GÉNESIS 17:1 - Dios Rimashca Shimicunami

¹ Abram ña iscun chunga iscun huatayuj cajpimi, Mandaj Diosca paiman ricurishpaca: –Ñucaca tucuita rurai tucuj Diosmi cani. Ñuca ñaupajpi puri. Ima pandata ama rurai.

GÉNESIS 17:1 Iomraidhean Croise

GÉNESIS 12:1

Mandaj Diosca, Abramtaca: “Can maipi causana llajtataca ñucami ricuchisha. Cunanca can causacun llajtatapish, cambaj huasi ucupuracunatapish, cambaj yayapaj huasi ucupuracunatapish saquishpa rilla.

GÉNESIS 12:7

Chaipimi Mandaj Diosca, Abramman ricurishpaca: “Cambaj huahua huahuacunamanca cai llajtatami cusha” nirca. Chaipimi Abramca, paiman ricurij Mandaj Diospaj shuj altarta rurarca.

GÉNESIS 16:16

Abram pusaj chunga sujta huatayuj cajpimi, Agarca Ismaeltaca huacharca.

GÉNESIS 18:1

Mandaj Diosca Abrahammanca, Mamre shuti runapaj encina yuracuna tiyanpimi ricurirca. Abrahamca chaupi punlla shinata yallitaj rupachicujpimi, paipaj carpa huasi punguman llujshishpa tiyacurca.

GÉNESIS 18:14

Taita Diospajca imapish mana sinchichu. Ña nishca shinallataj shamuj huatami cambajman tigramusha. Chaipajca Saraca ñami shuj c'ari huahuayuj canga– nirca.

GÉNESIS 24:40

Chaimi paica: Ñucaca tucui causaipimi Mandaj Diospaj ñaupajpi purini. Paillatajmi canhuanpish paipaj angelta cachajpi paica tucui ñanpi canta cuidajpi alli ringui. Chaimi ñuca yayapaj huasimanta, ñuca familiapuramantaca ñuca churipaj shuj huarmita pushamungui.

GÉNESIS 26:2

Chaipi cajpi Mandaj Dios ricurishpami Isaactaca: “Egiptomanca ama uriyangui. Ashtahuanpish ñuca ricuchishca llajtapi causai.

GÉNESIS 28:3

Pailla Tucuita Rurai Tucuj Taita Dios, canmanca achca allicunata cuchun. Cambaj huahuacunatapish yallitaj achcata mirachichun. Yallitaj achcacuna tucungacama mirachichun.

GÉNESIS 35:11

Taita Diosca chaillapitajmi cashnapish nirca: “Ñucaca Ñucalla Tucuita Rurai Tucuj Taita Diosmi cani. Canca huahuacunayuj tucushpa achcata mirarilla. Canmantami shuj jatun llajtapish, achca aillucunapish tucunga. Cambaj huijsamanta llujshishca huahua huahuacunaca jatun mandajcunami canga.

GÉNESIS 43:14

Pailla Tucuita Rurai Tucuj Taita Diosca, chai mandajtaca cancunata llaquina yuyaita cushca alli canman. Chai mandaj cancunata llaquishpaca Simeontapish, cai Benjamintapish cacharingapishchari. Mana chashna rurajpi huahuacuna illajlla ñuca saquirina cajpica, chashna cangatajchari– nirca.

GÉNESIS 46:3

Chaipimi Taita Diosca: –Ñucaca cambaj yayapaj Taita Diosmi cani. Egiptoman uriyanataca ama manchaichu. Chaipimi canmantaca jatun llajtata rurasha.

GÉNESIS 48:15

Chaipimi Josetaca alli cashca cachun nishpaca: “Ñuca yaya Abraham, yaya Isaac paipaj ñaupajpi purishca Taita Dios. Ñuca tiyashca pachamanta cunancama ñucata cuidaj Taita Dios,

GÉNESIS 48:3

Josetaca: –Pailla Tucuita Rurai Tucuj Taita Diosmi, Canaanpi caj Luz pueblopi ñucaman ricurishpa alli cashca cachun nishpaca,

GÉNESIS 5:22

Enocca, Matusalén churita charishca punllamantaca, 300 huatacunahuanmi Taita Dioshuan purirca. Churicunatapish ushushicunatapish charircarajmi.

