GÉNESIS 2:4 - Dios Rimashca Shimicunami

⁴ Jahua pachatapish, cai pachatapish chaipi imalla tiyajcunatapish callaripi Taita Dios rurashcacunaca chaicunami. Jahua pachata, cai pachata ña rurashca cajpipish,

GÉNESIS 2:4 Iomraidhean Croise

GÉNESIS 1:1

Jahua pachata, cai pachata callarichijca Taita Diosmi.

GÉNESIS 1:28

Taita Diosca paicunata alli cashca cachun nishpaca: “Huahuacunayuj tucushpa, alli huiñachishpa achcata mirarishpa cai pachapi jundarishpa cai pachata mandanguichij. Yacupi causaj animalcunatapish, huairapi purij alasyuj animalcunatapish, allpapi purij tucui animalcunatapish cancuna mandanguichij” nircami.

GÉNESIS 1:3

Chaitami Taita Diosca: “Achijlla tucuchun” nijpi, achijlla tucurca.

GÉNESIS 1:31

Taita Diosca pai rurashca tucui chaicunaca yallitaj sumaj alli cashcatami ricurca. Punllandij tutandijmi shuj punlla tucurca. Sujta punllapica chashnami saquirirca.

GÉNESIS 1:4

Achijllataca alli cashcata ricushpami, Taita Diosca achijllataca amsamanta ch'icanyachun nirca.

GÉNESIS 10:1

Noepaj huahua huahua callari yayacunaca: Sem, Cam, Jafet shuticunami carca. Paicunami yacu juillu tiyashca q'uipaca huahuacunata charircacuna.

GÉNESIS 11:10

Sempaj huahua huahua callari yayacunaca caicunami: Semca yacu juillu tiyashca ishqui huata q'uipa ña patsaj huatayuj cashpami, Arfaxad churita charirca.

GÉNESIS 2:3

Taita Diosca pai imalla rurana cashcata tucuchishpa canchis punllapica samarishcamantami, chai punllataca paipajlla ch'icanchishca samana punlla cachun alli nirca.

GÉNESIS 25:12

Abrahampaj caishuj churi Ismaelpaj huahua huahua callari yayacunaca caicunami: Ismaeltaca Sarapajta ruraj egipcia Agar huarmimi huacharca.

GÉNESIS 25:19

Abrahamca Isaac churitami charirca. Abrahampaj churi Isaacpaj huahua huahua callari yayacunaca caicunami:

GÉNESIS 36:1

Edom nishca Esaupaj huahua huahua callari yayacunaca caicunami:

GÉNESIS 36:9

Edom nishca Esaumanta mirarishpa Seir urcupi causajcunaca caicunami.

GÉNESIS 5:1

Adanpaj huahua huahua callari yayacunapaj shuticunata quillcashcaca caicunami: Taita Diosca runata ruracui punllaca, paiman rijchajtami rurarca.

1 REYES 18:39

Tucuicuna chaita ricushpaca pambaman tupajta cumurishpami: “¡Mandaj Diosmi Diostaj, Mandaj Diosmi Diostaj!” nircacuna.

2 CRÓNICAS 20:6

Chaipi shayarishpami cashna nirca: “Ñucanchij yayacunata Mandaj Taita Dioslla, canca jahua pachapi causaj Diosmari cangui. Canmari tucui llajtacunata mandajcunandij cambaj maquipi charicungui. Mishana fuerzaca cambaj maquipimari, canhuanca pi mana shayari tucunchu.

JOB 38:28

¿Tamyaca yayata charinchu? ¿Garhuataca pitaj huachashca canga?

JOB 38:4

¿Ñuca cai pachata ruracujpica, canca maipitaj carcangui? Can alli yuyaita charishpaca, chaita ñucaman huillahuai.

SALMOS 18:31

Mandaj Diosmanta shujtaj Diosca ¿pitaj tiyangari? Mandaj Diosllamari Diosca. ¿Pitaj rumica cangari? Ñucanchij Diosmari chai rumica.

SALMOS 86:10

Quiquinca jatunmi cangui. Mancharinacunata rurajmi cangui. Quiquinllami Taita Dios cangui.

ÉXODO 15:3

Mandaj Diosca alli macanacujmi. Paipaj shutica Mandaj Diosmi.

ÉXODO 6:16

Levipaj churicunapaj huahua huahuacunaca caicunami: Gersón, Coat, Merari shuticunami. Levica 137 huatacunatami causarca.

ISAÍAS 44:6

Israelcunata Jatun Mandajca, israelcunata quishpichijca, tucuita Mandaj Diosca cashnami nin: “Callarichijpish ñucami cani, tucurichijpish ñucami cani. Shujtaj Diosca mana tiyanchu.

Apocalipsis 1:4

Ñucaca Juanmi cani. Asia llajtapi caj canchis pueblopi tandanacushca crijcunamanmi quillcani: Diosca cunanpish, sarunpish shamunapaj cajpish paillatajmi. Paipaj jatun tiyarina ñaupajpi caj canchis espiritupaj mana c'uyaipajta c'uyashcapish sumaj causaita cushcapish cancunahuan cachun.

Apocalipsis 1:8

“Ñucami callari A, tucuri Z shina, callarichijpish, tucurichijpish cani” ninmi Jatun Diosca. Paica cunanpish, sarunpish, shamuna cajpish Tucuita Rurai Tucujpish paillatajmi.

Apocalipsis 11:17

cashnami nircacuna: “Tucuita Rurai Tucuj Mandaj Taita Dios, cantami pagui ninchij. Canllatajmi cunanpish, sarunpish, shamuna cajpish cangui. Cambaj tucuita rurai tucuj cashcahuanmi ña mandai callarishcangui.

Apocalipsis 16:5

Chai q'uipaca yacucunata mandaj ángel, cashna nicujtami uyarcani: “Jatun Dios, canca imatapish cashcata ruraj cashpami cashcata rurashpa cashna llaquichishcangui. Canca jucha illaj Diosmi cangui, cunanpish, sarunpish canllatajmi cangui.