GÉNESIS 17:8 - Dios Rimashca Shimicunami

⁸ Canmanpish, cambaj huahua huahuacunamanpishmi cunan can maillata causashpa puricun tucui Canaan llajtataca huiñaipaj cusha. Ñucaca paicunapaj Taita Diosmi casha– nircami.

GÉNESIS 17:8 Iomraidhean Croise

GÉNESIS 12:7

Chaipimi Mandaj Diosca, Abramman ricurishpaca: “Cambaj huahua huahuacunamanca cai llajtatami cusha” nirca. Chaipimi Abramca, paiman ricurij Mandaj Diospaj shuj altarta rurarca.

GÉNESIS 13:15

Can maillata ricushca llajtacunataca canmanpish, cambaj huahua huahuacunamanpishmi huiñaipaj cusha.

GÉNESIS 13:17

Jatari, tucui cai llajtataca largotapish, anchotapish purishpa ricui. Cai llajtataca canmanmi cuni” nirca.

GÉNESIS 23:4

–Ñucaca cancunapurapica caru llajtamanta pasacujlla shinami causacuni. Chashna cajpipish cancunapurapi caj pambana jutcuta cuhuaichij. Huañushca ñuca huarmita chaipi pambangapaj– nirca.

GÉNESIS 26:24

Chai tutami Mandaj Diosca Isaacman ricurishpaca: “Ñucaca cambaj yaya Abrahampaj Taita Diosmi cani. Ñuca canhuan cashcamanta ama manchaichu. Cantaca alli cashca cachun nishami. Cambaj huahua huahuacunataca achcatami mirachisha. Ñucapajta ruraj Abrahamta c'uyashcamantami chashna rurasha” nircami.

GÉNESIS 28:4

Abrahamta alli cashca cachun nishcallatataj canmanpish, cambaj huahua huahuacunamanpish cuchun. Taita Dios Abrahamman cushca cunan ñucanchij causacun llajtataca chashnami quiquin allpataj tucungacama doñoyashpa catingacuna” nircami.

GÉNESIS 35:27

Jacobca paipaj yaya Isaacta ricungapajmi paipaj yaya causacun Arba pueblopi caj Mamreman rirca. Chai puebloca Abraham Isaac causashca Hebrón pueblomi.

GÉNESIS 36:7

Ishquindijtaj yallitaj charijcuna cashcamantami, tandallaca mana causai tucurcacuna. Paicuna causacun llajtapi tiyaj michina pambacunapish animalcunata michinapajca ña mana pajtarcachu.

GÉNESIS 37:1

Jacobca paipaj yaya causashca Canaanpimi causarca.

GÉNESIS 48:4

cashna nirca: Ñucami cantaca achca huahuacunayujta rurasha. Yallitaj achcatami mirachisha. Cambaj huahua huahuacunamantaca achca llajtacunami tucunga. Cai llajtataca cambaj huahua huahuacunapaj huiñaipaj cachunmi cusha nircami.

2 SAMUEL 23:5

Ñuca huasi familiaca Dioshuanca manamari chashnachu. Chashna cajpipish Mandaj Diosca ñucapajca huiñaipajmari ari nirca. Ñuca quishpirinata ñuca yuyashca shinaca manaraj sisachinchu. Chashna cashpapish tucui imapish ima shinalla canataca chashnataj tucuchun huaquichishcami.

1 CRÓNICAS 16:18

nishpaca: Canaán llajtataca canmanmi cusha. Cambaj allpa cachunmi cusha nircami.

SALMOS 103:17

Ashtahuanpish Mandaj Dios llaquij cashcaca paita manchajcunapajca huiñaimanta huiñaicamami. Pai cashcata ruranapish huahua huahuacunapajmi.

SALMOS 105:11

nishpaca: “Canaán llajtataca canmanmi cusha. Cancunapaj allpa cachunmi cusha” nircami.

SALMOS 105:9

Chaitaca Abrahammanmi cusha nirca. Isaacmanpish pajtachishatajmi nircami.

ÉXODO 13:11

Mandaj Dios cancunamanpish, cancunapaj ñaupa yayacunamanpish cusha nishca shinallataj Canaán llajtaman ña chayachijpica,

ÉXODO 21:6

paipaj amoca juezcunapaj ñaupajman pushashpa pungupi cashpa, postepi cashpa paipaj rinrinta churashpa alishñahuan jutcuchun. Chashnaca paipaj tucui causaipimi paipaj amopajta ruraj canga.

