GÉNESIS 19:16 - Dios Rimashca Shimicunami

¹⁶ Shina nijpipish, Lotca mana utca llujshircachu. Mandaj Dios Lotta llaquishpa chai pueblomanta llujshichinaman cachashcamantami chai angelcunaca Lottapish, paipaj huarmitapish, ishqui ushushicunatapish maquimanta aisashpa chai pueblomanta llujshichishpa canllaman churarca.

GÉNESIS 19:16 Iomraidhean Croise

GÉNESIS 19:15

Ñalla pacarigrijpimi, chai angelcunaca Lottaca: –Jatari, cai pueblopi causajcunata llaquichijpi paicunahuan ama chingaringapajca cambaj huarmitapish, cambaj ishqui ushushicunatapish pushashpa utca ri– nircacuna.

GÉNESIS 43:10

Mana uniyashpa utca tigrashca cashpaca, ñami ishqui cutinpish randishpa tigramunchijman carca– nircami.

1 CRÓNICAS 16:34

Mandaj Diosta mañaichij, paica allimari. Paipaj c'uyaica huiñaipajmi.

SALMOS 103:13

Yaya paipaj huahuacunata ima shina llaquij shinallatajmi, Mandaj Diospish paita manchajcunataca llaquin.

SALMOS 106:1

¡Taita Diosllata alabashunchigari! Mandaj Diostaca alabaichigari. Paica allimari. Paipaj llaquij canaca huiñaipajmari.

SALMOS 106:8

Shina cajpipish paica paipaj shutita c'uyashcamantami paicunataca quishpichirca. Pai tucuita rurai tucuj cashcata tucuicunaman ricuchingapajmi quishpichirca.

SALMOS 107:1

Mandaj Diosta alabaichij. Paica allimari. Pai llaquij canaca huiñaipajmari.

SALMOS 111:4

Mandaj Diosca mana cungaripaj mancharinacunatamari rurashca. Mandaj Diosca llaquijmari, c'uyajmari.

SALMOS 118:1

Mandaj Diosta alabaichigari. Paica allimari. Pai llaquij canaca huiñaipajmari.

SALMOS 119:60

Quiquin mandashcacunataca utcami pajtachircani, mana uniyarcanichu.

SALMOS 136:1

Mandaj Diostaca alabaichigari, paica allimari. Pai llaquij canaca huiñaipajmari.

SALMOS 32:10

Mandaj Diosta mana manchajcunapajca achca nanaimi tiyanga. Mandaj Diospi shunguta churajcunapajca, Taita Diospaj llaquishcahuan muyunchishcami canga.

SALMOS 33:18

Mandaj Diosca paita manchajcunamantaca paipaj ñahuitaca mana anchuchinchu. Paipaj llaquij cashcapi shunguta churajcunamantaca paipaj ñahuitaca mana anchuchinchu.

SALMOS 33:19

Huañunallapi cajpipish quishpichingapajmi ricuracun. Yaricai punllacunapi huañucujpipish causaita cungapajmi ricuracun.

SALMOS 34:12

¿Unita causasha ninguichu? ¿Cambaj causaipi cushicusha ninguichu?

SALMOS 86:15

Ashtahuanpish quiquin Jatun Diosca llaquij, cashcata ruraj, mana utca p'iñarij, yallitaj llaquij, mana llullaj Taita Diosmari cangui.

SALMOS 86:5

Jatun Dios quiquinca allimari cangui, perdonajmari cangui. Quiquinta mañajcunataca tucuicunata jatunta llaquijmari cangui.

ÉXODO 34:6

Mandaj Diosca Moisespaj ñaupajta pasacushpaca cashnami nirca: –Mandaj Dios, Mandaj Dios. Tucuita rurai tucuj Dios, llaquij, c'uyaj shungu, mana utca p'iñarij, yallitaj llaquij, mana llullaj Diosmi cani.

ÉXODO 34:7

Huaranga huaranga huahua huahuacunacama llaquicujllami cani. Millaita rurashcata, c'ariyashcata, juchallishcata perdonajmi cani. Yallitaj millaitaca imata mana rurashcata shinaca manataj saquishachu. Ashtahuanpish paicunapaj yaya mamamantaca quimsa huahua huahuacunacama, mana cashpaca chuscu huahua huahuacunacamami llaquichisha– nircami.

