GÉNESIS 20:1 - Dios Rimashca Shimicunami

¹ Abrahamca pai causacushca llajtamantaca, Neguevmanmi rirca. Chaiman chayashpaca, Cades pueblohuan, Shur nishca shitashca pambahuan chaupipi caj Gerar pueblopimi pasacujlla shina causarca.

GÉNESIS 20:1 Iomraidhean Croise

GÉNESIS 10:19

Cananeocunapaj llajtaca Sidón pueblomanta callarishpaca Gerarman rina ladota catishpa Gaza pueblocama, shinallataj Sodomaman, Gomorraman, Admaman, Zeboimman rina ladota catishpaca Lasa pueblocamami carca.

GÉNESIS 12:9

Abramca chaimanta rishpaca, asha asha caipi chaipi causashpami Neguevman chayarca.

GÉNESIS 13:1

Abramca Egiptomantaca paipaj huarmindij, tucui imalla charishcacunandijmi, Neguevman huichiyarca. Lotpish paihuanmi huichiyarca.

GÉNESIS 14:7

Chaimanta tigracushpaca, En-mispat nishca Cades pueblomanmi chayarcacuna. Chai llajtapi causaj amalecitacunatapish tucuitami chingachircacuna. Hazezon-tamarpi causaj amorreocunatapish chashnallatajmi chingachircacuna.

GÉNESIS 16:1

Abrampaj huarmi Saraica mana huachajmi carca. Paica Egiptomanta caj Agar huarmitami paipajta ruraj cachun charirca.

GÉNESIS 16:14

Chaimi chai pugyutaca: “Ñucata Ricuj Causacujpaj Pugyumi” nishpa shutichirca. Chai pugyuca Cades pueblohuan Bered pueblohuan chaupipimi.

GÉNESIS 16:7

Chaipimi Mandaj Diospaj angelca, Shur shuti shitashca pamba ñanpi tiyaj pugyu c'uchupi tupashpaca:

GÉNESIS 18:1

Mandaj Diosca Abrahammanca, Mamre shuti runapaj encina yuracuna tiyanpimi ricurirca. Abrahamca chaupi punlla shinata yallitaj rupachicujpimi, paipaj carpa huasi punguman llujshishpa tiyacurca.

GÉNESIS 21:34

Abrahamca filisteocunapaj llajtapica uni huatacunatami causarca.

GÉNESIS 24:62

Isaacca, Neguevpimi causarca. Paica: “Ñucata ricuj causacuj Diospaj pugyu” shuti c'uchumantami tigracurca.

GÉNESIS 25:18

Ismaelitacunaca Havila llajtamanta callarishpaca Asiriaman rina ñanta catishpa Egipto ch'imbapurapi caj Shur llajtacamami causarcacuna. Ismaelca tucui paipaj huauquicuna ricucunpimi huañurca.

GÉNESIS 26:1

Chai punllacunapica, Isaac causacun llajtapica, paipaj yaya Abraham causacui punllacunapi jatun yaricai tiyashca shinallatajmi jatun yaricai tiyarca. Chaimi Isaacca filisteocunata jatun mandaj Abimelec causacun Gerar puebloman rirca.

GÉNESIS 26:20

Chai yacuta quichunacushpami, Gerarpi causajcunapaj michijcunahuan, Isaacpaj michijcunahuanca: “Ñucanchij yacumi” nishpa p'iñanacurcacuna. Chai pugyuta mitsanacushpa p'iñanacushcamantami Isaacca chai pugyutaca: “Esekta” shutichirca.

GÉNESIS 26:26

Shuj punllami Abimelecca Gerar pueblomanta Isaac maipi canman shamurca. Paihuanca paiman alli yuyaita cuj Ahuzatpish, paipaj soldadocunata mandaj Ficolpishmi shamurca.

GÉNESIS 26:6

Isaacca, Gerar pueblopimi causarca.

SALMOS 29:8

Mandaj Dios rimashcaca shitashca pambatami chujchuchin. Mandaj Dios rimashcaca Cades shitashca pambatami chujchuchin.

ÉXODO 15:22

Moisesca israelcunata Puca Cuchamanta pushashpa rishpaca, Shur nishca shitashca pambatami quimsa punllacunata ima yacuta mana japishpa rircallacuna.

NÚMEROS 13:26

Paicunaca Parán shuti shitashca pambapi caj Cades pueblomanmi tigrarcacuna. Chaipimi Moisespaj, Aaronpaj, tandanacushca israelcunapaj ñaupajpi chai llajta ima shina cashcata huillashpa, chai llajtapi p'ucushca granocunatapish ricuchirca.

NÚMEROS 20:16

llaquihuan cashpa Mandaj Diosta ñucanchij caparishpa mañajpi, pai uyashpa paipaj angelta cachashpa ñucanchijta Egiptomanta llujshichishcatapish allimi yachangui. Cunanca ñucanchijca cambaj llajta lindecuna c'uchullapi caj Cades pueblopimi canchij.

DEUTERONOMIO 1:19

Horeb urcumanta llujshishpaca cancuna ricushca shinallataj manchanana shitashca jatun pambatami shamurcanchij. Mandaj Dios, ñucanchij Taita Dios mandashca shinallataj amorreocunapaj urcu chaqui ñanta shamushpami Cades-barneaman chayarcanchij.

DEUTERONOMIO 32:51

Cancunaca ishquindijtajmi, Cades llajtapi cashpaca Zin nishca shitashca pambapi caj Meriba yacucuna c'uchupica ñucata p'iñachishpa tucui israelcunapaj ñaupajpi juchallircanguichij. Ñucataca jucha illaj Jatun Dios cashcata paicunaman mana ricuchircanguichijchu.

1 SAMUEL 15:7

Saulca amalecitacunataca, Havila llajtamanta callarishpaca Egiptomanta inti llujshin ladoman caj Shur llajtacamami macanacushpa huañuchirca.