GÉNESIS 20:3 - Dios Rimashca Shimicunami

³ Ashtahuanpish Taita Diosca chai tutallataj muscuipi ricurishpami Abimelectaca: “Cazarashca cusayuj huarmita cambaj huarmi cachun japishcamanta, cunanca huañugringuimi” nirca.

GÉNESIS 20:3 Iomraidhean Croise

GÉNESIS 12:17

Shina cajpipish Mandaj Diosca, Abrampaj huarmi Saraita faraón chashna apashcaca mana pai munashca cajpimi paica faraontapish, paipaj huasipi causajcunatapish jatun llaquicunahuan llaquichirca.

GÉNESIS 12:18

Chaimi faraonca Abramta cayachishpaca: “Canca ñucahuanca ¿imatataj rurashcanguichu imamí? ¿Ima nishpataj cambaj huarmi cashcataca mana huillarcangui?

GÉNESIS 20:7

Cunanca chai huarmitaca paipaj cusallamantaj tigrachi. Abrahamca ñuca ima nishcata huillaj cashcamanta can causashpa catichun ñucata mañangami. Chai huarmita mana tigrachishpaca, canpish can mandacun llajtapi causajcunapish huañunataj cashcatami yachana cangui” nirca.

GÉNESIS 28:12

Paica, pambamanta jahua pachacama shuj jatun escalera paipaj c'uchupi shayacujta, chai escalerapica Taita Diospaj angelcuna huichiyacujta uriyacujtami muscurca.

GÉNESIS 31:24

Ashtahuanpish chai tutallatajmi Taita Diosca arameo Labanman muscuipi ricurishpaca: “Jacobtaca ama imata ninguichu” nirca.

GÉNESIS 37:5

Joseca shuj muscuitami muscurca. Chaita paipaj huauquicunaman parlajpicarin, paicunaca ashtahuanmi p'iñarircacuna.

GÉNESIS 37:9

Chai q'uipapish Joseca, shujtaj muscuita muscushpami paipaj huauquicunamanca: –Ñucaca shujtaj muscuitamari muscurcani. Intitapish, lunatapish, chunga shuj luzerocunatapish ñucata cumuricujtamari muscuni– nishpami parlarca.

GÉNESIS 40:5

Egiptota jatun mandajpaj copacunata pasachijpish, tandata rurajpish prezu tiyacushpami ishquindijtaj paicunaca chai tutallataj, ch'ican ch'icanta muscurcacuna. Chai muscushcacunaca paicuna ima tucunallatataj ricuchijmi carca.

GÉNESIS 40:8

Chaimi paicunaca: –Cunan tutamari ñucanchijca shuj muscuita muscurcanchij. Chai imata nisha nishcata pi mana huillaipaj cajpimari llaquijlla canchij– nijpimi, Joseca: –Chaicuna imata nisha nishcataca Taita Diosllamari huillachin nishpami, parlaichigari– nirca.

GÉNESIS 46:2

Chai tutami Taita Diosca yaya Israelman muscuipi shina ricurishpaca: –Jacob, Jacob– nijpi paica: –Caipimi cani– nirca.

1 CRÓNICAS 16:21

Paicunata pi llaquichichunca Diosca mana saquircachu. Ashtahuanpish paicunata c'uyashcamantami, chai llajtacunata jatun mandajcunata llaquichij carca.

JOB 33:15

Runacunamanca camapi huañuita dormicujpi tuta muscuipi ricurishpami,

JOB 33:17

Chashnami runacunataca mana allita ruracushcamanta saquichin, jatun tucushca canatapish anchuchinmi.

SALMOS 105:14

Paicunata pi llaquichichunca Diosca mana saquircachu. Paicunata llaquichij jatun mandajcunataca llaquichircami.

JONÁS 3:4

Jonasca shuj punlla shinata purishpami: “Cunanmanta chuscu chunga punllapica, cai Nínive puebloca chingaringami” nishpa, caparishpa huillashpa purirca.

NÚMEROS 22:9

Chai tutami Taita Diosca Balaamman ricurishpaca: –¿Canhuan caipi cajcunaca picunataj?– nishpa tapurca.

Mateo 1:20

Pai chashna yuyacujpimi, Jatun Diospaj ángel muscuipi ricurishpaca: “Davidpaj huahua huahua José, cambaj huarmi Mariata chasquinataca ama manchaichu. Pai chichushca huahuaca, jucha illaj Espiritumantami.

Mateo 27:19

Mandanapi tiyarishpa Pilato tapucujpimi, paipaj huarmica: “Chai cashcata ruraj runataca, ñataj imata ruranguiman. Cunan tuta muscuipica, paimantaca achca llaquitami aparcani” nishpami, huillaj cacharca.