ÉXODO 29:45

Ñucaca israelcunapaj chaupipimi causasha. Ñucaca paicunapaj Diosmi casha.

ÉXODO 32:13

Cambajta ruraj Abrahamman, Isaacman, Israelmanca: Ñucami cambaj huahua huahuacunataca jahua pacha luzerocunata shina mirachisha. Paicunamanmi cancunaman cusha nishca cai allpataca cusha. Paicunapaj huiñaipaj cachunmi cusha nishpa quiquintaj nishcataca yuyaripayari– nirca.

ÉXODO 40:15

Paicunatapish paicunapaj yayata ima shinami Diospajlla ch'icanchina aceitehuan ch'icanchircangui chai shinallataj Diospajlla cachun ch'icanchina aceitehuan paicunatapish ch'icanchijpimi, Diospajllata ruraj curacuna canga. Chai aceitehuan paicunata Diospajlla cachun ch'icanchishcaca paicunapaj huahua huahuacunapish huashan huashan curacuna canapajmi” nircami.

ÉXODO 6:4

Carumanta shamujcuna shinalla asha punllacunacama paicuna causacushca Canaán llajtata cungapajmi shuj ruranata ari ninacurcani.

ÉXODO 6:7

Cancunaca ñuca agllashcacuna cachunmi llujshichisha. Ñucaca cancunapaj Diosmi casha. Chashna rurajpimi, Egiptopi yallitaj sinchi trabajocunapi trabajacunmanta llujshichimuj ñucaca Mandaj Diostaj cashcata, cancunapaj Taita Dios cashcata yachanguichij.

JEREMÍAS 25:5

Paicunataca cancunamanca cashnami huillachij carca: Millai causaita, millai ruranacunata saquishpa ñucaman cutirichij. Chashna cutirishpaca cancunapaj ñaupa yayacunamanpish, cancunamanpish ñuca cushca cai llajtapica huiñaita causacunguichijllami.

JEREMÍAS 31:1

Mandaj Diosca cashnami nin: “Chai punllacunapica tucui Israel aillucunapaj Diosmi casha. Paicunaca ñucapajlla runacunami canga.

EZEQUIEL 11:20

Chashna rurajpimi, ñuca mandashca shina causangacuna. Ñuca huillachishcacunatapish cazushpami pajtachingacuna. Paicunaca ñuca agllashcacunami canga, ñucapish paicunapaj Diosmi casha.

EZEQUIEL 33:24

“Huañujlla aichayuj runalla, chai llaquinayaj llajtapi causaj israelcunaca cashnami rimancuna: Abrahamca pailla cashca jahuami cai llajtataca japirca, ñucanchijcarin achcacunamari canchij. Maitataj cai llajtataca mana japishunri nincunami.

LEVÍTICO 14:34

“Cancunaman ñuca cushca Canaanman ña yaicushpaca, cancuna japishca allpapi tiyaj maijan huasicunaman llaquichij leprata ñuca cachajpica,

LEVÍTICO 16:34

Tucui israelcunapaj juchacunamanta huatapi shuj cutin chashna ruracuchunlla mandashca cashcamanta chashna ruracuchunlla mandashcami” nircami. Moisesca Mandaj Dios mandashca shinallatajmi rurarca.

LEVÍTICO 26:12

Ñucaca cancunapaj chaupipimi purisha. Cancunapaj Taita Diosmi casha. Cancunapish ñucapajcunami canguichij.

ZACARÍAS 8:8

Paicunataca, Jerusalenpi causachunmi pushamusha. Chaipimi paicunaca ñucapajlla causangacuna, ñucapish paicunapaj Diosmi casha. Ñucaca paicunapajca mana llullaj, cashcata ruraj Dios cashami” ninmi.

NÚMEROS 10:29

Moisesca Madianmanta caj paipaj suegro Ragüelpaj churi Hobabtami cashna nirca: –Ñucanchijca Mandaj Dios richun nishcamanmi ricunchij. “Mandaj Diosmi ñucanchijmanca ñucami cancunamanca shuj llajtata cusha” nirca. Mandaj Diosca israelcunapajca allicunata ruranatami ari nishca. Chaimanta ñucanchijhuan jaculla. Ñucanchijpish canhuanca alli cashunllami– nircami.

