GÉNESIS 19:3 - Dios Rimashca Shimicunami

³ Shina nijpipish Lotca paicunata jacupaichij nicujllapimi, paicunaca Lotpaj huasiman rircacuna. Chaipica sumaj micuita rurashpa, levadura illajlla tandata cusashpa carajpimi micurcacuna.

GÉNESIS 19:3 Iomraidhean Croise

GÉNESIS 19:2

cashna nirca: –Ñuca amitocunalla, cunan tutaca cancunapajta rurajpaj huasiman shamushpa chaipi samarichunmi rogapani. Cancunapaj chaquicunatapish chaipi maillanguichijllami. Cayaca utcata jatarishpa, cancuna maiman ricushca ñanllatataj ringuichijllami– nirca. Shina nijpimi paicunaca: –Chaitaca mana rurai tucunchijchu. Cunan tutaca, cai ñanllapimi pacarishun– nirca.

GÉNESIS 21:8

Huahua Isaac huiñajpica, chuchucushcamanta raquircami. Isaacta chuchumanta raqui punllami Abrahamca sumaj micuita rurarca.

GÉNESIS 24:31

cashnami nirca: –Mandaj Dios alli nishca runa jacupai. ¿Maitataj caipica pacaringuiyari? Cancuna samarina huasitapish, camellocunata maipi churanatapish ñamari allichimuni– nirca.

GÉNESIS 26:30

Chaipimi Isaacca sumaj micuita rurashpa paicunahuan micurca ubyarca.

2 REYES 4:8

Shuj punlla Eliseo Sunem pueblota pasacujpica, tucuicuna rijsishca alli nishca shuj huarmimi Eliseotaca micushpa ripai nicushpalla, paipaj huasiman yaicuchirca. Eliseo chai pueblota pasacushpaca chai huarmipaj huasipi micushpami purij carca.

ÉXODO 12:15

Canchis punllacunapica levadura illajlla tandatami micuna canguichij. Chai punllacunapica punta punllamanta pacha tucuri punllacama cancunapaj huasicunamantaca levaduracunata anchuchinguichij. Maijanpish chai canchis punllacunapi maijan punllapi levadurayuj tandata micujca, israelcunapuramanta anchuchishcami canga.

ÉXODO 12:39

Israelcunaca Egiptopi tandata ruracushpa levadurata manaraj churashca masata apashpa llujshishcallatami tortillata rurashpa cusashpa micurcacuna. Egipciocuna utca llujshichij nicujpimi israelcunaca paicunapaj micunata allichinataca mana pajtarishca carcacuna.

Lucas 11:8

Chashna nicushpapish ama ashtahuan p'iñachichun jatarishpa tucui imalla mañashcata cunmanmi. Mana paihuan apanacuj cashcamantachu chashna ruranman. Ashtahuanpish mana saquirishpa mañacujllapimi chashna ruranman.

Lucas 14:23

amoca paipajta rurajtaca: “Mai ñancunata ricujcunata, pata huashata puricujcunata pushamushpa ñuca huasipi jundachun yaicuchimugri” nirca.

Lucas 5:29

Levica paipaj huasipi Jesusta chasquishpami jatun micuita rurarca. Chaipica, tributota japij achcacunapish, shujtajcunapishmi paicunahuan mezapi micucurcacuna.

Juan 12:2

Jesús chaiman rijpica sumaj micuitami rurarcacuna. Martaca caracurcami. Jesushuan mezapi micucujcunapurapica, shujca Lazaromi carca.

1 Corintios 5:8

Chashna cashcamanta fiestataca, ama ismushca levadurahuan, ama millai yuyaihuan, ama ima mapa levadurahuan rurashunchij. Ashtahuanpish levadura illajlla tandahuan, mana nij tucushpalla, chuya shunguhuan rurashunchij.

2 Corintios 5:14

Shujllami tucuicunamanta huañurca, tucuicunami paipi huañurcacuna. Chaimantami Cristopaj c'uyaica ñucanchijtaca chaita huillachicun.

Hebreos 13:2

Cancunaca puzachinataca, amataj cungaringuichijchu. Chashna puzachijcuna cashcamantami maijancunaca pi cashcata mana yachashpapish angelcunata puzachircacuna.

JUECES 6:19

Gedeonca chaimanta rishpami, shuj malta chivota huañuchishpa, sumajta allichirca. Shuj efa cutahuanca levadura illajlla tandatami rurarca. Aichaitaca shuj canastapi churashpa, caldotaca shuj mangapi churashpami, encena yura ucuman apashpa Diospaj angelman curca.

1 SAMUEL 28:24

Chai huarmica, paipaj huasipica huirayachishca shuj bizitami charirca. Chai bizitami huañuchirca. Cutata japishpa masashpami levadura illajlla tandata rurashpa cusarca.