GÉNESIS 17:5 - Dios Rimashca Shimicunami

⁵ Cunanca ña mana Abramchu cangui. Ashtahuanpish cantaca achcacunapaj yaya tucuchun churashcamanta Abrahammi cangui.

GÉNESIS 17:5 Iomraidhean Croise

GÉNESIS 17:15

Taita Diosca Abrahamtaca cashnapishmi nirca: –Cambaj huarmitaca ña ama Sarai ningui. Ashtahuanpish cunamanta paipaj shutica Sarami canga.

GÉNESIS 32:28

Chaipimi chai runaca: –Canca cunanca ña mana Jacob shutichu cangui. Taita Dioshuanpish, runacunahuanpish macanacushpa mishashcamanta, Israel shutimi cangui– nirca.

GÉNESIS 32:29

Jacobca paitapish: –Cunantajca cambaj shutita huillayari– nijpimi paica: –Ñuca shutitaca ¿imapajtaj yachasha ningui?– nirca. Shina nishpami chai runaca Jacobtaca chaillapitaj alli cashca cachun nirca.

GÉNESIS 35:10

cashna nirca: “Cambaj shutica Jacobmi. Ashtahuanpish cunanmantaca ña mana Jacob shutichu cangui. Israel shutimi cangui” nishpami, Israel shutita shutichishca carca.

2 SAMUEL 12:25

profeta Natanta Davidman huillanaman cachashpami yachaj chayachirca. Chai huahuataca Mandaj Dios nishcata uyashpami Jedidías shutita shutichirca.

1 CRÓNICAS 1:27

Tarepaj churica Abrahammi carca. Paillatajmi Abraham shutipish carca.

NEHEMÍAS 9:7

Quiquinmi Mandaj Dios cangui. Abrahamta agllaj Diosmi cangui. Caldeocunapaj Ur llajtamanta llujshichishpami paitaca Abrahamta shutichircangui.

ISAÍAS 65:15

Ñuca agllashcacunaca cancunapaj shutitaca shujtajcunata llaqui tucushca alli canman ningapajllami yuyaringacuna. Mandaj Jatun Diosmi cantaca huañuchinga. Paipajta rurajcunataca shujtaj shutitami shutichinga.

JEREMÍAS 20:3

Chaimantaca cayandij punllami Pasurca, Jeremiastaca chai jutcu tablapi chaquicunata canichishcamantaca llujshichirca. Chaimanta llujshichijpimi Jeremiasca, Pasurtaca cashna nirca: “Mandaj Diosca cantaca ña mana Pasur shutipi cayagrinchu. Cunanca Magor-misabib nigrinmi.

JEREMÍAS 23:6

Pai mandacui punllacunapica Judá llajtapajpish, israelcunapajpish ima llaqui mana tiyangachu. Cushicushpami causangacuna. Paitaca: Ñucanchijta mitsaj Mandaj Dios nishpami cayangacuna” ninmi.

NÚMEROS 13:16

Llajtata rijsinaman Moisés cachashca runacunapaj shuticunaca chaicunami. Moisesca Nunpaj churi Oseastaca Josué shutitami shutichirca.

Juan 1:42

Andresca paipaj huauqui Simontaca Jesuspajmanmi pushamurca. Jesusca Simonta ricushpaca: –Canca, Jonaspaj churi Simonmi cangui. Cunanca cantaca Cefastami shutichini– nircami. (Cefas nishcaca: “Pedro” nisha ninmi).

Romanos 4:17

Cashnami quillcashca tiyacun: “Cantaca, achca mama llajtacunapaj yaya cachunmi churarcani” ninmi. Chashna nishca shinallatajmi, pai crishca Diospaj ñaupajpica tucuicunapaj yaya. Diosca huañushcacunaman causaita cujpish, ima manaraj tiyajtapish tiyachun nijmi.

Apocalipsis 2:17

Rinrinta charijca, tandanacushca crijcunaman Diospaj Espíritu huillashcata uyachun. Millaita mishajmanca, pacashca tiyacuj maná shuti micuitami carasha. Shinallataj shuj uchilla yuraj rumitami cusha, chaipica shuj mushuj shutita quillcashcami, chai shutitaca pi mana yachanchu, maijanpish chasquijllami yachanga nishpa quillcai” nircami.