GÉNESIS 16:8 - Dios Rimashca Shimicunami

⁸ –Saraipajta ruraj Agar, ¿maimantataj shamucungui? ¿maimantaj ricungui?– nijpi Agarca: –Ñuca ama Saraita miticushpami ricuni– nirca.

GÉNESIS 16:8 Iomraidhean Croise

GÉNESIS 16:1

Abrampaj huarmi Saraica mana huachajmi carca. Paica Egiptomanta caj Agar huarmitami paipajta ruraj cachun charirca.

GÉNESIS 16:4

Abram chayarijpica Agar huarmica chichurcami. Ashtahuanpish pai ña chichu cashpaca paipaj ama Saraitaca p'iñanatami callarirca.

GÉNESIS 16:9

Chaimi Mandaj Diospaj angelca: –Cambaj ama Saraipajllamantaj tigrailla, pai imata mandashcata tucuita cazuilla– nirca.

GÉNESIS 21:17

Taita Diosca chai huambra caparijta uyarcami. Chaimi Taita Diospaj angelca Agartaca jahua pachamanta cayashpaca: “Agar, ¿imataj tucungui? Ama manchaichu, cambaj huahua caparijtaca Taita Diosca uyarcami.

GÉNESIS 3:9

Ashtahuanpish Mandaj Taita Diosca Adantaca: –¿Maipitaj cangui?– nishpami cayarca.

GÉNESIS 4:10

Mandaj Diosca, Caintaca: –¿Imatataj rurarcanguiyari? Cambaj huauquipaj yahuarmi ñucataca allpamanta caparicun.

1 REYES 19:13

Chaita uyashpami Eliasca jahua churanahuan ñahuita ch'ungullirishpa, chai jutcumanta llujshishpa pungullapi shayarirca. Elías chaipi shayarijpimi: “¿Imatataj caipica ruracungui, Elías?” nishpa rimashca uyarirca.

1 REYES 19:9

Chaiman chayashpaca, shuj jutcuman yaicushpami, chai tutaca chaipi pacarirca. Chaipimi Mandaj Diosca: “¿Imatataj caipica ruracungui, Elías?” nirca.

2 REYES 5:25

Chaimantaca Giezica paipaj amo Eliseopaj ñaupajman yaicujpimi Eliseoca: –Giezi, ¿maimantataj shamungui?– nijpi paica: –Cambajta ruraj ñucaca maiman mana rircanichu– nirca.

ECLESIASTÉS 10:4

Mandaj canhuan p'iñarijpica, can imata ruracushcataca ama shitashpa saquinguichu. Casijlla saquirijpica, yallitaj p'iñarishca cashpapish alli tucungallami.

JUECES 19:17

Chai yuyaj runa huichilla ricushpaca, plaza pambapi shujtaj llajtamanta shamushca runa tiyacujta ricushpami: –¿Maimantaj ricunguichij, maimantataj shamucunguichij?– nirca.

1 SAMUEL 26:19

Jatun mandaj ñuca amito, cunanca cambajta ruraj ñuca rimashcata uyachunmi rogani. Mandaj Diosllataj can jatun mandajta ñucata llaquichichun chashna rurachicujpica, ñuca cushca ofrendata chasquishpa ñucata perdonachun. Runacunalla chashna rurachicushca cashpaca, paicunaca Mandaj Diospaj ñaupajpica, mana alli nishcacuna cachun. Chashna rurashpaca paicunaca Mandaj Diospajta ñuca japina cashcamantami caruyachishpa, shujtajcunapaj dioscunapajta rurai nicuj shina ruracuncuna.