GÉNESIS 2:8 - Dios Rimashca Shimicunami

⁸ Mandaj Taita Diosca inti llujshin ladoman caj Edén llajtapi huertata rurashpami, pai rurashca runataca chaipi churarca.

GÉNESIS 2:8 Iomraidhean Croise

GÉNESIS 13:10

Shina nijpi Lot ricushpaca Jordán yacu pambataca achca yacu regaricushcamanta Mandaj Diospaj huerta shinata, Zoar pueblo ch'imbapurapi caj Egipto llajta shina cajtami ricurca. Chai pambaca Sodoma, Gomorra pueblocunata Mandaj Dios manaraj chingachijpimi chashna carca.

GÉNESIS 3:23

Mandaj Taita Diosca, Edén llajtapi caj huertamanta llujshichishpami, paita rurashca allpallapitaj trabajashpa causachun churarca.

GÉNESIS 3:24

Runata llujshichishpaca querubincunatami cuidachun churarca. Nina lunyashpa tucui ladoman muyucuj shuj espadatapishmi churarca. Chaicunataca causaita cuj yuraman rina ñanta pi ama yaicuchun cuidachunmi churarca. Chai huertaca Edén llajta inti llujshin ladomanmi carca.

GÉNESIS 4:16

Mandaj Diospaj ñaupajmanta Caín rishpaca, Edén llajtamanta inti llujshin ladoman caj Nod llajtapimi causagrirca.

2 REYES 19:12

Ñuca ñaupa yayacunaca Gozán, Harán, Resefpi causajcunata, Edén llajtapi caj Telasarpi causajcunata llaquichicujpica, chai llajtacunapaj dioscunaca mana quishpichi tucurcacunachu.

ISAÍAS 51:3

Mandaj Diosca Siontaca cushichingami. Chaica chashnatajmi canga. Ñuturishcacunataca cushichingami. Shitashca pambataca sumaj huertatami ruranga. Mana p'ucuj allpataca Mandaj Diospaj huertatami ruranga. Chaipica cushicushpa alabana, cushicushpa cantanacunami tiyanga.

EZEQUIEL 27:23

Harán shuti, Cane shuti, Edén shuti pueblocunapi causajcunapish, Sabá shuti, Asiria shuti, Quilmad shuti llajtacunapi causajcunapishmi canhuan imatapish c'atunacungapaj, randinacungapaj ari nircacuna.

EZEQUIEL 28:13

Canca Taita Diospaj Edén huertapimi carcangui. Canca tucui laya sumaj achij nicuj rumicunahuan, cornerinacunahuan, topaciohuan, jaspehuan, crisolitohuan, berilohuan, onicehuan, zafirohuan, carbunclohuan, esmeraldahuan, curihuan rurashca sumaj churanata churarishcami carcangui. Canta rurai punllapica tamborcunapi, flautacunapi alli tocanata yachajcunapish allichirishcacunami carcacuna.

EZEQUIEL 31:16

C'ulun nichishpa urmachishpami llajtacunatapish chujchuchircani. Paitaca pambana jutcuman uriyajcunandijmi, Seolmanca uriyachircani. Shinallataj Edén huertapi tiyaj agllashca yuracunapish, Líbano urcupi tiyaj tucuimanta yalli alli yuracunapish, yacu c'uchupi tarpushca yuracunapish allpa ucupi pambarijpimi cushicurcacuna.

EZEQUIEL 31:18

Can chashna sumaj cashcata, jatun cashcataca ¿Edén huertapi tiyaj maijan yurahuantaj ch'imbapurarcanguiyari? Shina cashpapish Edén huertapi tiyaj yuracunandijllatajmi, allpa ucupi shitashca cangui. C'aricuna charishca aicha mirga carata mana p'itishcacunataca, espadahuanmi huañuchircacuna. Chaicunahuanmi sirigringui. Faraonpish, tucui cai llajtapi causajcunapish chashnami tucungacuna” nircami Mandaj Jatun Diosca.

JOEL 2:3

Paicuna manaraj chayamujpimi, ninaca tucuita rupachishpa tucuchinga. Paicuna rishca q'uipapish, ninallatajmi tucui ima tiyajta rupachinga. Paicuna chayamunapajca, cai llajtaca, Edén huerta shinami canga. Paicuna rishca q'uipaca, shitashca pamba shinami llaquinayaj saquiringa. Paicunapaj maquimantaca, pipish mana quishpiri tucungachu.