GÉNESIS 17:13 - Dios Rimashca Shimicunami

¹³ Cancunapaj huasipi huacharishcacunaca, cancunapaj huahuacuna cashpapish, shujtaj llajtamanta cajcunata randishcacunapaj huahuacunata cashpapish circuncisionta rurachishcami cana can. Cancuna chashna cancunapaj aichapi rurachishcami ñucahuan cancunahuan huiñaipaj ruranata ari nishcata pajtachinataj cashcataca ricuchinga.

GÉNESIS 17:13 Iomraidhean Croise

GÉNESIS 14:14

Abramca paipaj familia Lotta prezu apashcata uyashpami, paipaj huasipi huacharishca paipajta rurajcunapuramanta 318 runacunata tandachishpa, prezu apajcunataca Dan pueblocama catishpa rirca.

GÉNESIS 15:3

Abramca cashnapishmi nirca: –Quiquin, ñucaman mana huahuata cushcamantaca ñuca imalla charishcacunataca, ñuca huasipi huacharishca ñucapajta rurajllamari japinga– nircami.

GÉNESIS 17:7

Canhuanca shuj ruranatami rurasha. Cambaj huahua huahuacunahuanpish, paicunapaj huahua huahuacunahuanpish huiñaita ruracushallami. Cambajpish, cambaj huahua huahuacunapajpish, paicunapaj huahua huahuacunapajpish huiñaipaj Taita Dios cangapajmi chashna rurasha.

GÉNESIS 37:27

Paica ñucanchij quiquin huauqui, ñucanchij quiquin aichallatajmi. Paipica ama maquita churashunchijchu. Ashtahuanpish ismaelitacunaman c'atushpa cachashunchij– nijpimi caishuj huauquicunaca tucuicunallataj allimi nircacuna.

GÉNESIS 37:36

Madianitacuna Egiptoman chayashpaca, Josetaca Potifarmanmi c'aturcacuna. Potifarca, faraonta cuidaj soldadocunata mandajmi carca.

GÉNESIS 39:1

Josetaca Egiptomanmi pusharcacuna. Chaimi faraonta cuidaj soldadocunata mandaj Potifar runaca Joseta randirij ismaelitacunaman randirca.

GÉNESIS 9:16

P'uyupi cuichita ricushpaca, causaiyuj caj tucuicunapaj ñuca rurasha nishpa huiñaipaj ari nishcatami yuyarisha”.

NEHEMÍAS 5:5

Ñucanchijpish paicunapish quiquin aichapurallatajmi canchij. Ñucanchij huahuacunapish paicunapaj huahuacuna shinallatajmi. Chashna cashpapish ñucanchijca ñucanchij huahuacunataca ñucanchijpurallamantajmi c'atuna tucurcanchij. Ñucanchij ushushicunamanta maijancunaca ñamari huatashca shina paicunapajta rurajcuna tucurca. Ñucanchij allpacunapish, uva chagracunapish ña shujtajcunapaj cashcamantaca, ñucanchij ushushicunataca imahuan mana surcui tucunchijchu” nircacunami.

NEHEMÍAS 5:8

cashna nircani: “Israelcunataca, shujtaj llajta mana israelcunaman c'atushca cajpipish, ñucanchijca ima shinapish tucushpamari randishpa llujshichircanchij. Cunanca ashtahuanpish israelcunapurallamantataj randishpa llujshichichunmari israelcunapurallamantaj c'atushcanguichij” nijpimi, paicunaca imata mana nishpa upalla saquirircacuna.

ÉXODO 12:44

Maijancunata paipajta ruraj cachun cullquihuan randishca cashca cashpapish, circuncisionta rurashca cashpallami micunga.

ÉXODO 21:16

Maijanpish genteta shuhuashpa c'atushca cajpi, paipaj maquillapitaj charicushcata japishpapish paitaca huañuchichun.

ÉXODO 21:2

Cancunapajta ruraj cachun hebreocunapurallatataj randijpica, sujta huatacunallata cancunapajta rurachun. Canchis huatapica imata mana cushpa llujshichunlla.

ÉXODO 21:4

Paipaj amollataj huarmita cushca cajpi, chai huarmica churicunata, mana cashpaca ushushicunata charijpica, chai huarmipish chai huahuacunapish chai amopajmi canga. Paica pailla llujshichun.

LEVÍTICO 22:11

Ashtahuanpish Diospajlla ch'icanchishcacunataca curapajtaj ruraj cashpapish cullquihuan randishca cajllami micui tucun. Shinallataj curapaj huasipi huacharishca cajcunallami, paipaj micunamantaca micui tucun.

Mateo 18:25

Chai debishcata mana pagai tucujpimi chai debimanta japingapajca paindij, paipaj huarmindij, huahuacunandij, ima charishcacunandij c'atugrichij nishpami chai amoca mandarca.