GÉNESIS 16:10 - Dios Rimashca Shimicunami

¹⁰ Mandaj Diospaj angelca cashnapishmi nirca: “Cambaj huahua huahuacunataca achcatami mirachisha. Achca cashcamanta pipish mana yupai tucungachu.

GÉNESIS 16:10 Iomraidhean Croise

GÉNESIS 13:16

Cambaj huahua huahuacunataca ñutu allpa shina cachun achcatami mirachisha. Ñutu allpata maijanpish yupai tucujpica, cambaj huahua huahuacunatapish yupashcami canga.

GÉNESIS 16:9

Chaimi Mandaj Diospaj angelca: –Cambaj ama Saraipajllamantaj tigrailla, pai imata mandashcata tucuita cazuilla– nirca.

GÉNESIS 17:20

Ismaelmanta can mañashcatapish uyanimi. Paitapish alli cashca cachun nishami. Huahuacunayuj tucushpa, alli huiñachishpa yallitaj achcata mirarichunmi churasha. Paimantaca chunga ishqui mandajcunami llujshinga. Chashnami paimantaca jatun llajtata rurasha.

GÉNESIS 21:13

Cambajta ruraj huarmipi huacharishca churipish, cambaj quiquin churi cashcamanta paimantapish jatun llajtatami rurasha” nirca.

GÉNESIS 21:16

rishpaca arcohuan shitajpi caspi urmana shinapi tiyarigrirca. Paica: “Cai huambra huañujtaca mana ricusha ninichu” nishpa chaipi tiyacujpimi huambraca sinchita huacarca.

GÉNESIS 21:18

Jatari, cambaj churitaca maquimanta japishpa jatarichi. Ñucaca paimantaca jatun llajtatami rurasha” nirca.

ISAÍAS 63:9

Paicunapaj tucui llaquicunapica, chai llaquicunataca paimi aparca. Paipaj ñaupajpi caj angelhuanmi quishpichirca. Pai c'uyashpa, pai llaquishpami quishpichirca. Ñaupa punllacunapi apamuj cashca shinallatajmi jatarichishpa paipaj rigrapi apamurca.

MALAQUÍAS 3:1

Chaimantami Mandaj Diosca cashna nin: “Ñuca huillajtami ñaupachishpa cachasha. Paimi ñuca purina ñantaca allichinga. Cancuna mashcacushca Amoca, paipaj huasimanca ñapish yaicungallami. Cancuna shuyacushca ari ninacushcata pajtachij angelpishmi shamunga. Riquichij, ñamari shamucun” ninmi.

Juan 1:18

Taita Diostaca pi manataj ricushcachu. Paipaj shujlla Churi paipaj c'uchupi cajllami ricushca. Paimi Taita Dios ima shina cashcataca ricuchishca.

1 Timoteo 6:16

Pai Taita Diosca mana huañujmi. Pi mana c'uchuyaipaj luzpimi causan. Paitaca pi runacuna mana ricushcachu, mana ricui tucunchu. Tucuita rurai tucujtaca huiñaita, alli nishca cachun. Chashna cachun.

JUECES 6:11

Mandaj Diospaj ángel shamushpaca, Ofra pambapi caj encina yura ucupimi tiyarirca. Chai pambaca abiezeritacunapuramanta Joás runapajmi carca. Joaspaj churi Gedeonca madianitacuna quichunamantami uvata capina jutcupi trigota pacalla huajtacurca.

JUECES 6:16

Mandaj Diosca Gedeontaca: –Ama manchaichu, ñucamari canhuan casha. Madianitacunataca, shujllata shinamari canca jahualla mishangui– nircami.