GÉNESIS 5:24

Enocca Taita Dioshuanmi purirca. Taita Dios apajpimi paica ñapish chingarircalla.

GÉNESIS 6:9

Noepaj huahua huahua callari yayacunaca caicunami: Noé causai punllacunapica, Noellami cashcata ruraj, ima juchachina illajlla carca. Noeca Taita Dioshuanmi purirca.

1 REYES 2:4

Mandaj Dios ñucaman pai imallata cusha nishcata pajtachichunpishmi chashna rurana cangui. Paica ñucamanca: Cambaj huahuacuna tucui shunguhuan, tucui almahuan ñuca ñaupajpi chaitataj pajtachishpa ñuca ñanpi purijpica, cambaj huahua huahuacunaca israelcunata mandashpa tiyanapica mana illangachu nircami.

1 REYES 3:6

Shina nijpi Salomonca: “Cambajta ruraj ñuca yaya Davidca cambaj ñaupajpica mana nij tucushpalla, cashcatataj rurashpa, mana caita chaita yuyashpami cambaj ñaupajpi causarca. Chaimantami paitaca yallitaj c'uyashcangui. Chashna llaquij cashcataca pai mandashpa tiyanapi paipaj shuj churi tiyarichun saquishpami ricuchishcangui. Chaica cunan punllami pajtashca.

1 REYES 8:25

Israelcunata Mandaj Taita Dioslla, cunanca cambajta ruraj ñuca yaya Davidman cushatajmi nishcataca pajtachiyari. Canca paitaca: Cambaj huahua huahuacuna ñuca nishcata cazushpa, can purishca shinallataj ñuca ñaupajpi purijpica, israelcunata mandaj canamantaca cambaj huahua huahuacunaca manataj illangachu nishcami carcangui.

2 REYES 20:3

“Mandaj Dioslla, cantami rogani. Cambaj ñaupajpica mana nij tucushpalla tucui shunguhuan can munashcata rurashpa, cambaj ñaupajpi purishcata yuyarichunmi rogani” nishpami Ezequiasca yallitaj huacashpa mañarca.

JOB 1:1

Uz llajtapimi Job shuti runa causarca. Paica, ima pandata mana ruraj, allita ruraj, Diostapish manchaj, millaita ruranatapish p'iñajmi carca.

JOB 11:7

¿Canca Taita Diospaj yuyaipi pacalla tiyacushcataca ricui tucunguichu? ¿Tucuita Rurai Tucuj Diosmantaca, tucuita yachai tucunguichu?

SALMOS 115:3

Ashtahuanpish ñucanchij Taita Diosca jahua pachapimari. Pai tucui imalla rurasha nishcatami rurashca.

SALMOS 116:9

Cai pacha runacunahuan causashcacamaca, Mandaj Diosllatami cazushpa causasha.

SALMOS 25:14

Mandaj Diosca paita manchajcunahuanmi yallitaj apanacun. Paihuan ari ninacushcata pajtachinataca paicunamanmi yachachinga.

ÉXODO 6:3

Abrahamman, Isaacman, Jacobman ricurishpaca Ñucalla Tucuita Rurai Tucuj Dios cashcatami ricuchircani. Ashtahuanpish paicunamanca ñuca shuti, MANDAJ DIOS cashcataca mana huillarcanichu.

PROVERBIOS 10:9

Ima pandata mana ruraj runaca, imamanta mana manchanchu. Ashtahuanpish mana allita rurashpa purijcunaca, jatun llaquimi tucun.

ISAÍAS 38:3

“Mandaj Dioslla, cantami rogani. Cambaj ñaupajpica mana nij tucushpalla tucui shunguhuan can munashcata rurashpa, cambaj ñaupajpi purishcata yuyarichunmi rogani” nircami. Ezequiasca yallitaj huacashpami mañarca.

JEREMÍAS 32:17

“¡Jatun Mandaj Dioslla, canmari jahua pachatapish, cai pachatapish tucuita rurai tucuj cambaj maquihuan rurarcangui! Cambajca imata ruranapish mana sinchichu.

