GÉNESIS 20:11 - Dios Rimashca Shimicunami

¹¹ Chaimi Abrahamca: –Cai llajtapi causajcunaca, Taita Diostaca manataj manchancunachu. Ñuca huarmitaca paicunapaj cachun japingapaj ñucataca huañuchingacunami yuyashpami chashna nircani– nirca.

GÉNESIS 20:11 Iomraidhean Croise

GÉNESIS 12:12

Egipciocuna canta ricushpaca: Chai huarmica chai runapaj huarmimari yuyachin ningacunami. Chashna nishpaca ñucataca huañuchingami. Ashtahuanpish canhuan saquiringapaj cantaca mana huañuchingacunachu.

GÉNESIS 20:10

Abimelecca Abrahamtaca: Chashna rurashpaca ¿imatataj yuyarcanguiyari?– nircapishmi.

GÉNESIS 20:12

Paica ñuca mamamanta mana pani cashpapish, ñuca yayamantaca pani cajpimari, ñuca panimi nircani. Chaimi paitaca ñuca huarmi cachun japircani.

GÉNESIS 22:12

Chaimi angelca: –Cambaj churita llaquichingapajca ama maquita chutaichu. Imata ama ruraichu. Mandaj Diosta manchajtaj cashcataca ñami yachani. Chashna cashpami cambaj churica shujlla cajpipish mana mitsashpa chaitataj ñucaman cushcangui– nirca.

GÉNESIS 26:7

Chaipi cajpimi, chaipi causaj gentecunaca Rebecaca cambaj huarmichu nishpa tapujpi, paica: “Ñuca panimi” nirca. Paica: “Ñuca huarmimi” nijpica chaipi causaj gentecuna Rebecamanta paita huañuchinata manchashcamantami chashna nirca. Rebecaca sumaj ñahui huarmimi carca.

GÉNESIS 42:18

Quimsa punlla tucujpimi Joseca: –Ñucaca Taita Diosta manchajmi cani. Cancuna ama huañungapajca caita ruraichij:

NEHEMÍAS 5:15

Ashtahuanpish ñucapaj ñaupa mandajcunaca, chuscu chunga yalli siclo cullquita cobrashca jahuami israelcunataca micunamantapish, vinomantapish mañashpa llaquichijcuna carca. Chai jahuami paipajta rurajcunapish israelcunata yallitaj llaquichishpa mandajcuna carca. Ñucaca Taita Diosta manchaj cashcamanta mana chashna rurarcanichu.

JOB 1:1

Uz llajtapimi Job shuti runa causarca. Paica, ima pandata mana ruraj, allita ruraj, Diostapish manchaj, millaita ruranatapish p'iñajmi carca.

JOB 28:28

Chaimantaca runamanca: Alli yachaica Jatun Diosta manchanami. Alli yuyaica millaimanta anchurinami nishcami nircami.

SALMOS 14:4

Millaita rurajcunaca Mandaj Diostaca mana mañancunachu. Allita ruracushcata mana allita ruracushcataca mana yachancunachu. Ñucapaj cajcunataca tandata micuj shinami millpuncuna.

PROVERBIOS 1:7

Alli yachaj cangapaj callarica, Mandaj Diosta manchanami. Chashna cajpipish ch'ahuanyashcacunaca, alli yachaita yachachishcatapish p'iñancunami.

PROVERBIOS 16:6

Juchata ruracujtaca llaquishpa allita rurana yuyaihuanmi jarcan. Maijanpish Mandaj Diosta manchashpami, millai causaimantaca anchurin.

PROVERBIOS 2:5

Chashnamari Mandaj Diosta manchanataca yachangui. Taita Diosmanta alli yachaitapish japinguimi.

PROVERBIOS 8:13

Mandaj Diosta manchanaca tucui mana allita p'iñanamari. Quiquinlla alli cashcahuan jatun tucujcunata, millaita rurashpa purijcunata, millaita rimajcunataca p'iñanimi.

Romanos 3:18

Paicunapaj causaipica, Diostaca manataj manchancunachu” ninmi.