GÉNESIS 17:6 - Dios Rimashca Shimicunami

⁶ Canmantaca achcatami mirachisha. Yallitajmi mirachisha. Canmantami achca llajtacuna tucunga. Llajtacunata jatun mandajcunapish canmantami llujshinga.

GÉNESIS 17:6 Iomraidhean Croise

GÉNESIS 13:16

Cambaj huahua huahuacunataca ñutu allpa shina cachun achcatami mirachisha. Ñutu allpata maijanpish yupai tucujpica, cambaj huahua huahuacunatapish yupashcami canga.

GÉNESIS 17:16

Paitaca ñucami ashtahuan alli cashca cachun nisha. Paimantami canmanpish shuj c'ari huahuata cusha. Paica achca llajtacunapaj mamami tucunga. Llajtacunata jatun mandajcunapish paimantami huacharinga– nircami.

GÉNESIS 17:20

Ismaelmanta can mañashcatapish uyanimi. Paitapish alli cashca cachun nishami. Huahuacunayuj tucushpa, alli huiñachishpa yallitaj achcata mirarichunmi churasha. Paimantaca chunga ishqui mandajcunami llujshinga. Chashnami paimantaca jatun llajtata rurasha.

GÉNESIS 17:4

–Ñuca canman imata ari nishcaca caimi: Canca achcacunapaj yayami tucungui.

GÉNESIS 26:22

Isaacca chaimantapish rishpaca, shujtaj pugyutami allachirca. Chai pugyumantaca pi mana imata nijpimi: “Chai pugyutaca Rehobotta” shutichirca. Mandaj Diosmari ñucanchijmanca ashtahuan mirachin. Chaimanta cunanca: “Cai llajtapica achcatamari charijyashun” nishpami chashna shutichirca.

GÉNESIS 28:3

Pailla Tucuita Rurai Tucuj Taita Dios, canmanca achca allicunata cuchun. Cambaj huahuacunatapish yallitaj achcata mirachichun. Yallitaj achcacuna tucungacama mirachichun.

GÉNESIS 35:11

Taita Diosca chaillapitajmi cashnapish nirca: “Ñucaca Ñucalla Tucuita Rurai Tucuj Taita Diosmi cani. Canca huahuacunayuj tucushpa achcata mirarilla. Canmantami shuj jatun llajtapish, achca aillucunapish tucunga. Cambaj huijsamanta llujshishca huahua huahuacunaca jatun mandajcunami canga.

GÉNESIS 41:52

Q'uipa churitaca Efraintami shutichirca. Paica: “Taita Diosca ñucataca llaquita apacushca llajtapimari churicunayujta rurahuan” nishpami, chashna shutichirca.

GÉNESIS 47:27

Israelcunaca Egiptopica Gosenpi allpacunata japishpami chaipi causarcacuna. Chaipimi paicunaca yallitaj achcata mirarircacuna.

GÉNESIS 48:3

Josetaca: –Pailla Tucuita Rurai Tucuj Taita Diosmi, Canaanpi caj Luz pueblopi ñucaman ricurishpa alli cashca cachun nishpaca,

GÉNESIS 48:4

cashna nirca: Ñucami cantaca achca huahuacunayujta rurasha. Yallitaj achcatami mirachisha. Cambaj huahua huahuacunamantaca achca llajtacunami tucunga. Cai llajtataca cambaj huahua huahuacunapaj huiñaipaj cachunmi cusha nircami.

ESDRAS 4:20

Jerusalenpica yallitaj c'ari c'ari jatun mandajcuna tiyashcata, paicunaca jatun yacumanta ch'imbanij llajtacunacama mandajcuna cashcata, paicunataca tributocunata, impuestocunata, imallamanta pagana cashcata pagachijcuna cashcatapishmi japircacuna.

LEVÍTICO 26:9

Ñucaca cancunataca tigralla ricushami. Achca huahuacunayujtami rurasha. Cancunataca achcata mirachishpami, cancunahuan ari ninacushcataca pajtachisha.