GÉNESIS 18:7 - Dios Rimashca Shimicunami

⁷ Chai q'uipaca Abrahamca vacacunapajman callpashpa rishpami, tucuimanta yalli huira bizita apamurca. Chaitaca paipajta rurajcunapuramanta shujman cujpimi utca huañuchishpa aichata allichirca.

GÉNESIS 18:7 Iomraidhean Croise

GÉNESIS 18:6

Chaimi Abrahamca, carpa huasiman rishcahuan paipaj huarmi Sarataca: –Chuscu chunga libra ashtahuan alli cutata japishpa, utcashpa tandata rurashpa cusai– nirca.

GÉNESIS 18:8

Abrahamca mantequillatapish, lechetapish, bizi aichata yanushcatapish apashpami chai runacunaman cararca. Chai runacunaman carashpaca, Abrahampish chai yura ucullapitajmi saquirirca.

GÉNESIS 19:3

Shina nijpipish Lotca paicunata jacupaichij nicujllapimi, paicunaca Lotpaj huasiman rircacuna. Chaipica sumaj micuita rurashpa, levadura illajlla tandata cusashpa carajpimi micurcacuna.

AMÓS 6:4

Cancunaca marfilhuan rurashca camacunapimi dorminguichij. Chashna sumaj camapi chutajllata siririshpami samaringuichij. Cancunaca canlla ovejamanta huira malta c'ari ovejacunatapish, ashtahuan huira huagracunatapishmi huañuchishpa micunguichij.

MALAQUÍAS 1:14

Maijanpish c'ari animalcunata canllata charishca jahua cusha nishpapish, mana alli animaltaraj ñucaman cushpa huañuchishpa umashcamantaca, paipaj jahuallatajmi canga. Ñucaca, jatun mandajcunatapish yalli Jatun Mandajmi cani. Ñucaca, tucui llajtacunapi causajcuna manchanami cani” ninmi tucuita Mandaj Diosca.

Mateo 22:4

Mana shamushun nijpimi, jatun mandajca paipajta ruraj shujtajcunata, cashna nishpa cutin cacharca. Cayashcacunamanca cashna nigrichij: “Micuicunataca ñami allichishca. Huagracunatapish, huira animalcunatapish ñami huañuchichini. Tucuimi ña allichishca, bodaman shamuichij nishpa pushamugrichij” nircami.

Lucas 15:23

Jatun fiestata rurashpa micungapaj huirayashca bizita pushamushpa huañuchichij.

Lucas 15:27

Chaimi paipajta rurajca: “Cambaj huauquimari tigramushca. Mana ungushca alli tigramushcamantami cambaj yayaca, huirayashca bizita huañuchichishpa fiestata ruracun” nirca.

Lucas 15:30

Ashtahuanpish cambaj cai churica, tucui can cushcacunataca huainayashpa causaj huarmicunahuanmi tucuchimushca. Chashna rurajpirajmari paihuan cushicungapajca huirayashca bizita huañuchichishcangui” nircami.

1 SAMUEL 28:24

Chai huarmica, paipaj huasipica huirayachishca shuj bizitami charirca. Chai bizitami huañuchirca. Cutata japishpa masashpami levadura illajlla tandata rurashpa cusarca.