GÉNESIS 2:25 - Dios Rimashca Shimicunami

²⁵ Adanpish paipaj huarmipish ishquindijtajmi lluchulla carcacuna. Ashtahuanpish mana pinganachircacunachu.

GÉNESIS 2:25 Iomraidhean Croise

GÉNESIS 3:7

Ña micujpica, ishquindijpajtaj ñahuicuna pascarijpimi, paicunaca lluchulla cashcata yacharcacuna. Chaimi higo yura p'angacunata japishpa sirashpa ñaupaj ladota taparircacuna.

SALMOS 25:3

Quiquinpi shunguta churajca pi mana musparingachu. Quiquinta yangamanta c'ariyajllami pingachishca canga.

SALMOS 31:17

Mandaj Dioslla, ñucaca quiquinta mañashpa causajmi cani. Ñuca pingai tucuchun ama saquihuaichu. Quiquinta mana rijsijcunataca pingachishca cachun. Seolman shitashca cachun.

ÉXODO 32:25

Israelcunataca yallitaj cacharishcacuna cajta ricushpa, paicunata p'iñajcunapi pingai tucungapajllataj Aaronpish israelcuna mañashcata rurashcata ricushpami,

ISAÍAS 44:9

Imamanpish rijchaj rurashcalla dioscunata labrashpa rurajcunaca ima cashcatapish mana yachajcunami. Paicuna sumajta rurashca dioscunaca imapaj mana valinchu. Rurajcunallataj musparinapajllami. Rurashcalla dioscunaca mana ricuj cashcata mana entendij cashcataca rurajcunallatajmi alli yachan.

ISAÍAS 47:3

Cambaj pinganayaj aicha lluchulla tucujpi, shujtajcuna ricujpi pingaimi tucungui. Cancuna ima shinami millaita rurarcanguichij chai shinallatajmi rurasha. Chaimantaca pi mana quishpiri tucungachu ninmi.

ISAÍAS 54:4

Ama manchaichu, mana muspachishca canguichu. Ama pingarichu ña mana ashtahuan pi pingaichingachu. Can chairaj cashpa pingai tucushcatapish cungaringuimi. Viuda cajpi canta pingaichishcataca ña mana ashtahuan yuyaringuichu.

JEREMÍAS 17:13

Mandaj Dioslla, canmari israelcuna shunguta churana Dios cangui. Canta saquijcunaca tucuicunami pingai tucungacuna. Can Mandaj Diosca causaita cuj yacu llujshicuj pugyumari cangui. Canmanta anchurijcunaca ñutu allpapi quillcashca shinallami chingaringacuna.

JEREMÍAS 6:15

Millananacunata rurashcamantaca ¿pingarincunachu imatagari? Mana yangamanta nicunichu, paicunaca manataj pingancunachu. Ima shina pingarinatapish mana yachancunachu. Chaimantami ñuca llaquichijpica, caishujcuna shinallataj llaquipi urmangacuna” ninmi Mandaj Diosca.

EZEQUIEL 16:61

Can ima shinalla causashcata yuyarishpaca, pingaringuimi. Mana canlla ari nishcamantachu cambaj ñaupa ñañacunatapish, q'uipa ñañacunatapish cambaj ushushicuna shina cachun canmanca cusha.

JOEL 2:26

Cancunaca chai granocunataca mana nijtami micunguichij. Cancunaman achca allicunata cuj, Mandaj Taita Dios ñucatami: Sumajmari cangui ninguichij. Cunanmantapacha ñuca agllashcacunaca, ña mana cutin pingachishca canguichijchu.

Marcos 8:38

Cunan cai punllacunapi causaj huainayaj millaicunapaj ñaupajpi, ñucamanta, ñuca yachachishcacunamantapish maijan pingarijtaca Runa Aichayuj ñucaca jucha illaj angelcunandij, ñuca Yayapaj achij nicuj sumaj cashcahuan shamushpaca, paimantapish pingarishami– nircami.

Lucas 9:26

Ñucamanta, ñuca yachachishcacunamantapish maijan pingarijtaca, Runa Aichayuj ñucaca jucha illaj angelcunandij, ñuca Yayapaj achij nicuj sumaj cashcahuan shamushpaca, paimantapish pingarishami.

Romanos 10:11

Quillcachishcapica: “Maijanpish paipi crijtaca, mana pingachishcachu canga” ninmi.