GÉNESIS 20:2 - Dios Rimashca Shimicunami

² Chaipi causacushpami Abrahamca paipaj huarmi Sarataca: “Ñuca panimi” nirca. Chaimi Gerar pueblota jatun mandaj Abimelecca Sarataca paipajman pushanaman cachashpa paipaj huarmi cachun japirca.

GÉNESIS 20:2 Iomraidhean Croise

GÉNESIS 12:15

Faraón churashca mandajcuna ricushpapish chai huarmica sumaj huarmimari nishpa Faraonman huillashpami, Sarai huarmitaca, faraón mandashpa tiyana huasiman pusharcacuna.

GÉNESIS 20:12

Paica ñuca mamamanta mana pani cashpapish, ñuca yayamantaca pani cajpimari, ñuca panimi nircani. Chaimi paitaca ñuca huarmi cachun japircani.

GÉNESIS 21:22

Chai punllacunallatajmi Abimelecca, paipaj soldadocunata mandaj Ficolndij Abrahampajman rishpaca: –Taita Dios canhuan cajpi can tucui imata rurashcapish alli cashcatami ricunchij.

GÉNESIS 26:1

Chai punllacunapica, Isaac causacun llajtapica, paipaj yaya Abraham causacui punllacunapi jatun yaricai tiyashca shinallatajmi jatun yaricai tiyarca. Chaimi Isaacca filisteocunata jatun mandaj Abimelec causacun Gerar puebloman rirca.

GÉNESIS 26:16

Abimelecca, Isaactaca: –Canca tucui ñucanchijta yalli charijmi tucushcangui. Cunanca cai ñucanchij llajtamanta llujshishpa ri– nirca.

GÉNESIS 26:7

Chaipi cajpimi, chaipi causaj gentecunaca Rebecaca cambaj huarmichu nishpa tapujpi, paica: “Ñuca panimi” nirca. Paica: “Ñuca huarmimi” nijpica chaipi causaj gentecuna Rebecamanta paita huañuchinata manchashcamantami chashna nirca. Rebecaca sumaj ñahui huarmimi carca.

2 CRÓNICAS 19:2

Pai chayajpica Hananipaj churi, Dios ricuchishcata huillaj Jehú tupanaman llujshishpami cashna nirca: “Diosta mana manchaj runatamari ayudanaman rishcangui. Mandaj Diosta p'iñajcunahuanmari apanacungui. Chashna rurashcamantaca, cunanca Mandaj Diosca canhuan p'iñarishcami.

2 CRÓNICAS 20:37

Chaimantami Maresa pueblopi causaj Dodava runapaj churi Eliezerca, Josafattaca: “Ocoziashuan can apanacushpa shuj shinalla tucushcamantaca, can rurashcacunataca Mandaj Dios tucuchigrinmi” nishpami rimarca. Pai nishca shinallataj chai jatun barcocuna p'aquirijpimi, Tarsis pueblomanca mana ri tucurcacuna.

2 CRÓNICAS 32:31

Ezequiasca, allillachu cangui nichunpish, Judá llajtapi ima shina chashna yuyana allicunata rurashcata tapushpa yachaj chayachunpishmi, Babiloniamantaca maijan huillajcunata cacharca. Taita Diosca Ezequiastaca tucuipi ayudashca cashpapish, ima shina yuyaj cashcata ricungapajmi, chaicuna shamujpica paillata saquirca.

PROVERBIOS 24:16

Cashcata ruraj runaca, canchis cutin urmachijpipish, cutin jataringallami. Ashtahuanpish Diosta mana manchajcuna jatun llaquipi huashicushpaca, ña mana jataringachu.

PROVERBIOS 29:25

Runata manchanaca tsagnarishpa urmana linchimi. Ashtahuanpish Mandaj Diosca, paipi shunguta churajtaca huaquichingami.

PROVERBIOS 6:29

Maijanpish shujtajpaj huarmihuan churarishpaca, chai shinamari tucun. Cusayuj huarmipi chayarishpaca, paillatajmi jatun llaquipi yaicun.

ECLESIASTÉS 7:20

Cai pachapica cashcata ruraj cashpapish, manataj ima juchata rurashpa, allillata rurashpa causajca, shujllapish mana tiyanchu.

Efesios 4:25

Chaimanta llullanata saquishpa, tucuicuna caishujta chaishujta ama llullanacushpa parlanacuichijchu. Tucuicunami chai cuerpopajlla miembrocuna canchij.

Colosenses 3:9

Caishuj, chaishuj ama llullanacuichijchu. Cancunapaj mauca causaitaca, rurashcacunandij anchuchishpa,