GÉNESIS 20:16 - Dios Rimashca Shimicunami

¹⁶ Saratapish cashnami nirca: –Cambaj turimanca, 1.000 cullquitami curcani. Chai cushcacunaca canhuan cajcunapaj ñaupajpica, canca ima mana allita mana rurashca cashcatami ricuchinga. Chaimanta cantaca pi mana juchachishpa rimangachu– nircami.

GÉNESIS 20:16 Iomraidhean Croise

GÉNESIS 20:17

Abrahamca Taita Diostami mañarca. Taita Diosca Abimelectaca alliyachircami. Abimelecpaj huarmitapish, paipajta ruraj huarmicunatapish huahuacunayuj tucunatami cutin rurarca.

GÉNESIS 20:5

Abrahamllatajmi: “Ñuca panimi” nirca. Sara huarmipish: “Ñuca turimi” nijpimi, paitaca ñucapaj cachun japircani. Ñuca maquihuan ima millaita mana rurashpa, alli shunguhuanmi japircani” nircami.

GÉNESIS 24:65

Abrahampajta ruraj runataca: –Chai pambata ñucanchijpajman shamucuj runaca ¿pitaj?– nijpi, Abrahampajta ruraj runaca: –Paimari ñuca amo– nijpimi, Rebecaca pai ch'ungullirina linsohuan ñahuindij ch'ungullirirca.

GÉNESIS 26:11

Shina nishpami, Abimelecca, tucui chai pueblopi causajcunataca: –Maijanpish cai runata, mana cashpaca paipaj huarmita p'iñachijca huañungatajmi– nishpa manchachirca.

PROVERBIOS 12:1

Alli yachaita munajca, yachachichun munanmi. Alli yuyaita mana charijcunaca jarcashpa yachachijpipish, p'iñarishpa mana uyancunachu.

PROVERBIOS 25:12

Uyashpa cazuj, yachaisapa runata imata jarcajca curi sarcillo shinapish, ashtahuan alli curimanta rurashca sumaj aparina shinapishmi.

PROVERBIOS 27:5

Shungullapi c'uyanapaj randica, ima jarcanataca rimashpa jarcanatajmi alli.

JONÁS 1:6

Chaita ricushpami, chai barcota purichijcunata mandajca paipajman rishpaca: –¿Ima nishpataj caipi dormicunguillari? Jatarishpa cambaj Diosta caparishpa mañai. Ima shinamanta ñucanchijta llaquishpa quishpichingapishchari– nirca.

Apocalipsis 3:19

Ñucaca, ñuca c'uyashcacunatami tucuicunata sinchita rimani, llaquichini. Chaimanta mana alli ruracushcamanta cutirishpa, ñucapajlla cana yuyailla cai.