GÉNESIS 19:11 - Dios Rimashca Shimicunami

¹¹ Ashtahuanpish canllaman caj c'aricunataca huambracunatapish, yuyajcunatapish ñahui mana ricujcunatami rurarca. Chaimantami paicunaca pungu maipi cashcata mashcacushpalla shaicurcacuna.

GÉNESIS 19:11 Iomraidhean Croise

GÉNESIS 19:12

Chai q'uipami Lotpaj huasipi puzacujcunaca: –Cambaj quiquin huasi ucupuracunaca ¿caipica ashtahuan tiyanchu? Cai pueblomantaca cambaj yernocunatapish, churicunatapish, ushushicunatapish, can imalla charishcacunatapish llujshichi.

2 REYES 6:18

Siriocuna paipajman uriyamujpica, Eliseoca Mandaj Diostaca: “Cai runacunataca ñahui mana ricujta rurapai” nishpami mañarca. Mandaj Diosca Eliseo mañashca shinallatajmi, ñahui mana ricujta rurarca.

ECLESIASTÉS 10:15

Rumi shungu runacunaca, mana samarishpa trabajacunllami. Puebloman rina ñanllatapish mana rijsinchu.

ISAÍAS 57:10

Cambaj achca ñancunapimi shaicurcangui. Ashtahuanpish: “Mana allitamari ruracuni” ninallatapish mana nircanguichu. Chaipaj randica, ashtahuan fuerzata japishpami, mana rurashachu ninapaj randica ashtahuan rurashpa catircangui.

JEREMÍAS 2:36

Canta ayudachun pita mashcashpa, ama caiman chaiman callpaichu. Cantaca Asiria llajtata jatun mandaj umashpa pingachishca shinallatajmi, Egiptota jatun mandajpish pingachinga.

Hechos 13:11

Cunanca Jatun Dios paipaj tucuita rurai tucuj maquihuan llaquichijpi asha punllacama mana ricujmi saquiringui. Intitapish mana ricunguichu– nircami. Chashna nincami chai yumboca ñahui mana ricujpi amsapi saquirirca. Chaimi maijanpish pushachun nishpa paipaj muyundijta mashcarca.