GÉNESIS 2:9 - Dios Rimashca Shimicunami

⁹ Mandaj Taita Diosca chai huertapica, micunanqui tucui laya sumaj granocunata p'ucuj sumaj yuracunatami huiñachirca. Shinallataj chai huerta chaupipica causaita cuj yuratapish, ima alli cashcata, mana alli cashcata yachaj chayachij granota p'ucuj yuratapishmi huiñachirca.

GÉNESIS 2:9 Iomraidhean Croise

GÉNESIS 2:17

Ashtahuanpish huerta chaupipi tiyaj yuraca allita mana allita yachaj chayachijmi. Chai yuramantaca ama micungui. Chai yuramanta micushpaca, chai punllallatajmi huañungui” nircami.

GÉNESIS 3:22

Chaipimi Mandaj Taita Diosca: “Runaca ñucanchij shinami tucushca. Allitapish mana allitapish yachajmi tucushca. Cunanca paipaj maquita chutashpa causaita cuj yuramantapish micushpa huiñaita causaj tucuchunca mana saquinachu canchij” nirca.

GÉNESIS 3:24

Runata llujshichishpaca querubincunatami cuidachun churarca. Nina lunyashpa tucui ladoman muyucuj shuj espadatapishmi churarca. Chaicunataca causaita cuj yuraman rina ñanta pi ama yaicuchun cuidachunmi churarca. Chai huertaca Edén llajta inti llujshin ladomanmi carca.

GÉNESIS 3:3

Ashtahuanpish Taita Diosca: Cancuna ama huañungapajca, huerta chaupipi tiyaj yurapi p'ucushcataca amataj micunguichij, amataj tuparinguichijllapishchu nircami– nishpami cutichirca.

GÉNESIS 3:5

Ashtahuanpish chai yuramanta micushpaca cancunapaj ñahuicuna pascarijpi Taita Dios shina tucunata, allitapish, mana allitapish yachaj tucuna cashcatamari Taita Diosca yachan– nircami.

PROVERBIOS 11:30

Cashcata rurajcuna ima rurashcacunaca, causaita cuj yura shinami. Yachaisapa cashpamari, shujtajcunatapish alli ñanpi churancuna.

PROVERBIOS 3:18

Chai yachanaca paipi charirijcunapajca, causaita cuj yurami. Paita ña chariracujcunaca cushicunmari.

ISAÍAS 44:25

Adivinocuna imalla huillashca ama pajtachunpish ñucami yanganchini. Brujocunatapish ñucami muspachini. Yachaisapacunatapish, ñucami huashaman tigrachini. Paicuna yachashcatapish ñucami yangapi churani.

ISAÍAS 47:10

Canca millaita rurajtaca: Pi mana ricucunchu yuyashpami chai yuyailla millaita rurarcangui. Yachaj tucushca cashcahuan, alli yuyaiyuj tucushca cashcahuanca canllatajmi umaringui. Chaimantami: Ñucallami mandaj cani, pi shujtajca mana tiyanchu niringui.

EZEQUIEL 31:16

C'ulun nichishpa urmachishpami llajtacunatapish chujchuchircani. Paitaca pambana jutcuman uriyajcunandijmi, Seolmanca uriyachircani. Shinallataj Edén huertapi tiyaj agllashca yuracunapish, Líbano urcupi tiyaj tucuimanta yalli alli yuracunapish, yacu c'uchupi tarpushca yuracunapish allpa ucupi pambarijpimi cushicurcacuna.

EZEQUIEL 31:18

Can chashna sumaj cashcata, jatun cashcataca ¿Edén huertapi tiyaj maijan yurahuantaj ch'imbapurarcanguiyari? Shina cashpapish Edén huertapi tiyaj yuracunandijllatajmi, allpa ucupi shitashca cangui. C'aricuna charishca aicha mirga carata mana p'itishcacunataca, espadahuanmi huañuchircacuna. Chaicunahuanmi sirigringui. Faraonpish, tucui cai llajtapi causajcunapish chashnami tucungacuna” nircami Mandaj Jatun Diosca.

EZEQUIEL 47:12

Cai yacu ishqui lado uripipish, tucui laya frutacunata p'ucuj yuracunami huiñanga. Chai yura p'angacunaca manataj urmangachu, micunapish manataj illangachu. Diospaj huasimanta yacu llujshicushcamantami, chai yuracunaca p'ucuna punllacunami micuna frutacunata p'ucungalla, p'angacunapish jambimi canga.

Juan 6:48

Huiñai causaita cuj tandaca ñucami cani.

1 Corintios 8:1

Rurashcalla dioscunaman rupachinapaj cushca ima cashcata yachanataca tucuicunami yachanchij. Chaita yachanaca jatun tucunapajllami, ashtahuanpish c'uyaimi crijtaca sinchiyachin.

DEUTERONOMIO 6:25

Mandaj Dios ñucanchijman cushca chai tucui mandashcacunataca pai ima shina mandashca shinataj chaitataj pajtachishpallami, Mandaj Dios ñucanchij Taita Diospaj ñaupajpica alli ricurishun ninguichij.

Apocalipsis 2:7

Rinrinta charijca, tandanacushca crijcunaman Diospaj Espíritu huillashcata uyachun. Millaita mishajmanca, Diospaj paraíso chaupipi caj, causaita cuj yuramantami carasha nishpa quillcai” nircami.

Apocalipsis 22:14

Causaita cuj yuramanta japinata charingapaj, puebloman pungucunata yaicungapajpish churanacunata tajshajcunaca alli nishcacunami.

Apocalipsis 22:2

Pueblopi tiyaj jatun ñan chaupitapish, jatun yacu ishqui lado uritapish huatapi chunga ishqui cutin p'ucuj, causaita cuj yurami tiyarca. Chai yuraca quillanta quillantami p'ucurca, p'angacunapish tucui llajtacunapi causajcunata alliyachij jambimi carca.