NÚMEROS 25:13

Paipish, paipaj huahua huahuacunapish, chaipaj q'uipa huahua huahuacunapish curacuna tucushpa caticuchunllami churagrini. Taita Diospajlla canamantatajca huañucuj cashcamanta israelcunapaj juchata anchuchingapaj chai runata huañuchishcamantami chashna ruragrini ni– nircami.

NÚMEROS 27:12

Mandaj Diosca Moisestaca cashnami nirca: –Abarim urcu jahuaman huichiyai. Chaiman huichiyashpa israelcunaman ñuca cushca llajtata ricui.

Hechos 7:5

Cai llajtapica paimanca chaqui saruillatapish allpataca mana curcachu. Ashtahuanpish chai punllacunapica Abrahamca huahua illajlla cajpipish Taita Diosca: “Can huañushca qu'ipa cambaj huahua huahuacunamanmi cai allpataca cusha” nircami.

DEUTERONOMIO 14:2

Cancunaca Mandaj Dios cancunapaj Taita Diospaj jucha illajcunami canguichij. Paica tucui cai pachapi causajcunamantaca cancunalla Mandaj Diospajlla agllashcacuna cachunmi cancunataca agllarca.

DEUTERONOMIO 26:18

Mandaj Diosca pai nishca shinallatataj pajtachishpami cancunataca cunanca ñuca agllashcacunami canguichij nishpa cancunataca chaipi causai callarichun nirca. Tucui pai mandashcacunata huaquichichunmi chashna nirca.

DEUTERONOMIO 29:13

Cancunapaj ñaupa yaya Abrahamman, Isaacman, Jacobman pajtachishatajmi nishcataca cunanmi cancunaca paipajlla agllashcacuna cashcata, paipish cancunapaj Taita Dios cashcata ricuchin.

DEUTERONOMIO 32:49

“Abarim urcucunaman rishpa chaipi caj Nebo urcuman huichiyagri. Chai urcuca Jericó ch'imbapurapi caj Moab llajtapimi. Chai urcumantami israelcunapaj cachun ñuca cushca Canaán llajtataca ricungui.

DEUTERONOMIO 32:8

Jahua pacha Diosca gentecunata mirga mirgata rurashpa llajtacunata rurashpaca, tucuicunamanmi quiquin llajtacunata curca. Ashtahuanpish israelcunamanca mashna cashcapaj pajtatami curca.

DEUTERONOMIO 34:4

Mandaj Diosca Moisestaca: “Abrahamman, Isaacman, Jacobmanca: Cai llajtatami cambaj huahua huahuacunamanca cusha” nircani. Chai llajtaman yaicuchun mana saquishpapish cambaj quiquin ñahuihuan ricuchunmi saquini nircami.

DEUTERONOMIO 4:37

Paica cancunapaj ñaupa yayacunata c'uyashcamantami paicunapaj q'uipa huahua huahuacunataca agllarca. Paimi Egiptomantaca, pai quiquintaj tucuita rurai tucuj cashcahuan llujshichimurca.

DEUTERONOMIO 9:5

Cancuna cashcata ruraj cashcamanta, ima pandata mana yuyajcuna cashcamantaca chaicunapaj llajtataca cancunapaj cachun japinamanca mana yaicunguichijchu. Ashtahuanpish Mandaj Diosca chai llajtapi causajcunataca Diosta mana rijsij millaicuna cajpimi cancunapaj ñaupajmanta llujshichinga. Mandaj Diosca cancunapaj ñaupa yaya Abrahamman, Isaacman, Jacobman chashna rurashami nishcata pajtachingapajmi chashna ruranga.

Hebreos 9:15

Chaimantami Cristoca cusha nishpa mushujta ari nishcapi Dioshuan runacunahuan rimaj. Dios ñaupaman cusha nishpa ari ninacushcata p'aquijcunata perdonangapajmi huañurca. Dios cayashcacuna huiñaipaj pai cusha nishcata chasquijcuna cachunpishmi huañurca.

JOSUÉ 1:2

“Ñucapajta ruraj Moisesca ñami huañun. Cunanca israelcunaman ñuca cusha nishca allpata japingapajca, canmi paipaj randi shayarishpa tucui israelcunandij cai Jordán jatun yacuta ch'imbana cangui.

Apocalipsis 21:7

Maijanpish mishajca, tucui ima japina cashcatami japinga. Ñucaca paipaj Diosmi casha, paipish ñuca huahuami canga.