GÉNESIS 18:8 - Dios Rimashca Shimicunami

⁸ Abrahamca mantequillatapish, lechetapish, bizi aichata yanushcatapish apashpami chai runacunaman cararca. Chai runacunaman carashpaca, Abrahampish chai yura ucullapitajmi saquirirca.

GÉNESIS 18:8 Iomraidhean Croise

GÉNESIS 18:7

Chai q'uipaca Abrahamca vacacunapajman callpashpa rishpami, tucuimanta yalli huira bizita apamurca. Chaitaca paipajta rurajcunapuramanta shujman cujpimi utca huañuchishpa aichata allichirca.

GÉNESIS 18:9

Chai q'uipaca: –¿Cambaj huarmi Saraca maipitaj?– nishpa tapujpimi Abrahamca: –Cai carpa huasi ucupimi– nirca.

GÉNESIS 19:3

Shina nijpipish Lotca paicunata jacupaichij nicujllapimi, paicunaca Lotpaj huasiman rircacuna. Chaipica sumaj micuita rurashpa, levadura illajlla tandata cusashpa carajpimi micurcacuna.

NEHEMÍAS 12:44

Chai punllallapitajmi, Judá llajtapi causajcunaca Diospajta ruraj curacunahuanpish, levitacunahuanpish jatunta cushicurcacuna. Shinallataj paicunapaj micuna tiyachunca, pueblocuna muyundij chagracunapi punta p'ucushca granocunata, chungamanta shujta cushcacunatapish, cullquitapish Dios mandashca shinallataj Diospaj huasipi caj huaquichina ucucunaman apamurcacuna. Shinallataj chai cushcacunata huaquichichunpish maijancunatami agllarcacuna. Curacunapajpish, levitacunapajpish micunaca pajtami tiyarca.

ISAÍAS 7:15

Chai huahuaca ima alli cajta, ima mana alli cajta yachangacamaca mantequillata, sacha chuspipaj mishquillatami micunga.

ISAÍAS 7:22

Chaipica yallitaj achca leche tiyajpimi, mantequillallata micungacuna. Chai llajtapi saquirijcunaca mantequillata, sacha chuspipaj mishquitami micungacuna. Chashnatajmi canga.

Lucas 12:37

Amo shamunapaj mana dormishpa chaparacuj servijcunaca cushichishcami canga. Chai amo shamushpaca chumbillirishpami mezapi tiyachishpa paicunaman caranga. Chashnatajmi canga.

Lucas 17:8

Ashtahuanpish: “Churanata utca cambiarishpa micunata yanushpa ñuca imalla micuna cashcata ñucamanraj carai. Chai q'uipa canca micungui, ubyanguillami” ninguichijmi.

Lucas 24:30

Micungapaj ña tiyarishpaca, tandata japishpa Taita Diosta pagui nishpami, chaupishpa paicunaman curca.

Lucas 24:43

Chaita japishpaca, paicunapaj ñaupajpimi micurca.

Juan 12:2

Jesús chaiman rijpica sumaj micuitami rurarcacuna. Martaca caracurcami. Jesushuan mezapi micucujcunapurapica, shujca Lazaromi carca.

Hechos 10:41

Mana tucuicunaman ricurircachu. Tucui imallata ricushcata huillachun Taita Dios ñaupaman agllashca ñucanchijllamanmi ricurirca. Huañushcacunapaj chaupimanta causarishca q'uipaca, ñucanchijca paihuanmi micurcanchij, ubyarcanchij.

Gálatas 5:13

Cancunaca huauquicuna, ama huatashca cachun Dios agllashcacunami canguichij. Cacharichishcami canchij nishpaca, ñataj aicha munaita ruranguichijman. Ashtahuanpish c'uyaimantaca, caishujpaj chaishujpaj allita ruraichij.

DEUTERONOMIO 32:14

Vacapaj mantequillata, ovejacunapaj lechetami cararca. Malta ovejacunapaj huirata, Basán carnerocunapaj, chivocunapaj aichatami cararca. Ashtahuan alli trigotami cararca. Uvapaj yahuarta capishca vinotami ubyarchirca.

Apocalipsis 3:20

Riqui ñucaca pungupimi huasiyuj nishpa shayacuni. Maijanpish ñuca rimashcata uyashpa, punguta pascajpica, paipajman yaicushami, paihuan micushami, paipish ñucahuan micungami.

JUECES 13:15

Chaimi Manoaca, Mandaj Diospaj angeltaca: –Ñucanchij shuj malta chivota huañuchishpa micunata allichingacama shuyapai– nirca.

JUECES 5:25

Sísara runaca yacutami mañarca, Jael huarmica lechetami curca. Alli nishcacunaman carana tasapimi lecheta curca.