GÉNESIS 20:6 - Dios Rimashca Shimicunami

⁶ Taita Diosca, chai muscuillapitajmi cashna nirca: “Can chashna alli shunguhuan japishcataca yachanillatajmi. Chai huarmipi chayarishpa ama juchallichunca ñucami jarcarcani. Chaimi imata mana rurarcangui.

GÉNESIS 20:6 Iomraidhean Croise

GÉNESIS 20:18

Abrahampaj huarmi Sarata Abimelec paipaj huarmi cachun japishcamantami, Mandaj Diosca Abimelecpaj huarmitapish, paipajta ruraj huarmicunatapish mana huachajta rurashca carca.

GÉNESIS 26:11

Shina nishpami, Abimelecca, tucui chai pueblopi causajcunataca: –Maijanpish cai runata, mana cashpaca paipaj huarmita p'iñachijca huañungatajmi– nishpa manchachirca.

GÉNESIS 3:3

Ashtahuanpish Taita Diosca: Cancuna ama huañungapajca, huerta chaupipi tiyaj yurapi p'ucushcataca amataj micunguichij, amataj tuparinguichijllapishchu nircami– nishpami cutichirca.

GÉNESIS 31:24

Ashtahuanpish chai tutallatajmi Taita Diosca arameo Labanman muscuipi ricurishpaca: “Jacobtaca ama imata ninguichu” nirca.

GÉNESIS 31:7

Cancunapaj yayaca ñucata umashpami, paipajta rurashcamanta ñuca japina cashcataca chunga cutin shujtajyachishca. Taita Diosmari ñucata llaquichichunca mana saquihuashca.

GÉNESIS 35:5

Paicuna Bet-elman ña ricujpimi, Taita Diosca chai muyundij llajtacunapi causajcunaman jatun manchaita cujpi Jacobtapish, paihuan caj tucuicunatapish llaquichingapajca mana catishpa rircacuna.

GÉNESIS 39:9

Cai huasipica ñucata yalli tucuita ricujca, pi mana tiyanchu. Ñuca amoca tucui paipaj ima charishcacunatapish tucuitami ñuca maquipi churarca. Canllatami mana ñuca maquipi churarca. Chashna cashcamanta ñucaca maitataj jatun millaita rurashpa, Taita Diosta p'iñachishpa juchallishari– nircami.

SALMOS 51:4

Quiquintaca p'iñachishcanimari. Juchallishpaca p'iñachishcanimari. Quiquinpaj ñaupajpica millaitamari rurashcani. Chaimanta rimashpaca rimana cajllapitajmi rimashcangui. Manapish rimana cajpica mana rimashcanguichu.

SALMOS 81:12

Chashna cajpimi rumi shungu cachun saquircani. Paicuna yuyashca shina purichunmi saquircani.

SALMOS 84:11

Mandaj Taita Diosca ñucanchijta achijyachij intimari. Ñucanchijta huaquichij escudomari. Mandaj Diosca alli nishca canata, sumaj canatamari cunga. Tucuipi mana juchachipaj cajcunamanca paicunapaj cuna cashataca mana anchuchingachu.

ÉXODO 34:24

Cambaj ñaupajmanta tucui llajtapi causajcunata llujshichishpa cachashpami cambaj llajtataca ashtahuan achcayachisha. Cancuna huatapi quimsa cutin Mandaj cancunapaj Diospaj ñaupajpi ricurigrijpica, cancunapaj allpataca pi mana quichushun ningacunachu.

PROVERBIOS 21:1

Jatun mandajpaj shungutaca, Mandaj Diosmi paipaj maquipi charicun. Uchilla larcacunapi yacuta chaupij shina, pai munashcatami rurachin.

PROVERBIOS 6:29

Maijanpish shujtajpaj huarmihuan churarishpaca, chai shinamari tucun. Cusayuj huarmipi chayarishpaca, paillatajmi jatun llaquipi yaicun.

LEVÍTICO 6:2

Maijanpish shujtajta umashpa Mandaj Diosta p'iñachingachari. Maijanpish paipaj maquipi mingashcata paipaj maquipi saquishcata shujtajpajta mana tigrachingachari, mana cashpaca shujtajpajta imata shuhuangachari, imata quichungachari,

Mateo 27:19

Mandanapi tiyarishpa Pilato tapucujpimi, paipaj huarmica: “Chai cashcata ruraj runataca, ñataj imata ruranguiman. Cunan tuta muscuipica, paimantaca achca llaquitami aparcani” nishpami, huillaj cacharca.

1 Corintios 7:1

Quillcashpa ñucata tapushcamantami cutichisha nini: C'arica, huarmipi mana chayarinaca allimi canman.

2 Corintios 6:17

Chaimanta: “Paicunapaj chaupimanta llujshimuichij, ch'icanyarichij” ninmi Jatun Diosca. Shinallataj: “Ima mapata ama japirichijchu. Chashna rurajpica, cancunataca chasquishami.

2 Tesalonicenses 2:11

Chai mana llullashpa huillashcata mana uyasha nishcamantami llullata crichun, llullashpa crichijmanca llullata crichina poderyuj cachun saquinga.

2 Tesalonicenses 2:7

Pi mana ricuipaj millaica ñami millaita rurachicun. Pai ama ashtahuan millaita rurachichun jarcacuj espiritumi caipiraj.

1 SAMUEL 25:26

Cunanca ñuca amito. ¡Mandaj Diosca causajmi, canpish causacunguimi! Canta llaquichijcunata cambaj maquihuantaj yahuarta jichashpa huañuchinaman shamucujtaca Mandaj Diosmi jarcashca. Can ñuca amota p'iñashpa llaquichisha nicujcunataca, Nabalta shinallataj tucuicunata llaquichishca cachun.

1 SAMUEL 25:34

Israelcunata Mandaj Taita Diosca causajmi. Paimi ñuca llaquichichunpish mana saquin. Ñucata tupanaman can mana utca shamushca cajpica, caya tutamantapajca Nabaltapish, tucui paipaj cajcunatapish shujllatapish causaiyujta mana saquimanchu carcani– nircami.