GÉNESIS 16:6 - Dios Rimashca Shimicunami

⁶ Shina nijpimi Abramca, Saraitaca: –Riqui, cambajta ruraj huarmica cambaj maquillapitajmi. Can imata rurasha nishcatapish rurailla– nijpimi Saraica, paipajta ruraj Agartaca sinchita llaquichinata callarijpi Agarca miticushpa rirca.

GÉNESIS 16:6 Iomraidhean Croise

GÉNESIS 16:9

Chaimi Mandaj Diospaj angelca: –Cambaj ama Saraipajllamantaj tigrailla, pai imata mandashcata tucuita cazuilla– nirca.

GÉNESIS 24:10

Chai q'uipaca paipajta ruraj runaca paipaj amo Abraham charishcacunataca tucuimanta yalli alli camaricunata agllashpa, amopaj chunga camellocunata japishpa chaicunaman apachishpa ñanpi yaicushpaca, Mesopotamiapi caj Nacor causacun pueblomanmi chayarca.

JOB 2:6

Shina nijpimi Mandaj Diosca Satanastaca: –Riqui, paica cambaj maquipimi. Shina cajpipish, paipaj causaillata amaraj tucuchingui– nircami.

ÉXODO 2:15

Chashna rurashcata faraón yachaj chayashpaca, Moisestaca ima shinapish huañuchinatami yuyarca. Ashtahuanpish Moisesca faraonta miticushpami Madián llajtaman rirca.

PROVERBIOS 14:29

Utca p'iñarij runaca, rumi shungu canatami jatunyachin. Ashtahuanpish mana utca p'iñarijca, yuyaita japishca, alli runamari.

PROVERBIOS 15:1

Sumajta cutichishca shimica, p'iñarishcatapish anchuchinmi. Ashtahuanpish maipish cachun rimashca shimica ashtahuan p'iñachinllami.

PROVERBIOS 27:8

Quiquin llajtamanta caruta rijcunaca, tazinta shitashpa rij urpi shinami.

PROVERBIOS 29:19

Servij runataca mana rimashpalla, allichi tucuipajchu. Rimajllapica, entendishpapish mana cazunchu.

ECLESIASTÉS 10:4

Mandaj canhuan p'iñarijpica, can imata ruracushcataca ama shitashpa saquinguichu. Casijlla saquirijpica, yallitaj p'iñarishca cashpapish alli tucungallami.

JEREMÍAS 38:5

Shina nijpica jatun mandaj Sedequiasca: –Jeremiasca cancunapaj maquipimi, imatapish ruraichijlla. Ñucaca jatun mandaj cashpapish, cancunataca imata mana jarcai tucunichu– nircami.

JOSUÉ 9:25

Cunanca cancunapaj maquipimi canchij. Cancunapaj ima shina ashtahuan alli canata rurapaichijlla– nircacunami.

1 Pedro 3:7

Shinallataj cusacunapish cancunapaj huarmicunahuanca alli yuyarishpa causaichij. Huarmitaca p'aquirijlla vaso shina cashcamanta alli cuidaichij. Paicunapish cancuna shinallataj mana c'uyaipajta c'uyashpa cushca huiñai causaita japijcunami. Cancuna Diosta mañacujpi ima ama jarcachunmi chashna cana canguichij.