ISAÍAS 63:9

Paicunapaj tucui llaquicunapica, chai llaquicunataca paimi aparca. Paipaj ñaupajpi caj angelhuanmi quishpichirca. Pai c'uyashpa, pai llaquishpami quishpichirca. Ñaupa punllacunapi apamuj cashca shinallatajmi jatarichishpa paipaj rigrapi apamurca.

LAMENTACIONES 3:22

Mandaj Dios llaquijllapimari, ñucanchijca mana tucuicuna chingarishcanchij. Ñucanchijta llaquinataca manataj saquishcachu.

NÚMEROS 14:18

Yayacunapaj juchamantaca churicunatami quimsa huahua huahuacunacama, chuscu huahua huahuacunacama llaquichini. Juchayujtaca mana juchayujta shinaca manataj saquinichu. Chashna cashpapish Mandaj Dios ñucaca mana utca p'iñarij, yallitaj jatunta c'uyaj cashcamantaca millaita rurashcatapish, c'ariyashcatapish perdonajmi cani nircanguimi.

Lucas 18:13

Ashtahuanpish impuestota japijca caruman shayarishpa, mana huichilla ricushpallapish shungupi huajtarishpami: “Taita Dioslla, ñucata llaquihuayari, juchasapamari cani” nirirca.

Juan 6:44

Ñucata cachaj Yaya mana pushamujpica, ñucapajmanca pi mana shamui tucunchu. Paicunataca tucuri punllapica causachishami.

Romanos 9:18

Chashna cashpami Diosca, maijanta llaquisha nishcataca llaquin, maijanpaj shunguta sinchiyachisha nishpaca sinchiyachin.

2 Corintios 1:3

Ñucanchijta Mandaj Jesucristopaj Dios Yayataca, alli nishca cachun. Paica llaquij Yayami, tucuipi cushichij Diosmi.

DEUTERONOMIO 4:31

Mandaj Dios cancunapaj Taita Diosca llaquij Taita Diosmi. Paica mana saquingachu, mana chingachingachu. Cancunapaj ñaupa yayacunahuan ari ninacushcatapish manataj cungaringachu.

DEUTERONOMIO 5:15

Egiptopi cashpa cancunapish huatashca shina ruraj cashcata yuyaringuichij. Mandaj Dios cancunapaj Taita Diosca paipaj tucuita rurai tucuj maquihuan, paipaj rigrata chutashpami chaimanta llujshichimurca. Chaimantami Mandaj Dios cancunapaj Taita Diosca samana punllata huaquichichun mandarca.

DEUTERONOMIO 6:21

paicunamanca: Ñucanchijca Egiptopimari faraonpajta rurashpa causajcuna carcanchij. Mandaj Diosmari ñucanchijtaca, tucuita rurai tucuj paipaj maquihuan llujshichimurca.

DEUTERONOMIO 7:8

Ashtahuanpish Mandaj Diosca cancunata c'uyashcamanta, cancunapaj ñaupa yayacunahuan ari nishcata pajtachisha nishpallami Egiptota jatun mandaj Faraonpajta huatashca shina ruracujmantaca paipaj tucuita rurai tucuj maquihuan llujshichimurca.

Tito 3:5

ñucanchijtaca quishpichirca. Mana ñucanchij ima allicunata rurashcamantachu quishpichirca. Ashtahuanpish ñucanchijta pai llaquishcamantami, paipaj Jucha illaj Espirituhuan maillashpa cutin huacharishcata rurashpa mushujyachirca.

JOSUÉ 6:22

Josueca chai pueblota purij shinalla ricushpa tigranaman ñaupaman shamuj runacunataca: “Cancunata ama huañuchichun pacaj huainayashcahuan causaj huarmipaj huasiman richij. Cancuna ari nishca shinallataj chai huarmipaj huasi ucupuracunataca paipaj huasimanta llujshichigrichij” nirca.

2 Pedro 2:7

Chashna ruracushpapish cashcata ruraj Lottaca Diosmi chai llaquimantaca quishpichishca. Lotca millaita rurajcunata ricushpaca achcatami llaquirij cashca.

2 Pedro 2:9

Tucui chaicunata rurashpaca, Jatun Diosca pai yuyailla cajcunataca llaquimanta quishpichij cashcata, shinallataj millaita rurajcunataca jatun llaquiman cachanapaj chai punllacama ch'icanchishpa charicuj cashcatami ricuchin.