GÉNESIS 17:7 - Dios Rimashca Shimicunami

⁷ Canhuanca shuj ruranatami rurasha. Cambaj huahua huahuacunahuanpish, paicunapaj huahua huahuacunahuanpish huiñaita ruracushallami. Cambajpish, cambaj huahua huahuacunapajpish, paicunapaj huahua huahuacunapajpish huiñaipaj Taita Dios cangapajmi chashna rurasha.

GÉNESIS 17:7 Iomraidhean Croise

GÉNESIS 15:18

Chai punllallatajmi Mandaj Diosca, Abramman cunata ari nishpa cashna nirca: –Cambaj huahua huahuacunamanca cai llajtatami cusha. Egipto jatun yacumanta callarishpaca, Éufrates jatun yacuta catishpa,

GÉNESIS 17:13

Cancunapaj huasipi huacharishcacunaca, cancunapaj huahuacuna cashpapish, shujtaj llajtamanta cajcunata randishcacunapaj huahuacunata cashpapish circuncisionta rurachishcami cana can. Cancuna chashna cancunapaj aichapi rurachishcami ñucahuan cancunahuan huiñaipaj ruranata ari nishcata pajtachinataj cashcataca ricuchinga.

GÉNESIS 17:19

Chaimi Taita Diosca: Cambaj huarmi Saramari shuj c'ari huahuata huachanga. Paitaca Isaacta shutichingui. Ñuca ari nishcataca paipi sinchita callarichishpami, paipaj huahua huahuacunahuanpish, paicunapaj huahua huahuacunahuanpish huiñaipaj pajtachicushalla.

GÉNESIS 26:24

Chai tutami Mandaj Diosca Isaacman ricurishpaca: “Ñucaca cambaj yaya Abrahampaj Taita Diosmi cani. Ñuca canhuan cashcamanta ama manchaichu. Cantaca alli cashca cachun nishami. Cambaj huahua huahuacunataca achcatami mirachisha. Ñucapajta ruraj Abrahamta c'uyashcamantami chashna rurasha” nircami.

GÉNESIS 28:13

Mandaj Taita Diosca chai escalera punta jahuallamantatajmi: “Ñucaca cambaj abuelo Abrahampaj, cambaj yaya Isaacpaj Mandaj Taita Diosmi cani. Can siricun llajtataca canmanpish, cambaj huahua huahuacunamanpishmi cusha.

GÉNESIS 6:18

Ashtahuanpish canhuanca shuj ruranatami callarichigrini. Chaimanta canpish, cambaj churicunapish, cambaj huarmipish, cambaj churicunapaj huarmicunapish chai jatun huambuj huasiman yaicunguichij.

GÉNESIS 9:16

P'uyupi cuichita ricushpaca, causaiyuj caj tucuicunapaj ñuca rurasha nishpa huiñaipaj ari nishcatami yuyarisha”.

2 SAMUEL 7:24

Cambaj israelcunataca canllataj agllashpamari huiñaipaj cambaj cachun churarcangui. Mandaj Dioslla canmari paicunapaj Dios cangui.

1 CRÓNICAS 16:13

Mandaj Diospajta ruraj Israelpaj huahua huahuacunamari canguichij. Pai agllashca Jacobpaj huahua huahuacunamari canguichij.

1 CRÓNICAS 16:14

Mandaj Diosca ñucanchij Diosmari. Paipaj shimicunaca tucui cai pachapimari.

SALMOS 81:10

Ñucami Mandaj Dios, cambaj Taita Dios cani. Ñucami Egiptomanta llujshichimurcani. Cambaj shimita pascailla mana nijtami carasha.

ÉXODO 3:15

Taita Diosca Moisestaca cashnapishmi nirca: –Israelcunamanca: Cancunapaj ñaupa yayacunata Mandaj Taita Dios Abrahampaj, Isaacpaj, Jacobpaj Diosmi cancunapajman cachan ningui. Ñuca shutica, huiñaipaj chaillatajmi. Chai shutipimi, ñucataca huiñaita yuyaringacuna.

ÉXODO 3:6

Taita Diosca cashnapishmi nirca: –Ñucaca cambaj yayapaj Dios, Abrahampaj, Isaacpaj, Jacobpaj Diosmi cani– nijpimi, Moisesca Taita Diosta ricunata manchashpa, paipaj ñahuita taparirca.

ÉXODO 6:4

Carumanta shamujcuna shinalla asha punllacunacama paicuna causacushca Canaán llajtata cungapajmi shuj ruranata ari ninacurcani.

ÉXODO 6:7

Cancunaca ñuca agllashcacuna cachunmi llujshichisha. Ñucaca cancunapaj Diosmi casha. Chashna rurajpimi, Egiptopi yallitaj sinchi trabajocunapi trabajacunmanta llujshichimuj ñucaca Mandaj Diostaj cashcata, cancunapaj Taita Dios cashcata yachanguichij.

ISAÍAS 61:8

Mandaj Dios ñucaca, cashcata ruraj canata c'uyajmi cani. Ñucaman cushpa tucui rupachingapaj shuhuashpa apamujcunataca p'iñanimi. Ñuca nishca shina rurajcunamanca paicuna nishca shinallatajmi cusha. Paicunahuanca huiñaipajmi ari nisha.

