GÉNESIS 19:4 - Dios Rimashca Shimicunami

⁴ Ashtahuanpish paicuna manaraj dormij siririjpimi, chai pueblopi causaj tucui c'aricunaca huambracunamanta callarishpa yuyajcunacama, Lotpaj huasi muyundijta shayarircacuna. Paicunaca c'aricunapurallataj chayarinacujcunami carca.

GÉNESIS 19:4 Iomraidhean Croise

GÉNESIS 13:13

Sodomapi causajcunaca mana allita rurajcuna cashcamanta yallitaj millaillata rurashpa Mandaj Diosta p'iñachijcunami carca.

GÉNESIS 18:20

Chaipimi Mandaj Diosca Abrahammanca: –Sodoma, Gomorra pueblopi causajcuna yallitaj millaita rurashcacunataca ashtahuan ashtahuanmi caparishpa huillacun. Paicunaca yallitaj jatun millaitami rurashcacuna.

ÉXODO 16:2

Chai shitashca pambapimi tandanacushca tucui israelcunaca Moisestapish, Aarontapish juchachishpa rimarcacuna.

ÉXODO 23:2

Millaita rurajcuna achcacuna cashcallamanta ama canpish paicunahuan shuj yuyailla tucungui. Achcacuna llullacushcallamanta paicunahuan tucushpa llullashpa huillashpa ama llaquipi churangui.

PROVERBIOS 4:16

Paicunaca ima millaita mana rurashpaca, mana dormincunachu. Pita mana urmachishpaca, dormitapish mana japincunachu.

PROVERBIOS 6:18

millaita rurana yuyailla purijta, millaita ruranaman callpajta,

JEREMÍAS 5:31

Huillajcunapish, llullashpallami huillancuna. Curacunapish, paicuna munashca shinami yachachincuna. Ñuca agllashcacunapish chaitamari munancuna. Chashna cashcamantaca, llaqui chayamui punllaca ¿imatataj ruranguichigari?” ninmi.

MIQUEAS 7:3

Millaita rurashpa pajtachingapajmi, jatun mandajca imatapish cuchun mañan. Juezpish camarita japishpallami allichij tucun. Mandajpish pai munashcatami rimarin. Chaimantaca chaitatajmi rurancuna.

Romanos 3:15

Paicunapaj chaquicunaca, yahuarta jichanamanca utcami callpancuna.

JUECES 19:22

Paicuna cushicushpa tiyacujpimi, chai pueblopi causaj millai tauca runacuna shamushpa chai yuyaj runapaj huasi muyundijta shayarircacuna. Chaipica pungupi huajtashpami, huasiyuj yuyaj runataca: –Cambaj huasiman yaicuj runata llujshichi ñucanchij paihuan siriringapaj– nijpimi,