GÉNESIS 20:5 - Dios Rimashca Shimicunami

⁵ Abrahamllatajmi: “Ñuca panimi” nirca. Sara huarmipish: “Ñuca turimi” nijpimi, paitaca ñucapaj cachun japircani. Ñuca maquihuan ima millaita mana rurashpa, alli shunguhuanmi japircani” nircami.

GÉNESIS 20:5 Iomraidhean Croise

GÉNESIS 12:13

Canmanta ñucapaj alli llujshichunca canca: Ñucapajca ñuca panilla cashcata huillangui. Chashna ñucapaj allita rurajpimi, ñucaca mana huañusha” nircami.

GÉNESIS 20:13

Ñuca yayapaj huasimanta llujshishpa caita chaita purichun, Taita Dios mandajpi llujshicushpallatajmi, ñuca huarmitaca: “Can ñucata c'uyashpa ñucapaj allita ruranapajca mai llajtaman chayashpapish, ñucataca paica ñuca turillami nipangui” nircani– nircami.

GÉNESIS 20:16

Saratapish cashnami nirca: –Cambaj turimanca, 1.000 cullquitami curcani. Chai cushcacunaca canhuan cajcunapaj ñaupajpica, canca ima mana allita mana rurashca cashcatami ricuchinga. Chaimanta cantaca pi mana juchachishpa rimangachu– nircami.

1 REYES 9:4

Canca cambaj yaya David shinallataj tucui shunguhuan ñucapajlla tucushpa, imatapish cashcata rurashpa, tucui ñuca imalla rurangui nishcacunata rurashpa, chaitataj pajtachichun nishpa ñuca mandashcata pajtachishpa, pajtachinguitaj nishca shinataj rurashpa ñuca ñaupajpi purijpica,

2 REYES 20:3

“Mandaj Dioslla, cantami rogani. Cambaj ñaupajpica mana nij tucushpalla tucui shunguhuan can munashcata rurashpa, cambaj ñaupajpi purishcata yuyarichunmi rogani” nishpami Ezequiasca yallitaj huacashpa mañarca.

1 CRÓNICAS 29:17

Ñuca Dioslla, canca ñucanchij shungupi yuyashcataca callarishpami ricucungui. Alli cajllatami munangui, chaitaca yachanimi. Chaimantami ñuca tucui shunguhuan cunata munashcamanta tucui caicunataca canman curcani. Shinallataj cunan caipi tandanacushca can agllashcacunapish mana llaquishpa, tucui shunguhuan cai tucuita canman cujta ricushpaca cushicunimi.

JOB 33:9

Ñucaca ima mapa illajmi cani, ima mana allipish ñucapica mana tiyanchu. Ima millaita ruranatapish mana yachanichu. Ñucapica ima millaipish mana tiyanchu.

SALMOS 24:4

¡Maquicunata mana mapayachij, shungutapish mana mapayachij, manapish dios cajta mana adoraj, imata huillashpapish cashcata huillajllami chaimanca yaicui tucun!

SALMOS 25:21

Quiquinpi shunguta churashcamantaca ñuca cashcata ruraj cashca imapi mana pandaj cashca ñucataca huaquichichun.

SALMOS 26:6

Ima mana allita mana rurashcapimi ñuca maquita maillani. Mandaj Dioslla chashna cashpami quiquinpaj altar muyundijpi purisha.

SALMOS 7:8

Llajtacunapi causajcuna imalla rurashcataca Mandaj Diosmi ricuchinga. Mandaj Dioslla, cashcata ñuca rurashcatapish chai shinallataj ricuchihuayari. Ima pandata ñuca mana rurashcatapish chai shinallataj ricuchihuayari.

SALMOS 7:9

Diosca cashcata ruraj cashcamanta shungutapish yuyaitapish yachajmi cangui. Millaicunapaj juchacunataca tucuchiyari. Cashcata rurajtaca sinchita shayachiyari.

SALMOS 73:13

Alli yuyarijpica, ñuca shungutaca yangallami chuyayachishcani. Ñuca maquicunata mana mapayachishcapish yangallami.

SALMOS 78:72

Davidca tucui shunguhuanmi israelcunataca tucuipi alli pusharca. Paipaj sinchi maquihuanmi michirca.

PROVERBIOS 11:3

Alli runacunataca ima pandata mana rurashpa causashcallatajmi alli ñanta pushanga. Ashtahuanpish juchata rurajcunataca, paicuna millai cashcallatajmi tucuchinga.

PROVERBIOS 20:7

Cashcata rurashpa, ima pandata mana rurajca, huahuacunatapish cushi causaipimi saquin.

DANIEL 6:22

Ñucataca Taita Diosca ima millaita mana ruraj cashcatami ricushca. Cambaj ñaupajpipish ima millaita mana rurashcanichu. Chaimantami ñuca Taita Diosca leoncuna ñucata ama micuchun paipaj angelta cachashpa leoncunapaj shimitaca huichcarca– nircami.

2 Corintios 1:12

Ñucanchijca cai pachapi Dios cushca mapa illaj, mana nij tucushcalla causaita cancunahuan causashcamantami cushicunchij: Chaica mana runacunapaj yachaimantachu, ashtahuanpish Diospaj mana c'uyaipajta c'uyaihuanmi chashna causarcanchij. Chaitaca ñucanchij ucu yuyaipimi huillacun.

1 Tesalonicenses 2:10

Huauquicuna, ñucanchijca cancunahuan ima shina jucha illajlla, cashcata rurashpa, mana juchachipaj cashcataca cancunapish yachanguichijmi, Taita Diospish yachanmi.

1 Timoteo 1:13

Ñaupaca ñucaca Diosta c'amij, catirashpa llaquichij, maipish cachun rimajmi carcani. Chaicunataca mana yachaj, mana crij cashpa, chashna ruracujpipish Diosmi ñucataca llaquirca.

JOSUÉ 22:22

–Mandaj Diosca dioscunapajpish Diosmi, paica dioscunapajpish Diosmi. Ñucanchij chai altarta imapaj rurashcatapish paimi yachan. Israelcunamanpish ñucanchij imapaj rurashcataca paimi yachaj chayachinga. Mandaj Diosta mana cazushpa chai altarta rurashca cajpi, mana cashpaca paimanta caruyangapaj chashna rurashca cajpica, pai Dios ñucanchijta huañuimanta ama quishpichichun.