JEREMÍAS 31:1

Mandaj Diosca cashnami nin: “Chai punllacunapica tucui Israel aillucunapaj Diosmi casha. Paicunaca ñucapajlla runacunami canga.

EZEQUIEL 28:26

Israelcunaca paicunata p'iñashpa causaj muyundij llajtacunata ñuca chingachijpimi, imata mana manchashpa causangacuna. Chaipica huasicunatapish shayachingacunami, uvatapish tarpungacunami. Chaita ricushpami israelcunaca, ñucataca paicunata Mandaj Taita Dios cashcataca yachangacuna” nircami.

LEVÍTICO 11:45

Ñucaca Mandaj Diosmi cani. Cancunapaj Dios cangapaj, Egiptomanta cancunata llujshichimujmi cani. Ñuca ima jucha illaj caj shinallataj cancunapish ima jucha illajllami cana canguichij” nircami.

LEVÍTICO 25:38

Ñucaca Mandaj Dios cancunapaj Taita Diosmi cani. Canaanta cancunaman cungapajmi, cancunataca Egiptomanta llujshichimurcani. Cancunapaj Dios cangapajmi chashna llujshichimurcani.

LEVÍTICO 26:12

Ñucaca cancunapaj chaupipimi purisha. Cancunapaj Taita Diosmi casha. Cancunapish ñucapajcunami canguichij.

LEVÍTICO 26:44

Paicunata p'iñajcunapaj llajtapi paicuna chashna llaquita apacujpica shuj cutintajca mana shitashachu. Tucui chingaringacamatajca mana millanachicushallachu. Paicunahuan ari ninacushcataca manataj yanganchishachu. Ñucaca Mandaj paicunapaj Taita Diosmi cani.

LEVÍTICO 26:45

Paicunapaj ñaupa yayacunata paicunapaj Dios cangapaj shujtaj llajtacuna ricucujpi, Egiptomanta llujshichimucushpa paicunahuan ari ninacushcatami yuyarisha. Ñucami Mandaj Dios cani” nircami.

LEVÍTICO 26:9

Ñucaca cancunataca tigralla ricushami. Achca huahuacunayujtami rurasha. Cancunataca achcata mirachishpami, cancunahuan ari ninacushcataca pajtachisha.

MIQUEAS 7:20

Mandaj Dioslla, ñucanchij ñaupa yaya Abrahammanpish, yaya Jacobmanpish c'uyashcamanta allicunata rurashami nishcataca amataj cungarishpa pajtachipangui.

Mateo 22:32

“Ñucaca Abrahampaj Dios, Isaacpaj Dios, Jacobpaj Diosmi cani” nircami. Chaimanta Diosca mana huañushcacunapaj Dioschu, ashtahuanpish causajcunapaj Diosmi– nircami.

Marcos 10:14

Chaita Jesús ricushpaca, p'iñarishpami: –Huahuacuna ñucapajman shamuchun saquichij, ama jarcaichijchu. Cai huahuacuna shina cajcunami jahua pacha Taita Dios mandacujpica yaicunga.

Hechos 2:39

Taita Dios cusha nishcaca cancunapajpish, cancunapaj huahuacunapajpish, tucui cai pachapi cajcunata ñucanchij Jatun Dios maijanllata quishpichisha nishcacunapajpishmi– nircami.

Romanos 9:4

Paicunaca israelcunami. Paicunataca Diosca quiquin huahuacunatami rurarca. Paicunapurapimi sumaj cashcahuan ricurirca, paicunahuanmi ari ninacurca. Paicunamanmi Mandashcatapish curca, paillata adoranatapish yachachirca, cusha nishcapish paicunapajmi.

Efesios 2:2

Ñaupa punllacunaca cai pacha munaicunata catishpami, huairapi mandaj munashcata rurashpa, chaipi purircanguichij. Cunanca mana cazujcunapimi, chai espirituca millaita rurachicun.

DEUTERONOMIO 29:13

Cancunapaj ñaupa yaya Abrahamman, Isaacman, Jacobman pajtachishatajmi nishcataca cunanmi cancunaca paipajlla agllashcacuna cashcata, paipish cancunapaj Taita Dios cashcata ricuchin.

Hebreos 11:16

Ashtahuanpish paicunaca, tucuita yalli alli llajtatami mashcacurcacuna. Chai llajtaca jahua pachamari. Chaimantami Diosca, paicunapaj Dios nishca canataca mana pinganachin. Diosca paicunapajca, shuj pueblotami allichirca.

Hebreos 8:10

Chai punllacuna q'uipaca, israelcunaman cusha nishpa ari nishcaca cashnami canga. Ñuca mandashcacunataca paicunapaj yuyaipimi churasha, paicunapaj shungupimi quillcasha. Chashna rurashpaca, paicunapaj Diosmi casha, paicunapish ñuca pueblomi cangacuna (ninmi Jatun Diosca)

JUECES 2:1

Mandaj Diospaj angelca, Gilgal pueblomanta Boquim puebloman huichi rishpami israelcunataca: “Ñucami cancunataca Egiptomanta llujshichishpa, cancunapaj ñaupa yayacunaman ñuca cushami nishca llajtaman pushamurcani. Chai punllallatajmi paicunamanca: Ñuca cancunahuan ari ninacushcataca, manataj p'aquishachu.