataca Diosmi paicuna ima shina cashcataca ricuchinga.

1 Juan 5:16

Maijan huauqui mana huañuiman apaj juchata ruracujta ricushpaca, paimanta Diosta mañachun. Pai mana huañuiman apaj juchata rurashca cajpica, Diosca causaita cungami. Huañuiman apaj juchapish tiyanmi. Chaimantaca mana mañachun ninichu.

1 SAMUEL 12:19

Tucui israelcunami Samueltaca: –Cambajta rurajcuna ama huañuchun Mandaj cambaj Diosta mañapaiyari. Tucui ñucanchijmari juchata rurashca jahua ñucanchijta mandachun jatun mandajta churai nishpa mañashpaca millaita rurashcanchij– nircacuna.

1 SAMUEL 12:23

Ñucapish Mandaj Diosta cancunamanta mañanataca mana saquishachu. Chaita saquinaca Mandaj Diosta p'iñachishpa juchallinami canga. Cancunata saquinapaj randica alli ñanpi mana pandashpa causanatami yachachisha.

1 SAMUEL 7:5

Chaimi Samuelca: “Tucui israelcunata Mizpapi tandachichij. Tucui cancunamanta Mandaj Diosta ñuca mañangapaj” nijpimi,

1 SAMUEL 7:8

Samueltaca: “Ñucanchijta filisteocunapaj maquimanta huaquichichun, ñucanchijmanta Mandaj Diosta mañanataca ama shaicushpa mañacuilla” nircacuna.