GÉNESIS 17:11 - Dios Rimashca Shimicunami

¹¹ Tucuicunami cancuna charishca aicha carata p'itina canguichij. Ñucahuan cancunahuan ari ninacushcata pajtachina cashcata ricuchijca chaimi canga.

GÉNESIS 17:11 Iomraidhean Croise

GÉNESIS 9:12

Taita Diosca cashnapishmi nirca: “Cancunapajpish, cai pachapi caj causaiyuj animalcunapajpish ñuca ari nishcata ricuchijca caimi:

2 SAMUEL 3:14

Chai q'uipami Davidca, Saulpaj churi Is-bosetmanpish: “Ñuca huarmi Micalta tigrachi. Paimantaca patsaj filisteocunapaj charishca aicha mirga caracunata cushpami japircani” nishpa huillachun huillajcunata cacharca.

ÉXODO 12:48

Mana israelcuna cancunahuan causacujcuna Mandaj Diospaj Pascua micuita micusha nishpaca, tucui c'aricuna circuncisiontaraj rurachishpa, chai q'uipa chai Pascua micuita rurachun. Chashna rurashpaca, israelpurallatajmi canga. Maijanpish circuncisionta mana rurachishca cashpaca Pascua micuitaca amataj micuchun.

ÉXODO 4:25

Chaipimi Moisespaj huarmi Seforaca rumimanta rurashca filojlla cuchillota japishpa, paipaj churi charishca aicha mirga carata p'itishpa, Moisespaj chaquipi tupachishpaca: “Cunantajca ñuca quiquin yahuar cusami cangui” nirca.

Hechos 7:8

Abrahamtaca Taita Diosca pai cusha nishcata chasquij cashcata ricuchingapajca circuncisionta rurachunmi mandarca. Chaimi Abrahamca, paipaj churi Isaactaca huacharishca pusaj punllapi circuncisionta rurachirca. Chashnallatajmi Isaacca Jacobta, Jacobca paipaj chunga ishqui churicunata circuncisionta rurachirca. Paicunaca ñucanchij callari yayacunami.

Romanos 4:11

Abrahamtaca circuncisionta manaraj rurashca cajpimi, Diosca justificashpa chasquirca. Chai q'uipami crijpi justificashcata ricuchij sello shina cachun, Diosca circuncisionta rurachun nijpi Abrahamca chasquirca. Chashnami Abrahamca, circuncisionta mana rurashca crijcunapajpish yaya tucurca. Paicunapish crijllapi justificashpa chasquina cashcata ricuchingapajmi, Diosca chashna rurarca.

DEUTERONOMIO 10:16

Circunsicionta ruraj shina shungumanta mapa yuyaita p'itichij. Ama ashtahuan ch'ahuancunallataj caichijchu.

JOSUÉ 5:3

Chaimi Josueca, filojlla cuchillocunata rurashpa, Aralot lomapi tucui israelcunata circuncisionta rurarca.