DANIEL 4:35

Quiquinpaj ñaupajpica, cai pachapi causajcunaca tucuicuna ima mana canchu. Paica jahua pacha soldadocunatapish, cai pachapi causajcunatapish pai munashca shinami ruran. Paipaj maqui imata ruracujtaca pi mana jarcai tucunchu. ¿Imatataj ruracungui? ninallatapish, pi mana ni tucunchu” nircanimi.

MIQUEAS 6:8

Huañujlla aichayuj runalla, paica canmanca imalla alli cana cashcataca ñamari huillarca. Mandaj Diosca cantaca caillatamari rurachun mañan: “Imatapish cashcata ruraj cachun, c'uyaj cachun, llaquij cachun, cambaj Taita Diospaj ñaupajpi llaquirishpa cazuj cachunmi munan.

NÚMEROS 11:23

Mandaj Diosca Moisestaca: –Mandaj Diospaj maquitaca pi mana p'itishcachu. Ñuca nishca chashnataj pajtajta mana pajtajtaca cunanmi ricungui– nircami.

NÚMEROS 24:16

Taita Dios imalla nishcacunata uyashpa huillajca cashnami nin. Paica urmarcami. Ñahui pascashcami urmarca. Chaipica Pailla Tucuita Rurai Tucuj Dios muscuipi shina ricurishpa huillashcatami uyarca.

Mateo 19:26

Jesús paicunata chaparashpaca: –Gentecunapajca caica sinchitajmari, ashtahuanpish Diospajca imapish jahuallami– nirca.

Mateo 5:48

Cancunapaj jahua pacha Yaya, cashcata ruraj caj shinallataj cancunapish cashcata rurajcuna caichij.

Lucas 1:6

Paicunaca ishquindijtajmi Taita Diospaj ñaupajpica, cashcata rurajcuna carca. Jatun Dios tucui mandashcacunata, rurai nishcacunataca chaitataj rurashpa pi mana juchachipajcunami carca.

Hechos 23:1

Chaipimi Pabloca, mandajcunapuralla tandanacushcata ricushpaca: –Huauquicuna, ñucaca cunan punllacamaca Taita Diospaj ñaupajpica alli yuyaihuan, alli shunguhuanmi causacuni– nijpimi,

Hechos 24:16

Chaimantami Taita Diospaj ñaupajpi, runacunapaj ñaupajpipish pi mana juchachipaj caiman yuyacuni.

Efesios 3:20

Diosca tucui imatapish rurai tucuj cashcamantaca, ñucanchijpi rurachicuj poderhuanmi ñucanchij imata mañashcatapish, yuyashcatapish ashtahuan yallita ruran.

DEUTERONOMIO 10:17

Mandaj Dios cancunapaj Taita Diosca tucui dioscunapaj Diosmi, mandajcunapajpish Mandajmi. Manchana tucuita rurai tucuj Jatun Diosmi. Paica ñahuita ricushpalla mana imatapish rurajchu, camaricunata japishpalla mana maijanpura tucujchu.

DEUTERONOMIO 18:13

Chaimanta canca imata mana pandashpa Mandaj Dios cambaj Taita Dios yuyailla cangui.

DEUTERONOMIO 30:20

Mandaj Dios cancunapaj Taita Diosta c'uyashpa, paita cazushpa paita catishpa causachunmi mandani. Paimantami cancunaca Mandaj Dios cancunapaj Taita Dios cancunapaj ñaupa yaya Abrahamman, Isaacman, Jacobman cushatajmi nishca llajtapica unita causanguichij' nircami.

Filipenses 4:13

Ñucata sinchiyachij Cristohuanca, tucui imatapish rurai tucunimi.

Hebreos 12:28

Chashna cajpica Dios maipi Mandacun mana cuyuchipajta ñucanchij japishcamantaca, pagui nishunchij. Pai munashca shina manchaihuan tucui shunguhuan servishunchij.

Hebreos 7:25

Chaimantami maijanpish paimanta Diosman c'uchuyajtaca, huiñaipaj quishpichi tucun. Jesusca paicunamanta Diosta mañashpami huiñaita causacun.