GÉNESIS 2:3 - Dios Rimashca Shimicunami

³ Taita Diosca pai imalla rurana cashcata tucuchishpa canchis punllapica samarishcamantami, chai punllataca paipajlla ch'icanchishca samana punlla cachun alli nirca.

GÉNESIS 2:3 Iomraidhean Croise

GÉNESIS 1:31

Taita Diosca pai rurashca tucui chaicunaca yallitaj sumaj alli cashcatami ricurca. Punllandij tutandijmi shuj punlla tucurca. Sujta punllapica chashnami saquirirca.

GÉNESIS 2:2

Taita Diosca pai imalla ruranataca canchis punlla tucunapajca tucuitami tucuchirca. Tucui imalla rurana cashcata tucuchishpaca canchis punllapica samarircami.

GÉNESIS 2:4

Jahua pachatapish, cai pachatapish chaipi imalla tiyajcunatapish callaripi Taita Dios rurashcacunaca chaicunami. Jahua pachata, cai pachata ña rurashca cajpipish,

NEHEMÍAS 9:14

Samana punllatapish cambajlla ch'icanchishca cachunmi mandashcangui. Cambajta ruraj Moisesman quillcachishpami mandashcacunatapish, chaitataj pajtachichun nishcacunatapish, mandashcacunatapish cushcangui.

ÉXODO 23:12

Sujta punllacunata trabajangui. Ashtahuanpish canchis punllapica samaringui. Cambaj huagrapish, cambaj burropish, cambajta ruraj huarmipaj churipish, shujtaj llajtamanta shamujpish samarichunmi chashna rurana cangui.

ÉXODO 34:21

Sujta punllacunata trabajangui. Tarpui punllacunapipish, cozicha punllacunapipish samana punllapica samaringui.

PROVERBIOS 10:22

Mandaj Diostaj cushca allicunaca charijyachinmi. Chaica ima llaquipipish mana churanchu.

EZEQUIEL 20:12

Paicunataca ñuca Mandaj Diostaj ñucapajlla ch'icanchishcata ricuchij cachunmi, ñuca samana punllacunataca curcani. Chai punllaca ñucapajpish, paicunapajpish yuyarinami tucurca.

LEVÍTICO 23:3

Sujta punllacunata trabajanguichij. Canchis punllapica samaringuichij. Chaipica tucuita cayashpa Diospajlla tandanacuimi canga. Chai punllapica sinchi trabajocunataca imata ama ruranguichij. Chai punllacunapica cancuna maipi causajpipish Mandaj Diospajlla ch'icanchishca samana punllami canga.

Marcos 2:27

Jesusca cashnapishmi nirca: –Samana punllataca runapaj allipajmi rurarca, runataca mana samana punllapaj allipajchu rurarca.

Lucas 23:56

Paicuna tigrashpaca, mishquijllata ashnacujcunatapish, llihuina jambicunatapishmi allichircacuna. Mandashcapi nishca shinallatajmi, samana punllapica samarircacuna.