GÉNESIS 15:9 - Dios Rimashca Shimicunami

⁹ Shina nijpimi Mandaj Diosca: –Quimsa huatayuj huarmi bizita, quimsa huatayuj chivata, quimsa huatayuj carnerota, shuj urpita, shuj palomata apamui– nirca.

GÉNESIS 15:9 Iomraidhean Croise

GÉNESIS 15:10

Abramca tucui chai animalcunata japishpa chaupishpaca, shuj chaupitaca shuj ladoman, caishuj chaupitaca caishuj ladomanmi ch'imbapura churarca. Ashtahuanpish urpita, palomataca mana chaupircachu.

GÉNESIS 15:8

Chaimi Abramca: –Mandaj Jatun Dioslla, cai llajtata ñuca japinataj cashcataca ¿ima shinataj yachashari?– nirca.

GÉNESIS 22:13

Shina nijpi Abraham ricunapajca, paipaj huashanijpi shuj carnero zarza casha yurapi gachucuna churarishpa shayacujtami ricurca. Abrahamca chai carnerota japishpami, paipaj churipaj randi Taita Diosman cushpa tucui rupachirca.

SALMOS 50:5

“Jucha illaj ñucapaj cajcuna tandanacuichij. Ñucaman cushpa rupachishpa ñucahuan ari ninacujcuna tandanacuichij” ningami.

CANTARES 2:12

Allpapica, sisacunami huiñashca. Cantana punllacunami chayamushca. Urpicuna huacashcami ñucanchij llajtapica uyarishca.

ISAÍAS 15:5

Chaipica Moabmantaca caparishpami huacasha. Chai llajtamanta llujshishpa rijcunaca, Zoarcamami miticushpa ringacuna. Paicunaca quimsa huatayuj huagra shinami ringacuna. Luhit huichitami huacaihuan huichiyangacuna. Horonaimman rina ñantaca llaquichishcamanta huacanata huacaihuanmi ringacuna.

LEVÍTICO 1:10

Oveja canllamanta cashpa, chivo canllamanta cashpa Diosman tucuita cushpa tucui rupachingapaj apamucushpaca, ima mana tucushca shuj c'ari animalta apamuchun.

LEVÍTICO 1:14

Mandaj Diosman tucuita cushpa tucui rupachingapaj, alasyuj animalta cucushpaca urpita cashpa, palomata cashpa apamuchun.

LEVÍTICO 1:3

Maijanpish Mandaj Diosman cushpa tucui rupachingapaj malta huagrata cushpaca, ima mana tucushca c'ari huagrata cuchun. Chaita Mandaj Dios chasquichunca, Mandaj Dioshuan tupana carpa huasi pungupi cuchun.

LEVÍTICO 12:6

C'ari huahuata cashpa huarmi huahuata cashpa huachashcamanta chuyayana punllacunata ña tucuchishpaca, Diosman tucuita cushpa tucui rupachinapajca shuj huatayuj ovejata, juchamanta cungapajca shuj palomata, mana cashpaca shuj urpita Dioshuan tupana carpa huasi punguman apamushpa curaman cuchun.

LEVÍTICO 12:8

Chai huarmica, ovejapaj mana charishpaca ishqui urpita, mana cashpaca ishqui palomata cashpa apamuchun. Chaicunamanta shujtaca tucui cushpa tucui rupachingapaj, caishujtaca juchamanta cungapaj apamuchun. Chaicunataca chai huarmipaj juchamanta Diosman cura cujpimi, paica ima mapa illajlla saquiringa” nircami.

LEVÍTICO 14:22

Shinallataj ishqui urpita cashpa, ishqui palomata cashpa pai apamui tucushcallata apamuchun. Chai animalcunamanta shujtaca juchamanta cungapaj, caishujtaca tucuita cushpa tucui rupachinapaj apamuchun.

LEVÍTICO 14:30

Chai q'uipaca lepra ungüimanta alliyajca shuj urpita cashpa mana cashpaca, shuj palomata cashpapish pai apamui tucushcallata apamushpami Diosman cunga.

LEVÍTICO 3:1

Alli causaimanta Mandaj Diosman animalta rupachishpa cucushpaca c'ari huagrata cashpa, huarmi huagrata cashpa, ima mana tucushcata cuchun.

LEVÍTICO 3:6

Mandaj Dioshuan alli cangapaj Mandaj Diosman ovejata cushpa rupachicushpaca, c'ari ovejata cashpa, huarmi ovejata cashpa ima mana tucushcata cuchun.

LEVÍTICO 9:2

Aarontaca cashna nirca: “Juchamanta cungapajca vacacunamanta shuj malta huagrata, Mandaj Diosman tucuita cushpa tucui rupachingapajca shuj carnerota ishquindijtaj ima mana tucushcata apamushpa Mandaj Diospaj ñaupajpi cunguichij.

LEVÍTICO 9:4

Shinallataj sumaj causaimanta Diosman cungapajca shuj huagrata, shuj carnerota apamushpa chaicunataca Mandaj Diospaj ñaupajpi huañuchichij. Aceitehuan chapushcata cunatapish apamuichij. Mandaj Dios cancunaman cunan ricurina cashcamantami chashna rurana canguichij ninmi” nircami.

Lucas 2:24

Jatun Dios Mandashcapica: “Ishqui urpita cashpa, ishqui palomata cashpapish cungui” nishcatapish apamurcacunami.