GÉNESIS 18:11 - Dios Rimashca Shimicunami

¹¹ Abrahampish, Sarapish yallitaj yuyajcunami carca. Chaimi huarmicuna unguna quilla ungüitaca Saraca ña mana ungucurca.

GÉNESIS 18:11 Iomraidhean Croise

GÉNESIS 17:17

Chaimi Abrahamca pambaman tupajta cumurishpa paipaj shungupi asishpa: “Ña patsaj huatayuj yuyaj runaca ¿maitataj huahuayuj tucungari? Sarapish iscun chunga huatayuj huarmica ¿chichungachari?” nirca.

GÉNESIS 17:24

Abrahamca pai charishca aicha mirga carata p'itinapajca iscun chunga iscun huatayujmi carca.

GÉNESIS 21:7

Abrahamtaca pitaj Saraca huahuayuj tucushpa huahuata chuchuchingamari ninman carcari. Pai ña yuyaj cajpipish paipaj shuj huahuatamari huachani” nircami.

GÉNESIS 24:1

Abrahamca achca huatacunayuj, yallitaj yuyajmi carca. Mandaj Diosca Abrahamtaca tucuipimi bendiciarca.

GÉNESIS 24:36

Ñuca amopaj huarmi Saraca yuyaj pachapimi, ñuca amopajtaca shuj c'ari huahuata huacharca. Ñuca amoca pai tucui imalla charishcacunatami chai churiman curca.

GÉNESIS 31:35

Raquelca paipaj yayataca: –Ñuca amito, ñucaca quilla ungüihuan cashpami, caimantaca mana jatari tucuni. Ama p'iñaripangui– nircami. Chaimi Labanca tucuipi callarishpa mashcashpapish, rurashcalla paipaj dioscunataca maipi mana japirca.

LEVÍTICO 15:19

Quillapi uriyana yahuar maijan huarmipi uriyacujpica, chai huarmica canchis punllacamami pailla canga. Maijanpish chai huarmipi tuparijca, tutayangacama mapami saquiringa.

Lucas 1:18

Chaimi Zacariasca angeltaca: –Ñucapish ñuca huarmipish ñamari yuyajcuna canchij. ¿Ima shinataj can huillashca pajtanataca yachashari?– nirca.

Lucas 1:36

Riqui, cambaj familia Elisabetpish mana huachaj nishca cashpapish, yuyaj cashpapish ñamari sujta quillata c'ari huahuata chichu.

Lucas 1:7

Elisabet mana huachaj cashcamantami paicunaca huahua illajcuna carca. Ishquindijtaj ña yuyajcunapishmi carca.

Hebreos 11:19

Huañushcacunapaj chaupimantapish Diosca causachingapaj poderyujmi nishpami, Abrahamca paipaj churitaca curca. Chaimantami paipaj churitaca cutin causachishca shinatami chasquirca ni tucunchij.

JOSUÉ 13:1

Josueca uni huatacunata causashpa ña yuyaj cajpimi, Mandaj Diosca paitaca cashna nirca: “Canca achca huatacunayuj ña yuyajmi cangui. Shina cajpipish, israelcunapaj cachun japinaca achca llajtacuna tiyanrajmi.